Бауырсақ ертегісі бойынша ашық сабақ үлгісі

Білім беру саласы: Қатынас

Оқу іс – әрекеті : Көркем әдебиет

Тақырыбы: «Бауырсақ» ертегісі

Мақсаты:

Балаларға көлеңкі театры арқылы ертегінің мазмұнымен таныстыру.

Ертегіні тыңдау арқылы қызығушылықтарын арттыру, сөйлеу тілдерін дамыту. Ұйымшылдыққа, сыпайылыққа тәрбиелеу.

Әдіс – тәсілдері: көрсету, әңгімелеу, түсіндіру, сұрақ – жауап,сергіту сәті,

Құрал- жабдықтар: ертегі кейіпкерлерінің суреттері, шам, ақ мата, себет, ойыншықтар, үнтаспа.

Сөздік жұмыстар: бауырсақ, домалақ, пішін.

Билингвалдық компонент : бауырсақ -колобок

Оқу іс-әрекетінің барысы:

Ұйымдастыру кезеңі

Жылулық шеңбері

Біз қандаймыз,қандаймыз,

Шұғылалы таңдаймыз.

Күлімдеген күндейміз,

Ренжуді де білмейміз.

Тәрбиеші: Өте жақсы балалар орнымызға отырайық.

Тәрбиеші: Балалар көңілімізді көтеріп жақсы ән тыңдайық.

Үнтаспадан «Ертегілер» ән тыңдату.

Тәрбиеші: Біз сендермен көптеген ертегілермен танысқан болатынбыз.Сендер қандай ертегілерді білесіңдер? Қане, есімізге түсіріп көрейік.

Суретпен жұмыс.

Суреттер бойынша балалар ертегілердің атауларын атайды.

Тәрбиеші: Мынау қай ертегінің суреті?

Балалар: Шалқан ертегісі

Тәрбиеші: Мынау қай ертегінің суреті?

Балалар: Маша мен аю ертегісі

Тәрбиеші: Ал, балалар ападан қаштым, атадан қаштым,

Енді сенен құтылу оңай деген қай ертегі?

Балалар: Бауырсақ ертегісі

Тәрбиеші: Дұрыс айтасыңдар, олай болса «Бауырсақ» ертегісін тамашалайық.

Балаларға ертегіні көлеңке театры арқылы дауыс ырғағына келтіріп айтып беру.

Тәрбиеші: Бауырсақты кім пысырды?

Балалар: Бауырсақты апа пысырды.

Тәрбиеші: Бауырсаққа бірінші не кездесті?

Балалар: Қоянды

Тәрбиеші: Бауырсақты не жеп қойды?

Балалар: Бауырсақты түлкі жеп қойды.

(балалар сұрақтарға жауап береді, көмек беру)

Сергіту сәті.

Қорбаңдаған аюдың,

Құлпынайы көп екен.

Теріп –теріп алайық,

Қалтамызға салайық.

(қимылмен көрсету)

Тәрбиеші: Балалар бауырсақтың пішіні қандай?

Балалар: Домалақ.

Тәрбиеші: Түсі қандай?

Балалар: Сары

Тәрбиеші: Біздің топта бауырсаққа ұқсас ойыншықтар бар ма?

Балалар: иә.

Тәрбиеші:Олай болса мына себеттен бауырсаққа ұқсас ойыншықтарды табайық.

Балалар: Бауырсаққа алма, апельсин, доп ұқсайды.

Қимылды ойын: «Көлбең, көлбең, көлеңкем»

Көлбеңдеген келеңкем.

Қоян қалай жүреді

Кім көрсете біледі?

(қоян, аю, түлкі, қасқырдың қимылын көрсетеді)

Қорытынды.

-Балалар бүгін біз сендермен қандай ертегімен таныстық?

-Бауырсақтың түсі, пішіні қандай?

Мінеки, балалар бүгінгі оқу іс-әрекеті осымен аяқталды. Сендерге оқу іс-әрекетіне белсенділік танытқандарың үшін көп рахмет!Сау болыңдар!