Бастауышпен қоштасуға арналған тәрбие сағаты 4 сынып

Тақырыбы: «Бастауышым-балбұлағым!»

Мақсаты: білімнің қайнар көзі, бастау бұлағы бастауыштан

басталатындығын ұғындыру; білімге, өнерге деген

қызығушылықтарын арттыра отырып білім ордасын, ұстаздарды

құрметтей білуге тәрбиелеу; білімнің алғаш есігін ашқан

ұстазымен қоштастыра отырып жоғары сынып мұғалімдеріне сәт-

сапар тілеп табыстау.

Көрнекілігі: безендірулер, шарлар, газеттер, ұлағатты сөздер.

Жүрісі:

І. Кіріспе бөлім.

Мұғалімнің кіріспе сөзі:

-Қош келіпсіздер, құрметті ата-аналар, қымбатты ұстаздар, және оқушылар! Бүгінгі күн осында отырған бәріміз үшін ерекше күн, оның ерекшелігі сол- 4 жыл бұрын мектеп табалдырығын жүрексіне аттаған кіп-кішкентай балдырғандар еді. Енді,міне, бойлары да , ойлары да өсіп, бастауыш білім сатысынан орта буынға ұшқалы отыр. Бесіктегі баланың, Күлгенін көрген бір мұрат. Алдына түсіп ананың, Жүргенін көрген бір мұрат,- дегендей, бұл да бір қуанышты күн. Армандасаң да, қиялдасаң да балалық шағың көз алдына келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр. Ендеше қызықты да, ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата-аналарына өз өнерлерін көрсетуге дайын. Ендеше осы шәкірттерімізді ортаға шақырайық.

(музыка әуенімен 4-сынып ортаға

Мұғалім: Ажырамай мектептен бір елі сіз, Жақсылыққа жаралған жүрегіңіз. Сөз берейік құрметпен өзіңізге, Шын жүректен арналсын тілегіңіз,-деп алғашқы сөзді мектеп директоры Раушан апайға береміз.

Мұғалім: Той бүгін-кең сарайда шалқып тасқан, Той бүгін- жұрт жиналып шашу шашқан. Той бүгін- шат өмірді күйге бөлеп, Би билеп, асқақтатып әнге қосқан. Бұл тойда жан табылмас тасымаған, Ақ сәуле әрбір тұстан шашыраған, Жұпарлы гүлге оранған осы тойдың, Иелері- Аяулы шәкірттерім- ұл-қыздарым! Армысыздар ұстаздар мен оқушылар, ата-аналар ! Сіздерге береке,бірлік, табыс тілей отырып, бүгінгі «Бастауышым-балбұлағым!» атты ертеңгілігімізді бастауға рұқсат етіңіздер!

ІІ. Негізгі бөлім.

Мұғалім: Мектеп қой еліміздің қаны, жаны Мектептен басталады бәрі-бәрі. Бүгінгі мерекелі тойымызда Шырқалсын Қазақстан Әнұраны!

(хормен Әнұран орындау)

Мұғалім: Қоштасу тойын бастайық, Ән мен биге басайық. Құрметіңе бұл тойдың, Өнерімізді шашайық. Ендігі кезекті жас ұландарымыздың өнерлеріне берейік. Олай болса, алдарыңызда «Білімбек пен Жалқаубек» атты көрініс. Қарсы алыңыздар!

Көрініс. Музыка ойналып тұрады. Білімбек пен Жалқаубек бір-бірімен амандасады.

Білімбек: -Сәлеметсің бе, Жалқаубек! Жалқаубек : –Привет, Білімбек!

Білімбек: -Жалқаубек, біз бүгін Тұщыбек негізгі орта мектебінің 4-сынып оқушылары бастауыш мектеппен қоштасқалы жатырмыз. Сен қайда барасың? Сенде бір ақылыңды неге қоспайсың?

Жалқаубек: -А,қашан? Шынымен айтып тұрсың ба? Мен бастауышпен қоштасқым келмейді. Бір мұғалімнің айтқаныңа әрең шыдап отырамын Жоғары сыныпта 6 сабақтан 6 мұғалім береді дейді. Ол кісілердің айтқанына көне алмай кетемін бе деп қорғамын.

Білімбек: - Бастауыш сыныпта бір мұғалімнің айтқанына әрең шыдап жүрсең, жоғары сыныпта 6 жағыңнан 6 мұғалім білім беріп, тәртіпке шақырғанда, әрең отырмақ түгіл, еріксіз қалай тәртіпті болғаныңды білмей қаларсың.

Жалқаубек: - Мұның жақсы ақыл екен, тырысып көрейін.

Білімбек: - Әй, Жалқаубек, қой көп сөзді, онан да бастауышта өз баласындай аялаған ұстазымызбен жақсылап қоштасып, ренжітпей, жоғары сыныпта өз тәртібімізді, білімімізді көрсетейік. Келістің ғой, Жалқаубек?!

Жалқаубек: - Келістім. Екеуіміз одан да достарымызды шақырып, мына көрермендерге өздерімізді таныстырайық!

Түлектер өздерін таныстыру.

Гүлнұр: Тентек, бірақ ақылды, Сыйлап жүрер жақынды. Бекболат біздің ұлдарды Тәртіпке әркез шақырды.

Дулат:Білімімен үлгі болған сыныпқа, Отырмайды ойланбастан тынып та. Ақжан біздің өнегелі, өнерлі, Арасында достарының беделді.

Талант: Сыйлап сәлем береді Үлкендерді көргенде. Гүлнұрды сыныпта Ізетті деп біледі.

Бекболат: Бастауыштың түлегі, Ел деп соққан жүрегі. «МАИ қызметкері болам » деп Дулат біздің жүреді.

Ақжан: Білімді,алғыр, жан-жақты, Ұлдарымыз сымбатты. Талант біздің әрқашан Досымыз болар қымбатты.

Ән шашу: «Мұғалім-ол біздің»

Мұғалім: Ұстаз жаққан шырақты, Өшірмейік балалар. Бәрін-бәрін білесің, Оқи берсең кітапты-дей келе, балалар бәріңді зерделі, көңілдерің сәулелі болуға шақырамын.

Талант: -Біз нені үйрендік?

Ақжан: -Оқуды, жазуды,есеп шығаруды!

Дулат: - Ән айтып, би билеуді!

Гүлнұр: - Үлкенді сыйлауды, кішіге қамқор болуды!

Бекболат: - Жерімізге, елімізге жақсылық жасауды!

Талант: - Біз нені сүйеміз?

Ақжан: - Отанды, халқымызды!

Дулат: - Ата-ананы, достарымызды!

Гүлнұр: - Ұстазымызды! Мектебімізді!

Бекболат: - Табиғатты!

Талант: - Біз нені ажырата аламыз?

Ақжан: - Жақсылық пен жамандықты!

Дулат: - Ақ пен қараны!

Гүлнұр: - Арамдық пен адалдықты!

Талант: - Бізді болашаққа не бастайды?

Хормен: - Ұстаздың көрсеткен жолы, ата-ананың ақылы, болашаққа деген берік сезім!

5.Талант: - Біз кім боламыз?

Хормен: - Адал азамат, ақылды ару,ғалым,елін сүйген ер,нағыз адам!

Мұғалім: - Ал, осылардың барлығын балалар, неден үйрендіңдер?

Хормен: - Кітаптан.

Мұғалім: -Олай болса, 4 жыл бойы өздерің оқыған оқулықтарыңа сипаттама берейік!

Бекболат: Бар кітапқа бас болған, Әліппе біздің данамыз. Әліппені құрметтеп, Басқа орынға қоямыз.

Ақжан: Ойлантып, есеп шығартып, Төрт таңбаны білдірген. Ғылымдардың патшасы, Математика данамыз.

Дулат: Адамдыққа үйреткен, Жамандықтан жиренткен, Тілімізді ширатқан, Ана тілі данамыз.

Талант: Жер байлығы көп екен, Меңгеруді қалайды. Осының бәрін білдірген, Дүниетану сабағы.

Бекболат: Күнде ертемен тұрамын да, Жуынам тау бұлағына. Әрлі-берлі жүгіремін, Дене жазып бүгілемін.

Ақжан: Көңілді көтереді ән сабағы, Мұғалім өзі үйретіп ән салады. Шырқасаң жаңа әнді көкке өрлете, Тыңдаған үлкен-кіші тамсанады.