Бастауыш сынып апталығы туралы әдістемелік мақала

«Ұлт болашағы білімді ұрпақ қолында»Н.Ә.Назарбаев

Елбасымыздың осы бір сөзі білімнің көкжиегін айқындап бергендей. Ұлттың болашағын білімді ұрпақпен байланыстыра отырып айтуы да тегін емес. Себебі қазіргі жаhандану заманы білімділердің бәсекеге түскен майданы болып отыр. Еліміздің ертеңі білімді азаматтың қолында. Бүгінгі білімді шәкірт ертеңгі ел тұтқасын ұстайтын азамат. Сол азамат бойында тапқырлықты, алғырлықты қалыптастыру мектеп қабырғасынан басталады.

Осы бағытты жүзеге асыруда «бастауыш» сыныптардың алар орны ерекше деп білеміз. Білім мен дағдының іргетасы қаланар кезеңі де осы бастауыш сыныптарында еді.

Осыған орай Аққулы ауданының Ямышев жалпы орта білім беретін мектебінде «Білім басы бастауышта қаланар, білімменен әлемге жол салынар» атты тақырыпта бастауыш сынып апталығы өтіп, қорытындыланған болатын.

Бастауыш сынып бірлестігі апталығының ашылу сәті де ерекше сипатта өтті. Жоспарға сәйкес ашық сабақтар мен сыныптан тыс іс-шаралар өткізіліп, мүғалімдер тәжірибе алмасты. Атап өтсек: Бекенова Данара Байболатқызы дүниетану пәнінен 3 «А» сыныбында «Тыныс алу мүшелері. Тыныс алу құпиялалары» атты тақырыбында ашық сабақ, Орекенов Асылбек Тұяқпайұлы «Баскетбол элементтері» тақырыбында 3 «А» сыныбында ашық сабақ, Жанпеисова Меруерт Гариффолаевна «Жануарлардың бейімделуі» тақырыбында 2 «А» сыныбында ашық сабақ, Серикбаева Менуара Жарқыновна «Менің отбасым» тақырыбында 1 «Ә» сыныбында ашық сабақ, Елтаева Дана Ержановна мектепалды даярлық тобында «Менің досым» және 2 «А» сыныбында «Біздің мектеп» тақырыбындағы ашық сабақтары жоғары деңгейде өткен болатын.

Сондай-ақ оқушылардың қабілеттерін шыңдау мақсатында оздырылған сыныптан тыс шаралар да апталық аясын кеңейте түсті. Бекенова Данара Байболатқызының «Бүгінгі білім- ертеңгі байлығым» атты зияткерлік білім сайысы 3 «а» сынып оқушыларының қызығушылығын оята білсе, Жанпеисова Меруерт Гариффолаевнаның «Балалық-даналық» 2-3 сынып оқушылары арасында оздырылған зияткерлік интелектуальдық сайысы және Серикбаева Менуара Жарқыновнаның 1 «Ә» сыныбында «Математикалық сайыс» сыныптан тыс іс-шарасында білім алушылардың ішінен мықтыларды анықтады.

Сонымен қатар жас ұрпағымыздың шығармашылық қабілеттерін дамыту мақсатында «Жасымда ғылым бар деп ескермедім» ұлы Абай атамыздың 175 жылдығына арналған «Мәнерлеп оқу» сайысы, «Бояулар сыр шертеді» сурет көрмесі, «Ойлан, тап» атты бұрышы, «Сүйемін, өскен Отаным!» Абайдың әндер байқауы, «Көркем жазу» сайысы…