Бастауыш сыныптарға арналған тәрбие сағаттары жинағы

Тәрбие сағаттың тақырыбы: Мен кішкентай патриотпын. Күні:Мақсаты: Балаларды Отанға деген мақтаныш, патриоттық сезімін дамыту. «Азамат» деген сөздің терең мәнін түсіндіріп өту.«Отанды сүю – от басынан басталады.»«Отансыз адам, Ормансыз бұлбұл.»«Кісі елінде сұлтан болғанша, Өз еліңде ұлтан бол.» мақалдардың мағынасын талқылап, түсіндіру, балалардың пікірлерін тыңдау.Көрнекіліктер: суреттер, қарындаштар, ақ қағаз, түрлі – түсті қарындаш. Слайд

Өтілу барысыКіріспе:Балалардың назарын сабаққа аудару.Психологиялық сәт:

Үлкенге де “СІЗ”, Кішіге де “СІЗ”.Бар адамға құрметпен,Бас иеміз біз!

Балалар шаттық шеңберінде көңілдері көтеріңкі болып, сабаққа зейін қояды.Бір-бірімен таныстыру.

Сұрақ: Балалар, Отан деген не, кім қалай түсінеді?

Мұғалім түсіндірмесі:

Негізгі бөлім

-Отан – әр адамның жүрегіне жылы тиер қасиетті сөз.

Отан –сенің туған елің, туған жерің, дос –жарандарың, туған туысқаның. Отан- бұл өзіңнің тұратын, өмір сүретін, қызмет ететін жерің.

Отан адам үшін біреу ғана.

Отанды анаға теңейді. Себебі, Отан сендерді анаңдай қорғайды, көмектеседі, күш береді.

Біз Отанымызды, елімізді сүйеміз.

Біз, Қазақстанның патриотымыз!

Әнұран орындалады.

Сұрақ:

– Балалар «патриот» деген сөзді қалай түсінесіңдер?– «патриот» қандай болу керек деп ойлайсыздар?Синквейн құрғызу

Қандай? Аса өнегелі, жауапты, тәртіпті

Не істейді? Өз Отанын сүйеді, қорғайды, еңбек етеді

Кім? Азамат, жеке тұлға

Бұл сабақта әрбір азаматтың қандай құқығы мен міндеті бар екендігін түсінеміз.Азаматтың құқығы ғана емес, азаматтық парызы да бар.Сіздер кішкентай балапандар – еліміздің болашағысыздар.

«Сен де бір кірпіш дүниеге,

Кетігін тап та бар қалан…» деп Абай атамыз жырлағандай елін сүйген азамат болуға сіздер міндеттісіздер.– Міне осы өсиеттерді есте сақтау әркімге де қажет.

Қорытынды

Енді мен сендерге парақ беремін «Менің ауылым» тақырыбында бейнелейікші.Ал ендігі тапсырма, отан туралы мақал – мәтелге көңіл аударайықшы:«Отанды сүю – отбасынан басталады.»«Отансыз адам-ормансыз бұлбұл.»«Кісі елінде сұлтан болғанша,

Өз еліңде ұлтан бол.»Мақалдардың мағынасын талқылап, түсіндіру, балалардың пікірлерін тыңдау.Міне енді осының барлығын біз кішкене жүрегімізге тоқып алсақ келешекте жақсы да сенімді Қазақ еліміздің нағыз “АЗАМАТТАРЫ” боларсыздар деп үміттенемін.

Тәуелсіз Қазақстан-Ұлы Отаным,

Көк туымды қалайша құлатармын.

Тып-тыныш тұрып жатқан жайымыз бар,

Бәріміз баласындай бір атаның.

Елімізде бақ-береке, ырыс болсын.

Қазақ тілім қанжардай қылыш болсын.

Халқымның ахуалы дұрыс болсын.

Елімізде әрқашан тыныш болсын!

Мәңгілік еліміз жасасын!

Қазіргі таңда үштұғырлы тіл жайлы көптеп айтылып жатқаны бәріңізге мәлім. Міне биыл балаларыңыз да үш тұғырлы тілді қолға алмақшы. Яғни қазақ тілімен қатар орыс, ағылшын тілінде білім алмақшы.

Міне біз де өз үлесімізді қоспақшымыз. Мемлекеттік тілді дамытамыз, орыс тілін қолдаймыз, ағылшын тілін үйренеміз.

Енді балалар сабағымызға кері байланыс жасайық.

Бүгін мен білдім:

Мен үйрендім:

Қиындық тудырды:

Қолымнан келді:

Құрметті ата-аналар, ұстаздар!

Тастан жарып шыққан гүл секілді алдағы күнге сенімділікпен ұмтылатын білімді ұрпақтарымыз көп болсын!

Бүгінгі тәрбие сағатымыз аяқталды. Сау болыңыздар!

Қаратал ауданы

Қызылжар ауылы

«Лермонтов атындағы орта мектеп»КММ

Тәрбие сағаттың тақырыбы:

« Мен кішкентай патриотпын»

Сынып жетекші: Теңсоветова А.Б

Күні:

Тәрбие сағаттың тақырыбы: Әдепті бала – арлы бала

Мақсаты :Оқушыларды адамгершілікке,қарапайымдылыққа, кішіпейілдікке, әдептілікке, еңбексүйгіштікке үйрету. Әдеп пен сыпайылық арқылы жаман әдеттерден аулақ болуға тәрбиелеу. Адам бойындағы ұнамды, ұнамсыз қылықтарды ажырата отырып әдеп әліппесін бойына дарыту, тіл байлығын таным белсенділігін арттыру.

Түрі: аралас сабақ

Әдісі: сұрақ-жауап,талдау

Барысы: 1 Ұйымдастыру

2 Балалар бүгінгі сабақта біз әдептілік туралы сөз етпекпіз. Сұрақ:

-Әдептілік деген не? Оны қалай түсінесің?

- Әдепті бала қандай деп ойлайсың?

-Әдепсіз дегенді қалай түсінесің?

-Әдепсіз бала қандай болады?

Сонда адам бойында жақсы, жаман қасиеттер болады екен. Бізге ақылдылық пен адалдықты, қарапайымдылық пен кішіпейілділікті, инабаттылықты үлкендер үйретеді. Бойымызға анамыздың ақ сүтімен ,анамыздың тілімен дариды. Біз оны түсініп ата-баба салт,әдеттерін үйренуге тырысамыз. Адам болатын бала барлық жақсы қасиеттерді үйреніп жаман мінез, әдеттерден, ұнамсыз қылықтардан аулақ болуға тырысуы керек. Басқалармен қарым-қатынас жасағанда әдеппен ақылды ұмытпайды. Осы арайда, Абай атамыз

«Адам болам десеңіз» деп нені айтты, «Ананын тілін алса егер» өлеңінде не делінген еді?

3. Енді ,әдептілік туралы сендер не айтар едіңдер?

1 Ата-ананың тілегі,

Адам болып өскенін,

Адамдықтың тірегі

Адал болып өскенін.

2. Әдептілік дегенің

Әрқашанда керегің

Әсемпаздық дегенің

Әуре сарсаң әлегің.

3. Спортпен айналыс

Сұлулық сыйлаған

Сол саған пайдалы іс

Сауық пен кинодан.

1) Суреттер бойынша адамгершілік, сыпайылық, әдептілік жайында әңгімелету. ,,Үлкенді құрметтеу,,, ,, Кішіге қамқорлық,, ,,Автобус ішіндегі бала,, т.б.

2) ,, Жалғастыр,, ойынын ойнату.,, Не істеуге болмайды?,, Тәрбиеші бастапқы сөзін айтып, оқушы ойланып жалғастыруы керек.

Үлкендердің алдынан кесіп өтуге болмайды.

Кішкене баланы жылатуға болмайды.

Құстарды атуға болмайды.

Сабақтан кешігуге болмайды.

Сыныпта айғайлауға болмайды.

,, Не істеу керек?,,

Үкен кісіні сыйлау керек.

Үлкеннің тілін алу керек.

Үлкендерге сәлем беру керек

Оқу құралдарды күтіп ұстау керек.

3),, Сырлы хаттарға,, жауап беру.

4),, Тыйым сөздерді,, айтып жарысу, айтысу.

5) Қорытынды

Балалар,біз бүгін не туралы әңгімелеп, көрініс қойдық? Әдептіліктің ең бірінші белгісі не? Жаман әдеттен аулақ болып, әдепті бала болыңдар. Әдепсіз деген сөзді өздерің де, ата-аналарың да, тәрбиешілеріңе де естіртпеңдер.

Қаратал ауданы

Қызылжар ауылы

«Лермонтов атындағы орта мектеп»КММ

Тәрбие сағаттың тақырыбы:

«Әдепті бала-арлы бала»

Сынып жетекші: Теңсоветова А.Б

Күні:

Тәрбие сағаттың тақырыбы: Ана тілім – ардағым!

Сабақтың мақсаты: туған елін, жерінсүйуге, еліне деген сүйіспеншілік

көзқарас қалыптастыру.

Сабақтың түрі: сайыс сабақ

Көрнекілігі: Тіл туралы жазылған қанатты сөздер, жалаушалар, шарлар.

Барысы:

Мұғалім сөзі: Қымбатты ұстаздар, оқушылар! Қазақстан халықтарының тілдер күніне орай «Тәуелсіз елдің тұтқасы – қазақы жүрек, қазақ тілі» атты айлық аясында ұйымдастырылған «Ана тілім — ардағым» атты «Тіл білгірі» танымдық ойынымызға қош келдіңіздер!

«Біл білгірі» сайысы басталады,

Білгірлерді жұршылық қарсы алады.

Көшбасшысы тілдердің қазақ тілі,

Тағы басқа тілдермен достасады, — деп сайыскерлерімізді ортаға шақырамыз.

Сайыскерлеріміздің білімін, шешендік шеберліктерін, зеректіктерін байқап бағалайтын әділ қазылар алқасымен таныс болыңыздар.

Ойынымыздың бірінші кезеңі «Бәйге». Мұнда сіздерге 12

сұрақ беріледі. Берілген сұрақтарға тез, шапшаң, жауап беру керек. Қолдарыңыздағы жалаушаны бірінші көтерген оқушы жауап береді, жауап дұрыс болмаған жағдайда келесі оқушы жауап беруге болады.

1. Қазақ әліпбиінде неше әріп бар? (42)

2. «Қызыл» сөзіне сұрақ қой? (Қандай?)

3. Дыбыстар қалай бөлінеді? (Дауысты, дауыссыз)

4. Заттың атын білдіретін сөздерге қандай сұрақтар қойылады? (Кім? Кімдер? Не? Нелер?)

5. Адамдардың қатынас құралы? (Тіл)

6. Қазақ тілінде неше дауысты дыбыс бар? (15(

7. «Үш бақытым» өлеңінің авторы? (М. Мақатаев)

8. Алматы қаласы қандай таудың етегінде орналасқан?

9. Қазақ тілінде неше дыбыс бар?

10. «Ғасыр саңлағы» әңгімесі кім туралы? (Т.Әубәкіров)

11. «Алтын бесік» әңгімесінің авторы кім? (Н.Габдоллин)

12. Сөз буынға қалай бөлінеді? (Сөзде дауысты дыбыс қанша болса, сонша буын болады)

Бірінші кезең бағаларын білу (ұпайы аз оқушы ойыннан шығады)

Ойынымыздың екінші кезеңі «Мақалдың жалғасын тап»

1. Өнер алды …. (қызыл тіл)

2. Тіл тас жарады….. (Тас жармаса бас жарады)

3. Шебердің қолы ортақ … (Шешеннің тілі ортақ)

4. Тіл қаруы сөз …. (Сөз аруы — ой)

5. Сөз сөзден туады ….. (Сөйлемесе неден туады)

6. Отыз тістен шыққан сөз …..(Отыз рулы елге тарайды)

Екінші кезеңнің бағаларын білу (ұпайы аз ойыншы ойыннан шығады)

Ойынымыздың үшінші кезеңі «Әдебиет әлемі». Бұл сайыста сіздерге әдебиеттік оқу пәнінен 10 сұрақ беріледі.

1. «Қазығұрт» тауы қазақстанның қай жерінде орналасқан? (Оңтүстік Қазақстанда)

2. Қазақстан Республикасының мемлекеттік тілі (Қазақ тілі)

3. Қазақстан Республикасының мемлекеттік туында нелер бейнеленген? (Ою-өрнек, күн, қыран)

4. Сұлтан Бейбарыс туған жерін қаай есіне түсірді? (Жусанды иіскеп)

5. «Үш бақытым» өлеңінде ақын қандай бақыт туралы айтқан? (Тіл, Отан, Халқы)

6. Абай атамыз айтқан бес асыл іс? (Талап, еңбек, терең ой, қанағат, рахым)

7. 5 дұшпанды ата? (Өсек, өтірік, мақтаншақ, еріншек, мал шашпақ)

8. 22 қыркүйек қандай мереке? (Тілдер мерекесі)

9. «Туған өлкем» өлеңінің авторы? (Ө.Тұрманжанов)ъ

10. «Медеу» мұз айдыны қай қалада? (Алматы қаласында)

Үшінші кезеңнің бағаларын білу (ұпайы аз ойыншы ойыннан шығады)

Сайысымыздың төртінші кезеңі «Көкпар». Ойыншымыз емін – еркін ой толғаулары үшін сөздер беріледі. Сол сөздердің пайдасы мен зиянын баяндайық.

Төртінші кезеңнің бағаларын білу (ұпайы аз ойыншы ойыннан шығады)

Сайысымыздың бесінші кезеңі «Жорға». Бұл кезеңге ұпай саны бойынша алда келе жатқан екі сайыскер қатысады. Ойыншыларымыз 1 минут ішінде 10 сұраққа жауап беруі керек.

I – ойыншыға:

1. Қандай сөздер бас әріппен жазылады? (кісінің аты – жөні, жер – су аттары, жан – жануарлар атаулары)

2. Дауысты дыбыстар қалай бөлінеді? (Жуан, жіңішке)

3. «Бәрінен де жақсы» мәтіні кім туралы? (Ана туралы)

4. Кешкілік қарашы, Шамдарын санашы, — атты өлең жолдары қай шығармадан алынған? (Алматы қаласы)

5. «Қасиетті шар» әңгімесі кім туралы? (Ә.Табылды(

6. Қазақстан Республикасының Астанасы қай қала? (астана қаласы)

7. Мұқағали Мақатаева Кім? (Ақын)

8. Қандай? Қай? Сұрақтарына жауап беретін сөз табы? (Сын есім)

9. Сұлтан Бейбарыстың өмірі қай елде өтті? (Араб елінде)

10. Жұп дауысты дыбыстарды ата? (а – ә, о – ө, ы — ү)

I – ойыншыға:

1. Т.Әубәкіров қай жылы ғарышқа ұшты? (1991 ж. 2 қазан)

2. Әбілқан Қастеев кім? (суретші)

3. Қандай сөздерді тасымалдауға болмайды? (Алғашқы буыны бір дыбыстан тұратын сөздер)

4. 1935 ж. БҚО, Жымпиты ауданында дүниеге келген ақын (Қ.Мырза — Әли)

5. «У» қандай дыбыс? (Дауысты да, дауыссыз да болады)

6. Жуан дауысты дыбыстарды ата? (а,о,ы,ұ)

7. Ж.Молдағалиев қай жылы, қай жерде дүниеге келді? (1920ж. БҚО, Жыланды елді мекені)

8. Ы.Алтынсаринннің шығармаларын ата?

9. Етістікке қандай сұрақтар қойылады? (Не істеді? Не қылды? Қайтті?)

10. Қазақстан Республикасының тұңғыш президенті кім? (Н.Ә.Назарбаев)

Әр тілде сөйле әлемді таң қылып,

Ана тілін білмеу қандай заңдылық?

Өсер балаң, байтақ далаң тұрғанда,

Ана тілім жасау керек мәңгілік.

Мәреге жеткен ойыншымыздың нәтижесін білу, сөз әділқазы алқасына беріледі.

Тәуелсізбін, өсемін, жетілемін,

Сен арқылы оянды көкірегім.

Тербетемін аяулы бесігімді,

Ана тілім, өркендеші, өтінемін.

Ойын жеңімпазы анықталып, сайыскерлер марапатталады.

Қаратал ауданы

Қызылжар ауылы

«Лермонтов атындағы орта мектеп»КММ

Тәрбие сағаттың тақырыбы:

Сынып жетекші: Теңсоветова А.Б

Күні:

Тәрбие сағаттың тақырыбы: Отбасы мүшелерін білейік

Мақсаты:оқушылардың отбасы, жанұя туралы білімдерін шыңдай түсе, отбасы құндылықтарының маңызын дәріптеу.

Оқушылардың естес ақтау, ойлау қабілеттерін, тіл байлығын, өз беттерінше жұмыс істеу дағдыларын дамыту.