Берекелі алтын күз ертеңгілігіне арналған ашық сабақ

Тақырыбы: «АЛТЫН КҮЗ»

Күні: 8.11.2018жыл

Мақсаты: Күз мезгілі туралы балалардың дүниетанымдарын арттыру;

Күз мезгілінің қоршаған ортаға әсерін, ерекшеліктерін ұғындыра отырып, мерекелік көңіл-күй сыйлау.

Жүргізуші:

Армысыздар халайық!

Бармысыздар халайық!

Күзгі тойды жұп жазбай

Келіңдер қарсы алайық!

Сәлеметсіздер ме құрметті қонақтар, ұстаздар, ата-аналар! Бүгінгі «Берекелі алтын күз» атты мерекелік ертеңгілігімізге қош келдіңіздер! Олай болса 0 «Ә» сынып оқушыларының осы күз мерекесіне арнап дайындаған өнерлерін тамашалаңыздар!

Сәлеметсіңдер ме балалар?! Мерекені бастауға дайынбыз ба? Мен сендерге жұмбақ жасырғым келіп тұр, шеше аламыз ба? Олай болса мұқият тыңдайық...

Бұлттар төніп,жерге шөгіп,

Дымқыл тұман болады.

Астық пісіп, орақ түсіп,

Қырман дәнге толады.

Шөп сарғайып,өңі тайып

Дала нұры қашады.

Айтыңдаршы балалар,

Бұл қай кезде болады?!

Балалар: Күзде.

Жүргізуші:

Дұрыс айтасыңдар балалар, күз айы бізге байлығымен, мереке-берекесін ала келеді. Күз мезгілінде табиғатымызда қандай ерекшеліктер болады?

Балалар:

Күз мезгілінде табиғатымыз сары түске боялады, жапырақтар жерге түседі. Жемістер, көкөністер піседі. Қамбамыз астыққа толады.

Жүргізуші:Жарайсыңдар балалар. Балалар бізге қонақ келген сияқты. Қарсы алайық.

Ғажайып сәт:

Әуен ойнатылып, сыныпқа «Күз ханшайымы» келеді(қолында себет толы жеміс-жидектер).

Күз ханшайымы:

Алтын түске боялды,

Тау мен қырда дала түз.

Келдім міне ортаңа

Менің атым Алтын күз!

Сәлеметсіңдер ме балалар! Мен Алтын күзбін. Айналаның бәрін сары түске бояп қойдым. Өнерлеріңді тамашалап, сендерге берер сыйлығым бар.

Жүргізуші:

Қош келдіңіз Күз ханшайымы! Төрлетіңіз, балалардың сізге арнап жаттаған тақпақтарын тыңдаңыз.

Тақпақтар(Айзере,Жошы, Сымбат,Ернар,Айша,Ерхан, Аяулым) :

Анаурбек Айзере:

Міне келді Алтын күз,

Сары жапырақ шашқандай.

Берекелі дастарқан,

Дәмді болды ас қандай..

Марат Жошы:

Сары жапырақ төгілген

Тоғайды да көрдім мен.

Енді сары бояумен

Күз суретін салам мен.

Тәжен Сымбат :

Берекесін сыйлауға,

Өлкемізге күз келді.

Жемістерін жинауға

Шақырады біздерді.

Махмуд Ернар:

Өнімді үйіп тастадық,

Оқуды да бастадық.

Берекелі алтын күз

Ашық болсын аспаның.

Өмерзак Айша:

Қуандырып біздерді,

Мерекелі күз келді.

Кел жемісті Алтын күз!

Кемелденсін халқымыз.

Бектлеуов Ерхан:

Күзім-ау, күзім-ау,

Мінезің бұзық-ау.

Жаңбырың сіркіреп

Келгенің қызық-ау!

Қылышбай Аяулым:

Күздің сыйын алайық,

Қызығына қарайық.

Күзге арнап бәріміз,

Әнімізді салайық.

Сатыбалды Ұлас:

Алтын, сары, қызыл, көк,

Алуан-алуан жапырақ.

Күзгі бақта күлімдеп,

Көз тартады атырап.

Жүргізуші:

Балалар бізге Күз ханшайымының алып келген тапсырмалары бар екен. Келіңдер, барлығымыз бірге орындайық...

«Сиқырлы ағаштағы» тапсырмаларды орындау.

1)Ағайынды бәрі,

Жазда жасыл ,

Күзде сары. (Жапырақ)

2)Көктемде ақ гүлге оранады,

Күзде қолға доп болып оралады. (алма)

3)Жасыл шатыр астында,

Кететіндей үзіліп,

Тұр көк маржан тасындай,

Мойыл моншақ тізіліп(жүзім)

4)Қалың киім ұнатады,

Шешіндірсең жылатады. (пияз)

5)Бойын жерге жасырған,

Бұрымы бар жасылдан (сәбіз)

6)Сырты жасыл қатты,

Іші қызыл тәтті. (қарбыз)

7)Өсірер тың дала,

Көшірер қамбаға

Айналар ұнға да.