Баланы мақтау өсіреді тәрбие туралы эссе үлгісі

Баланың мектепке даярлығын анықтау ережелері

Бүгінгі таңда баланың мектепке психологиялық тұрғыда даярлығын анықтауда түрлі тестлерден өткізу, мектеп бағдарламасын қабылдауға қабілеті мен оны әрі қарай қиындықсыз алып кете алу мүмкіндігі қай деңгейде екенін білу барлық ата-аналарды мазалайтын сұрақ екені даусыз. Біздің бүгінгі әңгімеміз осы мәселелер төңірегінде өрбімек.

Қазір қоғамда балаларды ерте жастан жан-жақты дамытудың түрлі орталықтары ашылып,олар тұрақты түрде жұмыс істеп жатыр.

Кейде бұл орталықтар баланы өте белсенді түрде үйретіп баланың қабілет қарымына қарамастан жүктеп жіберуі де мүмкін. Ондағы мақсаты- ата-анаға баласымен жүргізіліп жатқан жұмысының жақсы жүріп жатқаны туралы нәтиже керек болғандықтан ,кейде ақшаны көбірек табу,адам жинау үшін барынша тырысу. Онда сабақты әдетте мектепте істейтін мұғалімдер жүргізеді.Ал жалпы бұл сабақтар баланың жас ерекшелігіне сай,бала-бақша бағдарламасы бойынша ойын әдістерімен жүргізілуі керек екенін біреу білсе біреу біле бермейтіні рас. Өйткені мектеп бағдарламасы әлі оқу жасына жетпеген балалар үшін ауыр.Егер ол бағдарламаны уақытынан ертерек бастап,баланың даму мүмкіндігімен сәйкестендірмей бірден енгізіп ,бала үшін берілетін тапсырмаларды яғни жүктемені бірден ауырлатып жіберсе - бұл балаға кері әсер етіп,оған мектеп жасына жеткенде инфатильдік әсер беруі мүмкін.Инфатильдік әсер дегеніміз бұл –баланың оқуға деген ынтасының, қызығушылығының төмендеуі немесе мүлдем жоғалуы.

Басқаша тілмен айтқанда армансыз ойнап ойынқұмарлығы басылмаған баланы сабаққа жегудің ойдағыдай емес кері әсер беруі.

Бала одан қатты шаршап жүйкесіне әсер етіп соңында оны стресске апарып соғады. Бұдан кейін балаға мектептегі адаптацияның өзі ауыр болып, бала мектеп қойған талаппен онсыз да ауырлап кеткен мектеп бағдарламасын қабылдай алмай қалады.Мектепке барғысы келмей,бағдарламаны меңгеру түгіл оқудан мүлдем бас тартуы әбден мүмкін.Баланың мектепке даярлығы үш түрлі бағыттан тұрады.Олар қандай бағыттар түсіндіріп көрейік.

-мотивациялық даярлығы

-ерік-жігерінің жасына сай дамуы

-ақыл-ой деңгейінің жасына сай жетілуі

Мотивациялық даярлығы 6-7 жасар балада қалай байқалады?

Ең алдымен бала қоғамдық қатынас-пайдалы іс атқаруға ниетті бола білу яғни бала оқуға,үйренуге,бір іспен айналысуда оның нәтижесін көрсетуге қабілетті болып,үлкендердің одан нені талап ететінін түсінуі тиіс.