Балалар шытырман оқиғасы түріндегі мәдени іс-шара жоспары

ТОП: ББМ-02

КҮНІ: 02.02.2021

Сабақтың тақырыбы:Мәдени-тынығу іс-шарасын балалар шытырман оқиғасы ретінде ұйымдастырудың жалпы әдістемесі

Шытырман оқиғаның шығармашылық тұжырымын құрастырып, оны іске асыруда педагог мынадай принциптерді ескеруі керек:

Қауіпсіздік принципі. Ол шытырман оқиғаның табиғатынан қауіпті екендігіне байланысты негізгі болып саналады. Іс-шараның өтетін шарттарын, жерін, мезгілді қатаң түрде іріктеп, тексеріп алу керек. Бұл баланың жауапты адам позициясына өтуін көрсетеді.

Педагог барлық ерекшеліктерді түсіндіріп, қауіпсіздік баланың өзіне байланысты екенігін пысықтайды.

Ашықтық принципі өзара сыйластық, шытырман оқиға туралы толық хабардар болу негізінде қатысушылар қарым-қатынасын бекіту болып табылады. Бұл педагогтан оқиғаның барлық сырын ашып беруді талап етпейді. Тәрбиеленуші тәуекел факторын, кедергілер сипатын, көмек көрсету мүмкіндіктері туралы ескерілуі керек. Сонда ол өз қадамын болжап, саналы түрде ресурстарын және қолдау көрсету көзін жұмылдырады.Педагог қойылған сұрақтарға жауап беруге дайын болу керек. Бірақ біржақты, нақты кеңес беруден ситуацияға байланысты түрлі нұсқалар іздеуді ұсынған жөн. Бірегейлік принципі (эксклюзивтік) әр оқиғаның мүлдем жаңа сипатта, жаңа міндеттер жүктеуімен қызық екенін көрсету. Эксклюзивтік аурасы қатысушылар құштарлығын оя тады. Мысалы, атпен саяхат жасау балаға қызық болғанмен ат жарысқа қатысып жүрген спортшыға дәл сондай сезім сыйламайтыны бар. Сондықтан бір сюжет бірнеше рет әр түрлі командаларға ұсыныла береді. Шығармашылық нюанс дегендер ситуацияны мүлдем күтпеген бағытқа бұрып жіберуі мүмкін.

Оптимистік принципі қатысушыларды кедергі, қиындықтан қорықпай, жеңіске бағыттауы керек. Кедергілерді еңсеруде педагог оның қиындығына емес, оны жеңу мәселесіне екпін түсіру керек. Баланың жолы болмайтын адам ретінде сезінуіне жол бермеу керек. Қатысушылардың тиімсіз әрекеттері кезінде педагог бәрібір жеңіске қол жеткізуге болатынын дәлелдеуі керек. Соңында педагог балалардың жетістіктеріне қосылып, триумф жағдайын орнатады.

Инверсия принципі педагог пен тәрбиеленушілердің қарым-қатынасының динамикалық рухта болуын қарастырады. Педагог кез келген сәтте балалармен бірге оқиғаға тікелей қатысып кете алатындай болу керек. Ол ересекке жаңа идея, жаңа тапсырма жасауына негіз беріп қана қоймай, балалармен тең сөйлесуіне мүмкіндік береді.

Шытырман оқиға тұжырымын іске асыруда педагог пен тәрбиеленушілер қарым-қатынасында мындай сатылар белең алады: