Баяндама: Ұлдарға кеңес

«Жаркент орта мектебі» КММ

Сынып жетекшісі:

Баяндама: Ұлдарға кеңес

Құрметті жиналысқа қатысушы ұлдар!

Бүгінгі жиналысымызда сіздермен өте маңызды тақырыпты талқылаймыз. Бұл – ұл баланың болашақта нағыз азамат, елдің тірегі болып қалыптасуы үшін не қажет екенін түсінуге бағытталған кеңестер. Жігіт болу – тек ер бала болып дүниеге келу емес, ол үлкен жауапкершілікті мойнына алу, елге, отбасыңа, өзіңе пайдалы болу.

Жігітке қойылатын негізгі талаптар

Ұл бала тек өз отбасының ғана емес, сонымен қатар қоғамның, мемлекеттің болашағы. Әрбір жігіт мына қасиеттерді бойына сіңіруі керек:

ЖауапкершілікЖігітке жауапкершілік бірінші орында тұруы керек. Өз сөзіңе, іс-әрекетіңе, отбасыңа және болашағыңа жауапты бол. Қиындықтардан қашпай, оларды шешуге дағдылан.

Білімге ұмтылуЗаман талабы – жан-жақты білімді болу. Білім – сенің болашағыңның іргетасы. Қандай мамандықты таңдасаң да, өз салаңның үздігі болуға тырыс.

Адалдық пен шыншылдықЕр жігіттің абыройы адалдықта. Өтірік айтудан, арам істерден аулақ бол. Адалдық – сенімнің бастауы.

Төзімділік пен шыдамдылықӨмірде әртүрлі жағдайлар болады. Жігіт болу – бұл кез келген қиындыққа төтеп беру және оны абыроймен еңсеру. Төзімді бол, жеңіл жол іздеме.

ЕңбекқорлықЕшқашан еңбектен қашпа. Еңбексіз жетістік болмайды. Табысты жігіт болғың келсе, ерінбей жұмыс істеуді үйрен.

Өз денсаулығыңды күтуСалауатты өмір салтын ұстану – жігітке маңызды міндеттердің бірі. Спортпен айналысып, зиянды әдеттерден аулақ бол.

Отбасың мен еліңе құрметЕліңді, туған жеріңді, отбасыңды құрметтеп, олар үшін әрдайым қызмет етуге дайын бол. Отбасы – сенің тірегің, ал ел – сенің мақтанышың.

Ұлдарға арнайы кеңестер

Уәдеңде тұр: Жігіттің сөзі – заң. Айтқан сөзіңде тұру – абыройыңды сақтайды.

Намысыңды биік ұста: Намыс – жігіттің рухани тірегі. Намыссыз жігіттің ел алдында беделі болмайды.

Өзіңе сен: Өзіңе деген сенім – жетістікке жетудің алғашқы қадамы. Бастаған ісіңді соңына дейін жеткіз.

Жақсы орта таңда: Қасыңдағы достарың – сенің болашағыңның айнасы. Өзіңді дамытатын, қолдайтын ортаны таңда.

Жақсы істеріңмен үлгі бол: Айналаңдағыларға, әсіресе өз қатарластарыңа жақсы істеріңмен үлгі көрсет.

Жігітке жеті өнер де аз