Бастауыштарға арналған ағылшын грамматикасы курсы, 5-сынып

Түркістан облысы, Жетісай ауданы

«Х.Доспанова атындағы №28 жалпы орта мектебі»

Ағылшын тілі пәнінен факультативтік

курс бағдарламасы

Тақырыбы:"Grammer for beginners"

5-сынып

Дайындаған: Жусипова Галия Амангельдыевна ағылшын тілі пәні мұғалімі

2022-2023 оқу жыл

Түсінік хат

Ағылшын тілі – XXI ғасырдың тілі. Еліміздің шет елдермен қарым-қатынасымыз күшейіп отырған қазіргі заманда оқушылардың шет тіліне қызығуын, білімге құштарлығын ояту, танымдық белсенділігін арттыру- басты міндет. Демек, оқушыларымыздың ағылшын тілін білуі – уақыт талабы. Шетел тілі қазіргі кезде заман талабына сай барлық мектептерде жаңа мазмұнда оқытылуда. Бұл оқушы бойында ұлтаралық, мәдениетаралық бірлестікке дайындықтың қалыптасуына тікелей ықпал етеді. Әлемдік өркениетке ілесе біздің мемлекетіміздің халықаралық деңгейде әр салада түбегейлі өзгерістер енгізуі, достық, ынтымақтастық қатынастар орнатуы шет тілінің маңыздылығын арттырып отыр. Курс аясында оқушы ағылшын тілін үйрене отырып өз білімін шыңдайды, басқа ел туралы кең көлемде мағлұматтар алады, салт –дәстүрін, мәдениетін таниды, тіпті, басқа ғылым негіздерін ағылшын тілінде оқуға мол мүмкіншілік алады.

Бағдарламаның басты мақсаты – оқушыларды ағылшын тілінде сөйлей білуге үйрету, сөздік қорын дамыту, ағылшын тіліне тән дыбыстарды дұрыс айтуға жаттықтыру, өзіне берілген сұрақты тыңдап, түсініп, қысқа жауап беруге белгілі бір дәрежеде жүйелі сөйлей білуге, диалог түрінде әңгімелесе білуге үйрету. Бастауыш мектеп деңгейінде меңгерілген грамматикалық құрылымдарды кеңейтіп және жаңа грамматикалық құрылымдарды меңгеру жалғастырылады. Сауатты жазып, сауатты сөйлеу үшін оқушыға тек қана сөздік қорды молайту жеткіліксіз, сонымен қатар оқушы грамматикалық сауатты болуы шарт. Ағылшын тілінде грамматиканы жақсы үйрену тілді жақсы үйренудің негізгі шарты. Грамматика – тілдің құрылымдық ерекшелігі. Грамматика жоқ жерде тіл туралы айтуға болмайды. Сондықтан грамматиканы жақсы меңгерту — тілдің құрылымдық ерекшеліктерін танымдық жақтан дәл анық түсіндіру. Осы орайда 5-сыныпқа арналған «Grammar for beginners» авторлық бағдарламасы ағылшын тілі грамматикасын жетілдіру мақсатында құрылды. Бұл бағдарламалық курстың оқушыға пайдасы зор. Бағдарламада берілген грамматикалық тақырыптарды меңгерту мақсатында көптеген практикалық тапсырмалар енгізілген. Оқушы оны іс жүзінде көрсетіп, жеке тапсырмалар арқы

Курстың мақсаты-ағылшын тілі грамматикасы бойынша білімдерін тереңдету, ағылшын етістігінің ерекшеліктерімен таныстыру, практикада қолдану арқылы білімдерін кеңейту.

Курстың міндеттері:

ағылшын тіліндегі әріптер мен дыбыстардың айырмашылығын меңгерту;

ағылшын тілінің негізгі грамматикалық құбылыстары туралы білімдерін тереңдету;

қажетті ақпаратты табу және қолдану біліктіліктерін қалыптастыру және дамыту;

ой ұшқырлығын дамыту;

тест тапсырмаларын табысты орындау үшін қажетті білік, дағдыларын қалыптастыру;

Курстың соңында оқушылар білуі тиіс:

саналатын және саналмайтын зат есімдерін;

бір буынды сын есімдердің салыстырмалы және күшейтпелі шырайларын;

‘to be’ етістігінің осы шақтағы, өткен шақтағы болымды және сұраулы сөйлемдерде қысқартылған формаларын;

жікту, тәуелдік есімдіктерін;

‘can/can’t’, ‘must/mustn’t’, ‘should/shouldn’t’ модальді етістіктерін;

‘to be going to’ құрылымының жасалуын;

мезгіл пысықтауыштарын;

дұрыс, бұрыс етістіктердің өткен шақта жасалуын;

the present continuous шағының жасалуын;

‘like+verb+ -ing’ грамматикалық құрылымын;

There was/were, There wasn’t/weren’t құрылымдарын;

‘like’ етістігінің болымды, болымсыз формаларын.

Курстың соңында оқушылардың меңгеруі тиіс:

саналатын және саналмайтын зат есімдерін басқа сөз таптарымен сөйлем мүшелерін байланыстыруды;

салыстырмалы шырай арқылы жануарлардың көлемі мен адамдардың бойын салыстыруды;

бір буынды сын есімдер арқылы салыстырмалы және күшейтпелі шырайда сөйлем құрауды;

‘to be’ етістігінің осы шақтағы формасы арқылы адамдардың сезімі мен көңіл-күйін сипаттауды;

‘can’ модальді етістігі арқылы өтініш және рұқсат сұрауды;

‘you, our, their’ тәуелдік жіктеулері арқылы сөйлем құрауды;

‘can’ модальді етістігі арқылы адамдардың қабілетіне қарай нені жасай алатынын және жасай алмайтынына сұрақ қойып, жауап беруді;

‘to be going to’ құрылымымен болашаққа жоспарланған іс-әрекет туралы сөйлесуді;

‘to be’ етістігінің өткен шақтағы формасы арқылы адамдардың өткені жайлы әңгімелесуді;

‘like’ етістігі арқылы адамның не жақсы көретіндігі нені және нені жақсы көрмейтіндігі туралы сұрақ қойып, жауап беруді;