Баланың басты ұстазы ата-ана туралы мақала

Баланың Басты Ұстазы- Ата Ана

Жалпыұлттық жиналысқа қатысу үшін Наурызбай ауданындағы №188 мектеп гимназияға жиналған ата-аналар қауымы осындай ой түйіп қайтты. Бала өмірге, көзін ашқанда көрген ең алғашқы адамы-ата анасы оның өмірлік ұстазы болып қалыптасады. Баланың бойындағы көптеген адами қасиеттер ана сүтімен дариды. Баланың ең жақын жанашырыда оның ата-атанасы. Тәрбие мен білімнің, жалпы адами қасиеттің қайнар көзі-отбасы. Соған қарамастан соңғы кездері отбасынан баланың алуға тиісті міндеті мен мақсатын мектептің еншісіне қалдырған сыңайлымыз. Сол үшін де Білім және ғылым министрі барлық мекемеге ата-аналарды жұмыстан ертерек босатып, жалпыұлттық ата-аналарды жұмыстан ертерек босатып, жалпыұлттық ата-аналар жиналысына бір кісідей қатысуға шақырған еді. Ата-аналар жиналысының негізі мақсаты туралы баяндаған мектеп басшысы әрбір отбасының бала тәрбиесіне белсене атсалысуы, оның өмір қауіпсіздігі, денсаулығы интернет желісіндегі қауіпсіздігі туралы кеңінен әңгімеледі.

Мектептегі мен тәрбие мен білім бағдарламасы аясында жүргізіліп жатқан жұмыстармен де жан-жақты таныстырып өтті. Баланың тағдырына бей-жай қараудың соңы өкінішті жағдайға ұрындыратыны туралы бейнетаспа көрсетіліп, ата-аналар үлкен сабақ алғанай болды. Жалпы ата-аналар көбіне жұмысбастылықты желеу етіп, бала тәрбиесіне үстірт қарайтыны жасырын емес. Сондықтан ата-аналар бұл жиыннан бойында ұлттық сана, ұлттық психология, имандылық әдебі бар ұрпақ тәрбиелеу тек мектептің ғана емес, бүкіл мемлекеттің ортақ міндеті екендігін терең сезініп қайтты.

Абылай хан атындағы

Қазақ Халықаралық Қатынастар

және Әлем Тілдер Университетінің

2-курс студенті Абзал Иманәлі