Бауырсақ ертегісіне арналған мектепке дейінгі ашық сабақ

Ақтөбе облысы

Байғанин ауданы

Қарауылкелді ауылы

“Шұғыла” бөбекжай-балабақшасының тәрбиешісі

Тоқсанбаева Райлан Сағидоллақызы

“Жауқазын” ерте жас тобы

Тақырыбы: «Бауырсақ» ертегісі

Мақсаты: Балалардың ертегіге қызығушылығын ояту, ойын еркін жеткізуге баулу, ертегі кейіпкерлерін атап, көрсету арқылы балалардың танымдық белсенділігін арттыру.

Әдіс-тәсілдері: көрсету, түсінік беру, ойын, сұрақ-жауап.

Көрнекілігі: ертегі кейіпкерлері, шал, кемпір, бауырсақ, қоян , қасқыр , аю, түлкі, илюстрациялық материалдар.

Шаттық шеңбері:

Қайырлы таң, апайлар!

Қайырлы таң, достарым!

Тәрбиеші: Балалар өткен ертегілерімізді есімізге түсірейікші. Балалар біз қандай ертегілер білеміз?

- «Бауырсақ», «Жеті лақ пен қасқыр», «Қызыл телпек», «Үш аю», «Шалқан».

- Жарайсындар балалар!

-Ал балалар біз көзімізді жұмып, ертегілер еліне саяхатқа шығайық.

Ерте, ерте, ертеде,

Ешкі жүні бөртеде.

Сол бір ғажап өлкеде,

Бір әже мен ата болыпты.

Бірде ата әжеге:

Шал: - Кемпір-ау, маған бауырсақ пісіріп берсеңші.

Кемпір: - Неден пісірейін? Ұн жоқ қой

Шал: - Әй ,кемпірім-ай! Қойманың түбін қырнап көрсең ғой бауырсақтық ұн табылып қалар.

№1-тапсырма:

Киндер жұмыртқаларын жырту арқылы ішінен шыққан бауырсақты үйшіктің терезесіне орналастыру.

Әжей қойма түбін қырып-қырнап екі уыс ұн табады да, қаймаққа шылап, қамыр илеп, бауырсақты майға пісіріп, терезе алдына суытқалы қояды. Жата-жата жалыққан бауырсақ терезе алдынан үйдің іргесіне домалап түседі, іргеден көгал үстіне домалайды, көгалдан жылжып жолға жетеді. Одан әрі жолмен зырлай жөнеледі. Бауырсақ жолда зымырап бара жатса, қарсы алдынан --------- шығады.

№2-тапсырма:

Іші сулы бояуға толтырылған сәбіздерді сипау арқылы жасырынған аңды табу.

Қоян: - Бауырсақ! Бауырсақ! Мен сені жеп қоямын !

Бауырсақ : - Жоқ, сен мені жемеші, мен саған өлең айтып беремін,

Мен атамнан да қаштым,

Мен апамнан да қаштым.

Сенен де қашып кетемін деп, қаша жөнеледі.

Бауырсақ жалғыз аяқ жолмен келе жатса, оның алдынан --------- шыға келіп:

№3-тапсырма:

Ыдыстағы дақылдардың арасынан саусақтарымен суретті тауып, атын атау.

Қасқыр: - Бауырсақ! Бауырсақ! Мен сені жеймін.

Бауырсақ : - Сен мені жеме, мен саған өлең айтып берейін

Мен атамнан да қаштым,

Апамнан да қаштым.