Балаларды қорғау күніне арналған танымдық мақала

1 маусым-Халықаралық балаларды қорғау күніне арналған

Алғаш рет Халықаралық балалар мерекесі 1950 жылы аталып өтті. Бастамашы-Халықаралық Әйелдер демократиялық федерациясы. Соғыстан кейінгі кезеңде аштықты басынан кешкен қараусыз қалған балалар саны көп болды, оларға тіпті ұрлыққа да баруға тура келді.Аналар қауымдастығы - жер бетіндегі әр бала бақытты болуы керек деген ұран тастады. Парижде өткен Конгресте балалардың мәселесіне қоғамның назарын аудару үшін арнайы мереке құру ұсынылды.Идеяны 50-ден астам мемлекет қолдады. Мереке күні кездейсоқ таңдалған жоқ.1925 жылы Қытайдың Сан-Франциско қаласындағы Бас консул жаздың келуін білдіретін жетім балаларға арналған мереке ұйымдастырды.Ол балаларға алдын ала тәтті сияпаттар дайындады. Бұл идея барлығына ұнады.

Таңқаларлық кездейсоқтықпен, бұл күні Женевада балалар мәселелеріне арналған конференция өтті.1959 жылы Бала құқықтары туралы декларация жарияланды.1989 жылы Бала құқықтары туралы конвенция жасалды.

«Қазақстан-2050» Стратегиясында балаларды қорғау еліміздің әлеуметтік саясатының маңызды құрамдас бөлігі деп жарияланды.

Ұлт көшбасшысы Н.Ә.Назарбаев қазақ топырағында дүниеге келген әрбаланың құқығын қорғауды қамтамасыз ету міндетін қойды.

Халықаралық балаларды қорғау күнін Қазақстан Республикасында атап өту әрбір жас қазақстандықтардың әл-ауқатына мемлекеттік назар мен басымдықтың, елдің қатысушы мемлекет ретінде БҰҰ Бала құқықтары туралы халықаралық конвенциясының ережелерін іс жүзінде орындауға деген ұмтылысын растайды.

БҰҰ-ның жүргізген сауалнамасына жүгінсек, бүгінгі таңда әлемде әрбір оныншы бала үлкендер тарапынан жасалатын зорлық пен зомбылыққа ұшырайды екен. Әлемде өмірі қатерге толы балалар да баршылық. Аш-жалаңаштық, соғыс өрті, терактілер балалар ғана емес, үлкендердің де психикасына кері әсерін тигізеді. Бұл- қорғансыз балалардың басына түскен үлкен ауыртпалық екендігі шындық. Жасөспірімдер арасында нашақорлар саны өсуде, олардың жартысынан астамы ішімдік ішуден де кет әрі емес.

Осылайша, Балаларды қорғау күні мереке ғана емес, сонымен қатар, болашаққа бағдар жасайтын маңызды шараның бірі. Адамзаттың алдында тұрған зор міндет - болашақ ұрпақтың бақытты өмірін қалыптастыру.

Қазақтың ақиық ақыны М.Мақатаевтың

Бақыт деген - сенің бала күндеріңБақытсыз-ақ бақытты боп жүргенің,Бақытын да, басқасын да білмеуіңБақытсыз-ақ ойнағаның-күлгенің.Бақыт жайлы менің мынау білгенім-деп жырлағандай ең бақытты сәт ол балалық шақ.Ұйқысы тыныш, уайым-қайғысы жоқ, әке-шешенің қасында, асыр-салып ойнап-күліп…