Бармағынан бал тамған аналар тәрбие сағаты, 10 сынып

Тақырыбы: Бармағынан бал тамған аналар

Мақсаты: Қазақ халқының мол қолөнер үлгілерімен таныстыра отырып, халық өнерін қастерлеуге, үлгі тұтуға үйрету. Оқушыларды әсемдікті тани білуге баули отырып, эстетикалық ой өрісін дамыту, адамгершілікке тәрбиелеу.

Көрнекілігі: Ою түрлері, нақыл сөздер, бейнефильм.

«Өмірде екі байлық бар: білім, өнер». Өнер туралы сөз ететін болсақ, алдымен халқымыздың дәстүрлі қолөнері ойға оралады. Әрине бұл айтпаса да түсінікті. Халқымыздың қолөнері ұлттық шығармаларымыздың ең жоғарғы формасы болып табылыды.

«Өнер – таусылмас азық, жұтамас байлық».

Барысы.

І. Кіріспе

Құрметті ұстаздар мен қонақтар, бүгінгі тәрбие сағатымыздың тақырыбы «Бармағынан бал тамған аналар» деп аталады. Қазақ елі тәуелсіздігін алғалы, халқымыздың қолөнері қандай жетістіктерге жетіп отырғаны белгілі. Себебі, қазір біз ұмыт бола бастаған қолөнерді қайта жаңғырта бастадық.

Қолөнер – халқымыздың қасиетімен ұрпақтан-ұрпаққа ауысып, тамырын тереңге жайып келе жатқан мұрасы.

«Өнер – таусылмас азық, жұтамас байлық» - деген халық даналығы. Әр халықтың өзіндік ұлттық өнері болады.

Өнер адамның дүнитанымына, сеніміне, адамгершілік-моральдық қасиеттердің қалыптасуына, эстетикалық сезіміне, алға қойған мақсатының айқындалуына әсер етеді.

Өнерді құдіретті күш, адамның жан серігі, ертеңгі жейтін тамығы, ішетін сусыны, рухани байлық деп бағалаған.

Видео: Ауылымыздың шебер аналары туралы

Ұрпақтан –ұрпаққа жеткен ұлттық қолөнерді қадірлеу, дамыту, оны келешек ұрпаққа табыстау басты парыз. Сіздерге біздің оқушыларымыздың дайындаған ән шашуын қабыл алыңыздар. Ән: «Мама» Есімханның орындауында

Негізгі бөлім:

Қонақпен сұхбаттасу

Қош келдіңіз Риза,Алматай апай!

Бүгінгі тәрбие сағатымызға келіп, алтын уақытыңызды бөлгеніңіз үшін сіздерге алғысымызды білдіреміз. Ортамызға жайғасып отырыңыз.

«Өз үйінде ою оймаған, кісі үйінде сызу да сыза алмас», - дегендей сабақ қонағымен сұхбат. Өзінің ісмерлігімен, ою ойып, тоқу тоқып , ұрпақтарына үлгі-өнеге көрсетіп отырған Алматай , Риза апаларымызды ортаға шақырып ,сөз береміз. Біз сіздерді бірнеше жылдан бері білеміз.

Сізбен сұхбаттасу үшін біздің сізге қояр бірнеше сауалдарымыз бар.

1.Қолөнермен айналысуды неше жасыңыздан бастадыңыздар?

2.Ең бірінші жасаған бұйымыңыз естеріңізде ме?

3.Неден жасадыңыз?

4.Сіздерге тапсырысты басқа да қалалардан бергендер болды ма?

5.Шәкірттеріңіз бар ма?

6.Қолөнерден басқа қандай өнерлеріңіз бар?