Бастауышпен қоштасуға арналған 4-сынып жұмысы

Бастауышпен қоштасу.

1-жүргізуші:

Толқимыз, толқып тұрсыз баршаңыз да,

Мұндай күй болған сірә, қаншаңызда,

Қол соғып, қошеметтеп қарсы алайық,

4-інші «Б» сыныбын ортамызға.

2-жүргізуші:

Көз салып қараңызшы бойымызға,

Ортақ боп бүгінгі өскен ойымызға

Қош келдіңіз ұстаздар, ата-аналар,

Бастауышпен қоштасу тойымызға.

1-жүргізуші: Қош келдіңіздер, құрметті қонақтар. Бүгін сіздер үлкен бір тойдың куәсі болып отырсыздар. Ол біздің бастауышпен қоштасқалы отырған тойымыз. Хат танып, қалам ұстап жаза бастаған сәттен бастап, біздің өміріміз тойға, шат күлкіге толы болды.

2-жүргізуші: Ендеше, сондай тойларымыздың бірі, «Қош бол, бастауыш» атты бастауышпен қоштасу тойымызды ашуға рұқсат етіңіздер

1-жүргізуші: Иә, бүгін бізде қуаныш, бізде үлкен той. Өйткені төрт жыл бойы білім нәрін беріп, ой-санамызды дамытқан, адалдыққа, адамдыққа тәрбиелеп, білімнің соқпағынан ғылымның арнасына кең жол ашқан бастауыш мектеппен қоштаспақпыз.

2-жүргізуші: Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салып, мал бағып, терін төккен шаруа да, көкті шарлаған ғарышкер де, бәрі-бәрі ұстаздан білім алған.Сондықтан да біз алғашқы ұстазымызға бас иеміз.

Ән:

1-жүргізуші:

«Шебердің қолы ортақ, шешеннің тілі ортақ» дегендей, бізде әрі шешен, әрі ақын қыз жігіттер бар.Қане, айтыскерлерді ортаға шақырайық.

Әсель шықсын!

Қуаныш шықсын!

Қуаныш (күміс құман әнімен)

Айналайын Әселжан әдемісің-ай

Жеңемін деп айтыстан дәмелісің-ай.

«Сегіз қырлы, бір сырлы» мен боламын-ай

Бар өнерді мендегі көремісің-ай

Әсель (Еркем-ай әнімен)

Ақынмен деп сен неге мақтанасың,

Жеңіп шықсаң әрине шаттанасың.

Бір гүлімін анамның мен дағы анашымның

Бірден неге көңілімді қайтарасың?

Қуаныш

От екенсің Әселжан жанып тұрған-ай

Сайыстарға жыл сайын барып тұрғын

Ұнатпадың сөзімді, өнерім бар-ай

Серілерше, көгалда саят құрған-ай

Әсель

Халқымыздың асылы айтыс екен,

Айтыспаған жігіттер қалыс екен.

Айтысам деп менімен келіп қапсың

Сөздеріңнің кейбірі шалыс екен.

Қуаныш

Барлығы рас сөзіңнің сеніп тұрмын

Не айтсаң да мен саған көніп тұрмын.

Бақылау мен шығарма жазған кезде

«Шпаргалка» мен саған беріп тұрдым.

Әсель

Оқушының беделі өзің көркем,

Ұнамайды көңіліме сөзің еркем.

«Оқысаңыз балалар шамнан шырақ

Жағылады» -дегенді білсең екен

Осыменен айтысты доғарайық

Арқасында денсаулықтың жоғарылайық

Егер менің сөзіме құлақ салсаң

Бұл орыннан енді біз қозғалайық

Екеуі бірге (Күміс құман әнімен)

Осыменен айтысты доғарайық

Тәрбие мен білімді қолға алайық.

Қоштасудың басында айтыс құрдық

Келесі сыныптарға жоғарылайық

Келіңіздер-ай

Көріңіздер-ай

Айта-айта қоштасуды

Жүріңіздер-ай

2-жүргізуші: Қане, құрдастар мектебіңе, ұстаздарыңа арнаған өлеңдерің бар ма?

1-оқушы

Армысыздар, жиналған ата-ана, ұстаз,

Той-жиынсыз өмірдің мәні болмас

Армазыдан талпынып қақты қанат,

Төр жыл бойы оң-солын таныған жас.

1-жүргізуші:

Ән: Жартай Аяжанның орындауында «Мектебім» әні

2-оқушы:

Алдарыңда сан тарау жолдары тұр

Бәрі ертеңгі азамат болғалы тұр

Үлкен өмір есігін ашпақ міне,

Келген қауым қол соғып қолда бүгін.

3-оқушы:

Шәкірттердің тыңдап жауап, сұрағын,

Жас санаға төгіп білім шуағын.

Хат танытып жол сілтеген өмірге,

Барша жанға құрметті жан мұғалім.

4-оқушы: