Балаларға мамандықтар туралы сабақ жоспары

Білім беру саласы: Қатынас. Әлеуметтік сала.

Білім көздері: Қоршаған дүниемен таныстыру.

Тақырыбы: Мамандықтар.

Мақсаты: 1. Адамдардың әртүрлі мамандықтар туралы балалардың білімдерін жетілдіру.

2. Балалардың мұнайшы, шахтер құрылысшы мамандықтар туралы түсінігін қалыптастыру. Пайдалы қазба байлықтары және олардың алынуы жолдары, олардан не жасалатыны жайлы түсіндіру.

3. Жанар-жағар май тұрған жерде қауіпсіздік ережелерін сақтауға үйрету.

Сөздік жұмыс: мұнай, тасккөмір, әк.

Іс – әрекет бөлімдері

Педагогтің іс-әрекеті

Балалардың іс - әрекеті

Ынталандыру.

Сезімді ояту

Аспан түрлі түндігін,

Жерге сәуле жайылды.

Неткен ашық күн бүгін,

Қайырлы таң, қайырлы!

Балалар шеңбер жасап тұрып қайталайды.

Ізденістер.

Ұйымдастыру.

Педагогтің түсіндіруі:

-Мұнайдан алынатын жанармай, жағдайлармен машиналар жүреді. Мұнайдан парафин алынады. Парафинді электр жарығы жоқ кезде пайдаланамыз. Шамшырақты дұрыс пайдаланбасақ, одан өрт шығу қаупі туып, айнала қоршаған ортаға көп шығын келтіруі мүмкін. Сол себепті сақтық ережелерін сақтау қажет. Таскөмір тұрмыста жылу үшін, әкті құрылыста үйлерді ағарту үшін пайдаланады. Тас қалаушы – бұл құрылыс маманы. Үй құрылысында әртүрлі мамандық иелері бар. Олар: ағаш шебері, сылақшы, тас қалаушы, краншы, днекерлеуші, шатырлаушы.

Сәулетші үйдің жобасын жасағаннан кейін құрылыс орны таңдалып алынады.

Экскаватор өзінің үлкен қалағымен жерді қазады. Құрылысшылар үй қалайды. Сол сияқты басқа да мамандық түрлері бар. Олар: дәрігер, архитектор, инженер, шаахтер, т.б.

Сергіту сәтін өткізу.

Көтереміз қолымызды,

Созыламыз жоғары,

Бір,екі,үш

Денеңді солға бұр.

Қолыңмен көмектесіп,

Беліңді шынықтыр.

Әліппе-дәптермен жұмыс:

Суреттегі мамандықтар туралы әңгімеле.

Сурет бойынша шахтер мамандығының қыр-сырын түсіндіру.

«Кім болам?» дидактикалық ойыны. Шарты: балаларға болашақта қандай мамандық иелері болатындығын және елге қандай пайда келтіретіндігін әңгімелету.

Балалар жанар және жағар май туралы түсінгендерін айтады.

Сурет бойынша әңгімелеп береді.

Жалпы дамыту жаттығуларының 1-2 түрін орындайды.

Суретпен белсенді жұмыс істейді.

Сұрақтарға жауап береді.

Балалардың үлгі жауабы:

-Мен болашақта архитектор боламын. Архитектор сәулетті ғимараттарды жобалайды. Өзім тұрған ауылыма (қалама) салынатын әдемі, биік үйлердің жобасын сызамын.

Қорытындылау.

Өзін-өзі бағалау.

Сұрақтар:

Қандай мамандықтарды білесіңдер?

Дәрігер не істейді?

Жақсы мамандық иесі болу үшін не істеу керек?