Бастауышта музыка пәнін оқытудың маңызы

Айтбаева Айнур Кумисбековна

Жамбыл облысы, Меркі ауданы, Асанбай Асқаров атындағы жалпы орта білім беретін мектеп-гимназиясы бастауыш сынып мұғалімі

«Бастауыш сыныпта «музыка» пәнін оқытудың маңызы»

Музыка жас азаматтардың ішкі дүниесінбайытып, әр дәуірдегі қоғамның түрлі құбылыстарын дұрыстүсінуге көмектеседі. Музыка арқылы біз өзіміздіүлгілі өнерге бейімдеп өркендете аламыз…Ахмет Жұбанов

Бастауыш сынып оқушыларына эстетикалық тәрбие беріп, олардың бойына туған өлкесіне, халқына деген адамгершілік пен сүйіспеншілік сезімдерін сіңіруде ұлттық музыка мәдениетінің алатын орны ерекше.

Бастауыш сыныпта музыка сабағы оқушыларды әсемдік әлемінің таңғажайып сырын терең түсініп, көркемдік атаулыны шынайы сезінуге, одан рухани ләззат, әсер алуға, өмір жайлы ой толғауға, ізгілікті мұрат мақсаттарға жетелеп, өнегелі істерге баулиды. Музыка – құдіретті күш, жан дүниені ерекше әсерге бөлеп, адамды сәулелі өмірге жетелейтін сиқырлы өнер. Осы тұжырымдар бастауыш мектепте музыка сабағын оқытудың маңызын айқындай түседі.

Бастауыш сынып білім алушылардың қабілетіне қарай – жыраулық өнерге, терме айтуға, шешендікке тапқырлыққа, айтыс өнеріне үйретуде – музыка пәнінің алатын орны зор. Адамның қоршаған ортасы неғұрлым көркем болса, соның өзі адамды көңілдендіріп, еңбек пен өмір шабытын тудырады. Осы аталған әдемілік пен әсемдік әлемінен сыр шертетін әуезді ән өнері, кез-келген білім алушының пәнге, сабаққа, өнерге деген қызығушылығын арттырып, көркемдік ой-өрісін дамытып, сұлулық әлемінен тәлім-тәрбие алуына септігін тигізетін ғылым саласының бірі. Сонымен қатар, музыка өнері оқушылардың рухани дүниетанымын молайтып, өнер құндылықтарын бағалай білуге де септігін тигізеді.

Музыканың түсінікті, әсерлі болып қабылдануы үшін мұғалімнің алдын ала жоспарлаған дайындық жұмыстары, көркемдік, педагогикалық, музыкалық талдаулары, әсерлі әңгіме суреттемелері оқушының музыка қабылдау сезімін дамытып, оның дұрыс қалыптасуына көмектеседі.

Музыкалық есту өнерінің негізгі екі түрі болады:

1.Мелодиялық есту; 2.Гармониялық есту.

Мелодиялық есту қабілеті естілген, музыканы дәл қайталау арқылы көрінеді. Музыкалық есту қабілеті ән-күйдің мазмұнын, көркем ойын түсінуге, оны сезіммен қабылдауға, шығармалардың дыбыстық құрамын, ырғақтық, тембрлік ерекшелігін және дыбыстық ауқымын, формалық стилін анықтауға негіз болады. Сабақ барысында түрлі әуен-сазды тыңдап, олардың аттарын, формасын, дыбыстық ауқымын әңгімелеп отыру өте тиімді. Әуенді мәнерлі, таза айтып, оның…