Балалардың ертегілер арқылы тілін дамыту мақаласы

«Балалардың ертегілер арқылы тілін дамыту»

Ертегілер әрқашанда қазақ халқының өмірінде маңызды рөл атқарып келген. Себебі,ертегілердің мазмұнында халықтың тұрмыс тіршілігі салт-дәстүрі,әдеп-ғұрпы,бүкіл болмысы,адамдардың өзара қарым-қатынасы,мінез-құлқы бейнеленген.Ұрпақ тәрбиесінде ең тиімді тәрбие құралы ретінде ертегілер тілі жеңіл,түсінуі оңай болғандықтан,ертегілердің балаларға отан сүйгіштік,еңбексүйгіштік,тәрбиелер беруде ғана емес,олардың тілін дамытуда да атқаратын қызметінің маңызы өте зор. Ертегілер балалардың ой-өрісін жетілдіріп,оларды отаның сүюге,елін қорғауға,өнерді игеруге,жалпы адамгершіліктік құндылықтарды бойына сініруге септігін тигізеді.Сонымен қатар баланың сөздік қорында молайтуда қызметі өте зор.Ал сөздік қоры мол,тілі дамыған бала-үздік оқушы,себебі жоғарыда аталғандар жақсы үлгілердің негізі.Ой-өрісі дамып,сөздік қоры моайған баланың айтар ойы да істер ісі де өнегелі болмақ.Демек бала тілін дамыту,қоғам дамыған сайын күнделікті қажеттілікке айнала беретін ең өзекті мәселелердің бірі.Оның үстіне еліміз егемендік алғалы бері мемлекеттік тілде сөйлеу соны оқыту әдістемесін жетілдіру.

Бала тәрбиесінде ұйқы алдында балаға ертегі оқып беру,орасан зор мәнге ие. Сол үшін ата-ана бұл үрдіске өте жауапкершілікпен қарап және балаға ертегі оқудан бас тартпауы керек.

Ертегі оқу баланың тәрбиесіне ерекше әсер етеді, ойлау, фантазиясын дамытуға, елестету және творчествалық бастамасының дамуына әсер етіп, сөздік қорын ұлғайтады. Психологияда ертегітерапия сияқты бағыт бар, оның негізгі идеясы бала өзін ертегінің бас кейіпкері ретінде санап, жаманнан жақсыны ажырату, қайрымдылықтан жауыздықты айыру болып табылады. Сонымен қатар, ол баланы назар қойып тыңдағышқа және болып жатқан оқиғаларға көңіл бөлуіне баули бастайды.

Ұйықтар алдында балаға қарапайым және қайырымдылыққа толы ертегіні оқыған жөн. Баланың түс көруі, оның ұйқы алдында не көріп, не естіп және нені сезінгеніне байланысты.

Баланың есте сақтау қабілетін арттыру үшін, арасында қайталама сөздері бар ертегілер өте пайдалы. Ал сезім ритмін дамыту үшін ертегі өлеңдерді оқып отыру керек.

Ұйқы алдында ертегіні оқудың тиімді жақтары:

Заманауи ата-аналардың бүгінде балалармен толық қарым қатынас жасау мүмкіндігі үшін уақыттары жетпей жатады. Ал түнде ертегі оқу бала мен ата-ана арасын жақындатып және бір біріне деген ішкі байланысты бекітуге мүмкіндік береді. Осындай, берік эмоционалдық тәуелділіктің арқасында, ата-ана мен бала арасында сенімді қатынас орын алады.