Берекелі алтын күз мерекесіне арналған тәрбие сағаты

«Көкпекті орта мектебі» КММ

«Берекелі, Алтын күз!»

(Сыныптан тыс тәрбие сағаты)

Сынып: 0 «Б»

Тәрбиеші: Төлеуова Ж.Қ.

Көкпекті ауылы

2019 жыл

«Берекелі, Алтын күз!»

(Сыныптан тыс тәрбие сағаты)

Мақсаты:

- Күзгі табиғат ерекшеліктерімен таныстыру. Күз өнімдерімен таныстыру, олардың ағзаға пайдасын түсіндіру.

- Балаларды ән салуға, би билеуге, түрлі іс-әрекеттерге тарту, бейімділіктерін арттыру. Шығармашылық ой-қиялдарының дамуына ықпал ету. Күз туралы түсініктерін кеңейту.

- Табиғатқа қамқор болуға, оны аялауға тәрбиелеу. Мерекелік көңіл-күй орнату.

Көрнекілігі: Сынып іші мерекеге сай безендірілген.

Барысы:

Жүргізуші:

Қуанышқа кенелтіп,

Берекелі күз келді.

Кел, жемісті алтын күз,

Кемелденсін халқымыз!

- Қайырлы күн! Армысыздар, құрметті ата-аналар мен балалар, ұстаздар қауымы! Мерекелеріңіз құтты болсын! Күз барлығымызға молшылық, ырыс, қуаныш әкелетін мезгіл. Күзіміз әрдайым мерекелі, ырысты, берекелі болсын!

Халқымыз күз мезгілін «Алтын күз» дейді. Себебі ағаштар, жапырақтар, шөптер түгелдей дерлік сап-сары болады.

Күз. Өте ерке. Сәл нәрсеге бұртиып, қабағын түйе қалатын мезгіл.

Кейде болмашыға өкпелеп, көз жасын аямай төгіп-төгіп жібереді.

Әйтсе де, күздің жомарттығы мен берекесін бәрі де ұнатады.

- Күз мезгілінің алғашқы айы – қыркүйек. Ол ерлік пен еңбек айларының бірі. Қойма алтын астыққа толады.

- Күз мезгілінің екінші айы – қазан. Бұл ай – жиын-терін аяқталатын, диқандар еңбек жемісіне кенелетін береке айы, берекесін тойлайтын мереке айы.

- Күздің соңғы айын қараша дейміз. Қараша десе дегендей, айнала қоңырқай тартады. Ағаш-қурай жапырағыннан айрылып, орман-тоғай сирейді. Қара суық түсіп, қыс демі сезілетін кез.

Жүргізуші:

- Балалар, сонымен қазір жылдың қай мезгілі екен?

- Күз айларын атап беріңдерші?

- Балалар, күз мезгілінде адамдар қандай еңбекпен айналысады? (Егін орады, жеміс-жидектер, көкөністер жинайды).

- Күз мезгілінде ауа-райында қандай өзгерістер болады? (күн суытады, жаңбыр жауады, жапырақтар сарғайып жерге түседі, құстар жылы жаққа ұшып кетеді).

Жүргізуші:

Қуанышқа бөленген әр күніміз,

Бақыттымыз балалар барлығымыз.

Ән шырқайық көтеріп көңілдерді,

Кезек беріп әнімізге «Алтын күз».

- Балалар «Алтын күз» әнін шырқайды.

Алтын күз

1. Келді міне қоңыр күздің самалы,

Бұлттар төніп күн суытты шамалы,

Қайырмасы:

Келді міне, алтын күз,-2 рет

Келді міне, жарқын күз.

Байлығымен мерекелі, берекелі.

2. Алтын күзім берекелі болады,

Қамба біткен ақ бидайға толады.

Қайырмасы: