Бастауышпен қоштасу ертеңгілігіне арналған тәрбие сағаты

Елхондиева К. С.

«Ә. Махутов атындағы мектеп-балабақша кешені»

коммуналдық мемлекеттік мекемесінің бастауыш сынып мұғалімі

Маңғыстау облысы, Бейнеу ауданы, Төлеп ауылы

Бастауышпен қоштасуға арналған ертеңгілік

Тақырыбы: Бүгінгі шәкірт - көгершін, болашағың көгерсін!

Мақсаты: Білімнің сара жолы бастауыштан басталатынын, бастауышта алған білімнің негіз болып қаланатынына көз жеткізу. Білім берген, өнер үйреткен ұстаздарға алғыстарын білдіру. Алған білімдері мен жетістіктерін іс жүзінде көрсете білу. Мектепті, яғни, білім ордасын, ұстаздарын құрметтеп, еңбекті бағалай білуге тәрбиелеу. Ата-ананың, Отанның адал ұл-қыздары болуға тәрбиелеу.

Көрнекілігі: тақырып және нақыл сөздер жазылған плакаттар, суреттер, шарлар, гүлдер және сынып өмірінен жасалған слайдтар.

Барысы:

Мұғалім: Қымбатты ұстаздар, ата-аналар! Бүгінгі күн осында отырған бәріміз үшін ерекше күн. Себебі, осыдан 4 жыл бұрын мектеп табалдырығын жүрексіне аттаған балаларыңыз оқып, білім алып, қанаттарын қатайтып бастауыш сыныппен қоштасқалы отыр. Балаларыңыздың бастауыш білім басқышынан жоғары сыныпқа өткені құтты болсын!

Бүгінгі менің көгершіндерім, болашақтарың көгеріп биіктерге самғаңдар деген тілекпен бүлдіршіндерімізді кезекпен ортаға шақырамыз.

Мұғалім: Мен үшін бәрің бірдей қарақтарым,

Орындалсын арман тілек талаптарың.

Ақ парақтай келдіңдер сәби болып,

Ұғындым, әрбіріңді парақтадым.

Өткіздік талай күнді, талай айды,

Уақыт сырғып артқа қарамайды.

4 жыл бойы сендермен бірге болдым,

Өткіздік талай қызық, талай жайды.

Ірге тасын қаладым, білім бердім,

Саналы ұл-қыздарым бүгін менің.

Ортада тұрған осы шәкірттердің,

Көрейік тамашалап өнерлерін.

Қызықты да ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата-аналарына өз өнерлерін көрсетуге дайын. Олай болса жүргізушілерімізді ортаға шақырайық.

1-жүргізуші: Бала шаққа болашақты жырлатып

Шәкірттерге ой түзеткен сымбатты.

Күн нұрындай сәуле құйған көңілген

Армысыздар ұстаздарым қымбатты.

2-жүргізуші: Армысыздар әжелер мен аналар,

Ұрпағыңыз күнде өзіңнен бата алар.

Ел дәстүрін мәңгі сыйла оқы деп

Үйреткен ғой Абай, Ыбырай бабалар.

1-жүргізуші: Армысыздар өр тұлғалы әкелер,

Қыран құстай балапанын мәпелер.

Бүгін, міне, бастауышпен қоштасады,

Азамат боп кешегі сәби еркелер.

2-жүргізуші: Армысың сен, алтын ұя мектебім,

Саған айтар жыр алғысым көп менің.

Жүректерге жаққан білім шырағын,

Мектебіме арналады бұл әнім.

1-жүргізуші: Дұрыс айтасың, Айымжан. Бұл мектептен қаншама адам тәлім алған десеңші.

Бұл мектептен атамыз да, әжеміз де, әкеміз де, анамыз да тәлім мен білім алған. Енді біз де дәл сол кісілердей тәлім алудамыз. Олай болса, мектеп туралы ән шырқайық.

2-жүргізуші: Динара мен Фатиманың орындауында «Мектебім, аяулы мектебім» әнін қабыл алыңыздар.

1-жүргізуші: Әр сабақта жаңалықты шығарып,

Ұқсаймыз біз апайларға үнемі.

Шығармашыл істеріне еліктеп,

Болдық міне мақтанышы мектептің- дей келе 4 жыл бойы жиған терген жетістіктерімізді айтайық.

Оқушының аты-жөні

Жетістігі

Алдоңғар Жансаят Өміржанұлы

1. Аудандық VII “Жас өркен” балалар шығармашылығы фестивалінің “Көркемсөз” жанры бойынша III орын иегері.

2. 4-cынып оқушыларының аудандық олимпиадасында ана тілі пәні бойынша II орын иегері.

3. Аудандық “Бастау” математикалық турниріне қатысқаны үшін сертификат иегері.

4.“Мен мамандық таңдаймын...”тақырыбында республикалық интернет - байқауының сертификат иегері.

Амангелді Мәдина Расулқызы

1. Аудандық “Бастау” математикалық турнирінің БАС ЖҮЛДЕ иегері.

2. Облыстық “Бастау” математикалық турнирінің сертификат иегері.

3. 4-cынып оқушыларының аудандық олимпиадасында математика пәні бойынша II орын иегері.

4. “Мен мамандық таңдаймын...” тақырыбында республикалық интернет - байқауының сертификат иегері.

Нұрсұлтан Фатима Аманқосқызы

“Қазақ даласының ұлы тұлғалары” тақырыбындағы республикалық интернет-байқауының I орын иегері.

Муңышова Айымжан Бақытжанқызы

1. 4-cынып оқушыларының аудандық олимпиадасында дүниетану пәні бойынша II орын иегері.

2. “Мен мамандық таңдаймын...” тақырыбында республикалық интернет - байқауының сертификат иегері.

Дәуіт Іңкәр Самалбекқызы

1.“Мен мамандық таңдаймын...” тақырыбында республикалық интернет - байқауының сертификат иегері.

2.“Қазақ даласының ұлы тұлғалары” тақырыбындағы республикалық интернет-байқауының сертификат иегері .

Нұрсұлтан Ғалымжан Аманжолұлы

1. “Ұлттық қолөнер – бабалар мұрасы” тақырыбындағы республикалық интернет – байқауының III орын иегері.

2. “Бабалар мұрасын сақтаймыз және дамытамыз” атты оқушылардың аудандық көркемдік қолданбалы шығармашылық көрмесінде I орын иегері.

Серікқали Ақырыс Нұрболатқызы

“Мен мамандық таңдаймын...” тақырыбында республикалық интернет - байқауының сертификат иегері.

Ерекеш Мәдина Ерсарықызы

“Мен мамандық таңдаймын...” тақырыбында республикалық интернет - байқауының сертификат иегері.

Кеңес Жадыра Жалғасқызы

“Мен мамандық таңдаймын...” тақырыбында республикалық интернет - байқауының сертификат иегері.

Дүйсенбаева Динара Дүйсенбайқызы

“Мен мамандық таңдаймын...” тақырыбында республикалық интернет - байқауының сертификат иегері.

1-жүргізуші: Сыныптастар, алғашқы ұстазымыз Елхондиева Қарлығаш апайымызды қуантып , саналы тәрбие алып жатқан сүйікті білім ордасын әрдайым жетістіктерімізбен биіктен көрейік. Қарлығаш апайымызға алғысымыз шексіз.

2-жүргізуші: Ұстаз, Ұстаз!

Сен көрсеттің білім жолын іздеген.

Жүріп кеттім мен де алға,

Сіз көрсеткен ізбенен

Ұстаз, Ұстаз!

Көркем сөз: Ұстазым

1-жүргізуші: Мектебімізге қандай жыр арнасаң да жарасады. Ендеше, сыныптастарымыздың мектепке арналған жырларын тыңдайық.

1-оқушы: Мектебім – білім берер алтын ұям,

Ер жетіп сенде сөзім, артты санам.

Баулыған 4 жыл бойы ата-анамдай,

Әрқашан қасиетті атың маған.

Арада өтсе дағы дүркіреп жыл,

Әр күні балалықтай бір жүрек бұл.

Өзіңе борыштармын өмір бойы,

Есейген шәкірттердің серті деп біл.

2-оқушы: Мектебім, алтын ұям, нұрың жарық,

Жайнаттың үмітімнің гүлін жарып.

Сүйкімді сенің күміс қоңырауың,

Тұрады құлағымда сыңғыр қағып.

3-оқушы: Мектеп- үйім, ұстазым менің ата-анам,

Сенен өсіп, сенен ғана нәр алам.

Саяң ыстық сен мәуелі бәйтерек,

Тамырланып сан тарапқа тараған.

4-оқушы: Мектебім- сүйікті мектебім, Бауырыңда түлеймін, көктеймін. Сен – бұлақ, мен- қайың бүр ашқан, Өзіңнен нәр алып көктедім.

5-оқушы: Мектеп деген білім кені жыр кені

Мектеп деген ғылымның ең үлкені

Мектеп деген тәрбиелі адамға

Мектеп деген даналардың мекені.