Бақыт құшағында ашық сабағы 7 сынып

Өзін-өзі тану сабағының жоспары.

Мектеп: Маңғыстау облысы, «Ә.Жанкелдин орта мектебі» КММ

Мерзімі: « 22 » «01» 2019 жыл

Тақырыбы: «Бақыт құшағында»

Құндылық: Жан тыныштығы. Қасиеттер: Өмірдің қас-қағым сәтін бағалау, қабылдай білу, қуанышты кездерін қадірлеу, кез-келген жағдаяттарды дұрыс бағалай білу, жан тыныштығына қол жеткізетін жолдарды таба білу, кешірімді болу, өзгенің жан дүниесін түсіне білу, адамның өзгере алатынына сену,

Мұғалім Жазира Ауанова Сыныбы: 7 «а» Оқушылар саны 14

Сабақтың мақсаты: Оқушыларға бақыттың

құндылық ретіндегі мағынасы туралы түсінік беру;

Міндеттері:

Оқушыларға адам өміріндегі қуанышты сәттер істеген игі істерден рахат тану, барды қанағат тұту және жалпы адам бақыты туралы түсіндіру;

Оқушыларды рухани адамгершілік қағидаларды өз бақыты үшін туралы түсіндіру;

Ресурстар: плакатқа жазылған дәйек сөздер, интерактивті тақта.

Сабақ барысы:

Ұйымдастыру кезеңі: Оқушыларды түгелдеу, оқу құралдарын тексеру. Тыныштық сәті.

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын… Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын… Нұр менің ішімде… Мен Нұрмын».

Осындай Нұр, Махаббат және Тыныштық күйінде отыра тұрыңыз…

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

Үй тапсырмасын тексеру

Сабақ барысын талдау.

Дәйексөз

Бақыттың мәні парасаттылықта, әркімнің өз алдына игілікті мақсат қоя білуінде, ол мақсат тек кездейсоқ рақат үшін емес, шынайы игілік үшңн бағытталуында, адамның өз мінез-құлқын, іс-әрекетін ерікті түрде өзгертіп, ізгілікке бағыттап отыруында.

Әл-Фараби