Бастауыш сыныпқа арналған Ғарышкерлер күні тәрбие сағаты

Тақырыбы: «Ғарышкерлер күні» 12.04.2023

Білім беру салалары: қатынас, таным, шығармашылық.

Бөлімдері: Сөйлеуді дамыту,Көркем әдебиет, қарапайым математика, жапсыру.

Мақсаты: Ғарыш әлемі жайлы және 12 сәуір – ғарышкерлер күні екенін түсіндіру, Балаларға ғарыш, ғарыштық ұшулар, ғарышкерлер дайындау орталығы туралы түсінік беру. Тұңғыш ғарышкерлермен және Қазақстан ғарышкерлерімен таныстыру. Экологиялық сана қалыптастыру және дамыту. Адамзаттың ортақ үйі – Жер планетасына, ғарыш әлеміне сүйіспеншілікке тәрбиелеу. Отанымызды қорғай білуге сүйіспеншілігін арттыру. Топпен жұмыс жасауға бір-бірін сыйлауға тәрбиелеу.

Әдіс-тәсілдер:сұрақ-жауап, түсіндіру, баяндау.

Қажетті көрнекі құралдар: слайдтар, тапсырмалар, аудио дыбыс.

Мұғалім: Құрметті оқушылар, ұстаздар! 12 сәуір –ғарышкерлер күні мерекесімен баршаңызды құттықтаймыз! Осы мерекеге дайындаған тәрбие сағатымызды бастауға рұқсат етіңіздер.

Балалар, таңертең көзімізді ашып оянғанда терезеге қарасақ, ең алдымен біз нені көреміз?- Дұрыс, күнді көреміз.- Күн бізге не береді?- Олай болса бір-біріміздің қолымыздан ұстап бүгін бізге келген қонақ-апайлармызға жылы лебізімізді білдірейік.Шаттық шеңбері:Күннің көзі ашылып,Көкке шуақ шашылып.Төрімізге еніпті,Амандасу үлкенге.Тәрбиенің басы ғой!Ал, қанекей, бәріміз,Сәлем дейік үлкенге.

Балалар бүгін сендермен топ болып жұмыс жасаймыз. Кәне Ай, күн, жұлдыз болып бөлініп отырайық.тамаша.

- Балалар, бүгінгі сабағымызды бастамас бұрын сөз жұмбақ шешіп алайық.

1. Алды-артына бірдей оқылатын үш әріптен тұратын сөз(аға)

2. Жер серігі (ай)

3. Шұңқыр, жыра (ор)

4. Күн қатты ысып, жердің шаңы шыққанда адамдар нені қалайды?(жаңбыр)

5.Қарны ашқан адам (аш)

- Ғарыш дегенде ойларыңа не келеді?

-Ғарыш – табиғаттың бір бөлшегі. Жер ғарыштың бір бөлігі. Адам аспанға қарап, жұлдыздарды көреді. Сол жұлдыздар – ғарыш. Бұрын адамдар мұхит арқылы сапар шегетін кезде жұлдыздарға қарап жолының бағытын айқындаған.

Ғарыш - аспан әлемі, космос. Аспан әлемін зерттеу өте ерте кезден бастаған. Ғарышты адам игілігіне пайдалану үшін адамдар көп еңбектенді. Мысалы, олардың бірі аспандағы бұлттардың қозғалысын бақылап,содан кейін ауа райын дәл айтқан. Ал, кейбіреулері мұхиттарда жүрген кемелерді аспаннан бақылаған.

Ғарышқа ең бірінші иттерді ұшырған. Неге итті таңдады?

Ғалымдар ит болғанда, үлкен төбеттер емес, кішігірім итті таңдаған.Өйткені мұндай ит өте төзімді жануар. Белка мен Стелка бірінші рет орбитаны сәтті айналып, Жерге аман оралды.

Байқоныр туралы не білеміз?( Ғарыш айлағы, онда ғарыш кемелері ұшырылады)

-Балалар, мында қараңыздар!

-Мынау аспан әлемі. Аспан әлемінде көптеген жұлдыздар, шоқ жұлдыздар бар.