Бақ мерекем, құт берекем – әз Наурыз тәрбие жоспары

Күні:

20.03.2019 ж

Тақырыбы:

«Бақ мерекем, құт берекем –Әз Наурыз»

Мақсаты мен міндеттері:

Ұлттық салт-дәстүр, әдет-ғұрып жайында түсінік беру. Ата-бабаларымыздың кейінгі ұрпаққа мирас еткен асыл мұрасын қадірлеп, қастерлеуге, қасиетін түсінуге баулу.

1-жүргізуші

Уа, халайық, халайық! Ұлыстың ұлы күні – Наурыз мерекелеріңіз құтты болсын! Наурыз мейрамына шақырамыз! Келіңіздер, тамашаны көріңіздер!

2-жүргізуші

Тыңдаңыздар, тыңдаңыздар,

Босқа қарап тұрмаңыздар,

Наурыз тойы басталды.

Береке де осында.

Мереке де осында.

1-жүргізуші

Құрметті ұстаздар, оқушылар, қонақтар! Бәріміздің көптен күткен Наурызымыз да келді!Наурыз тойларыңыз құтты болсын! Ұлыстың Ұлы күні аталған Наурызда еңбектеріңіз өнімді боп, тілектеріңіз қабыл боп, аман-есен тойдан тойға жетіп, ескі ауыртпалықтарыңыз ескі жылда кетіп, жаңа жылда, жаңа үміт, жаңа тіршілікпен, осы ұлыстың ұлы күнінде елімізге, жерімізге Наурызымыз есігін қуанышпен ашсын. Барлық жақсы ниет-тілектеріңіз қабыл болсын! 9 «А,Ә» сынып оқушылары дайындаған «Армысың, Әз Наурыз» атты мерекелік кешіне қош келдіңіздер!

2-жүргізуші

Алғашқы құттықтау сөз мектеп директоры Карибаева Айгүл Бидахметқызына беріледі.

Саққұлақ:

О ағайын бәріңізде көктем келді деп қуанып жатқан боларсыздар Жер ананың ақ көрпесі кетер емес сонда да болса мен бір тың тыңдап көрейін

1-жүргізуші

Саққұлақ ау біз мұнда жаңа жылдың келгеніне қуанып ел жұртымыз жаңа өмірге қадам басты деп отырмыз

Саққұлақ:

Мен сіздрді қорқытқалы отырған жоқпын. Мен тек естігенімді айтып жатырмын. Саспаңыздар мен көктем аруымызды қыс бұғауынан босатпай отырған секілді. Біз бірігіп мұның амалын табуымыз керек (ысқырып таусоғар, көлтауысар, желаяқты шақырады)

Желаяқ:

Армысыздар халайық,

Бармысыздар халайық

Күн жылынып қар еріп,

Көктемді қарсы алайық

Саққұлақ:

Сол көктемді бәріміз асыға күтіп отырмыз. Бірақ қыс көктем аруымызды жіберер емес.

Таусоғар:

Олай болса бәріміз жолға аттанайық. Менде саған асулардан асып, белдеулерден басып көмегімді тигізейін

Саққұлақ:

Ондай болса уақыт жоғалтпай аттанайық.

Би «Күй шашу»

2-жүргізуші

Жұтқанда қуанасың таза ауаны,

Құлаққа естілгендей жах әуені.

Жыл сайын тойланатын мәңгі – бақи,

Наурызың құтты болсын, қазақ елі!

(көктем аруы ортаға шығады, артынан таусоғар, көлтауысар, желаяқ ере шығады)

Көктем аруы:

Мен қайтадан туылдым,

Көк аспанның күмісімен жуындым.

Көк мұз жапқан шатқалында көкейдің,

Ақ арманның бүрлейтінін ұғындым

1-жүргізуші

Армысың Көктем аруы армысың қонақтар, қош келдіңіздер

Көлтауысар:

Көктем аруы қыстан аман шығып ортамызға қош келдің?

Саққұлақ:

Достар сендерге рахмет. Біздің Көктем аруымызды қыс құрсауынан босатып арамызға әкелгендеріңізге рахмет.

Желаяқ:

Иә менде өзімнің зымыран аяғыммен көктем аруын бір мезетте әкелдім.

2 -жүргізуші

Ару көктем сіздің жайнаған жүзіңізді көріп бір қуанып қалдық. Төрлетіңіздер. Сонымен қатар өздеріңізге арналған өнерімізді аз емес.

ӘН

1Жүргізуші:

Айтамын жарапазан есігіңе,

Наурыз келе берсін қазағыма

Ниетің Ұлыс күні қабыл болып