Берекелі, мерекелі алтын күз музыкалық материал

Музыка әуенімен жүргізуші шығады.

Жүргізуші: Армысыздар халайықБармысыздар халайық.Күзгі тойды жұп жазбай,Бәріміз қарсы алайық. Құрметті қонақтар! Бүгінгі берекелі де ырысты алтын күз құрметіне арналған ертеңгілігімізді бастаймыз. Ендеше, өз өнерлерін көрсетуге, сіздерге көтеріңкі көңіл- күй сыйлауға келіп тұрған кішкентай балдырғандарымызды қол соғып, қошеметтеп қарсы алайық.

(Балалар, билеп келіп орындарына отырады.)

Жүргізуші:

Ал, балалар, балалар, Енді бері қараңдар. Бізге қонақ келмекші Сендерді бір көрмекші. Әуелі жұмбақ жасырам, Қулығымды асырам. Таба алсаңдар шешімін, Қонағымды дәл ортаға шақырам. Жұмбақ:

Жиып-теріп болатын, Қамбаға астық толатын. Қызыл қырман ойнайтын, Қай мезгілдеп ойлайсың? (Балалардың жауабы).

Жүргізуші: Жарайсыңдар, жұмбақтың жауабын дұрыс шештіңдер. Ендеше күз ханшасын ортаға шақырайық.

Келші, келші алтын күз,

Келші, келші жарқын күз.

Осы кезде залға қарқ – қарқ еткен Қарға Күнбағыстың соңынан қуып келе жатады.

Жүргізуші: (таңқалып )Бұлар кімдер? Күткен қонағымыз емес қой.

Қарға: Ой, ой бұл недеген сұмдық қарқ- қарқ. Мені аш қалтырайын деп пе едің? Сен неге бақшадан кетіп қаласың? Бәрі бірде сен менікісің күндей күлген күнбағысым қарқ – қарқ -, деп Күнбағысты куады.

Күнбағыс: Құтқарыңдар, мені құтқарыңдаршы. Әйтпесе, қарға мені шоқып – шоқып жеп қоймақшы, - деп жүргізушінің артына келіп тығылады.

Жүргізуші: Бұның не қарға? Қане, жаныңның барында тоқтат.

Қарға: Әй күнбағыс көмек сұраудың қажеті жоқ. Қане, алдыма түс. Ал сен жолымыздан былай тұр.(қолын шошайтып) Әйтпесе, мына сені де, мына балақайлардың бәрінде шоқып тастаймын.

Күнбағыс: Мен ешқайда да кетпеймін. Мен осы жерде қаламын. Олар сен сияқты емес, өте мейірімді жандар екен.

Жүргізуші: Балалар Күнбағысқа көмектесіп, Қарғаны қорқытып, мына жерден қуып жіберейік. Ол үшін кәне бәріміз қолымызды қатты – қатты шапалақтайық. Енді аяқтарымызбен топылдатайық.

Қарға: Қарқ –қарқ бұл не деген сұмдық. Әй , Күнбағыс көрсетемін мен саған ,- деп залдан шығып кетеді.

Жүргізуші: Бәрекелді, Күнбағысты да Қарғадан қорғай алдық. Жарайсыңдар балалар. Ал, енді Күнбағыс мұңайма! Бәрі де жақсы болады.

Күнбағыс: Жыламсырап Рақмет сіздерге. Алғысымды қалай білдіретінімді білмей тұрмын. Мені қатыгез қарғадан қорғап қалдыңыздар.

Жүргізуші: Көңіліңді түсірудің қажеті жоқ. Біз бүгін күз мерекесін тойлап жатырмыз. Одан да бізбен бірге көңіліңді көтер. Қазір Күз ханшаның өзі де келіп қалар.Күнбағыс жан – жағыңа қарашы мына жерде сенің сіңілдерің де отыр, олар сенің көңіліңді көтеріп өзіңмен би билейміз дейді. Оған қалай қарайсың?

Күнбағыс: (Мәз болып) Әрине, әрине . Қане менің кішкентай сіңілдерім бері келіңдер, тамаша биден шашу шашайық.

Жүргізуші: Қыздарымыздың орындауындағы тамаша биді тарту етеміз. Қабыл алыңыздар!

Би: «Күнбағыстар»

Жүргізуші: Жарайсыңдар күнбағыстар. Тамаша биден шашу шаштыңдар.

(Осы кезде тырсылдап жаңбыр жауа бастайды.)

Жүргізуші:Ой, ой, балалар қараңдар жаңбыр да себелей бастады. Ендеше жаңбыр нөсерлетпей тұрған кезде, оның көңілін көтеріп, тамаша ән орындап берейік. Мүмкін ол сол кезде көңілденіп жауғанын тоқтадады.

Ән: «Жаңбыр , жаңбыр жауасың»

Күнбағыс: Ой, қандай керемет ән. Тіпті жаңбыр да тынышталып қалды. Балалар, мен сендерге бір қызық ойын үйреткім келеді. Ойнағыларың келе ме? Ендеше Ойын: «Мұқият бол!» деп аталады.

Шарты: 1-2-3 ойын басталды деген белгі берілген кезде. Балалар, көңілді әуенмен жерде шашылып жатқан жапырақтарды жинайды, ал кенеттен найзағай ойнап, жаңбыр жауған кезде балалар қол шатыр астына барып тығылулары керек. Ойын 2-3 рет ойнатылады. Кім де кім жаңбырдың астында қалып қалса сол ойыннан шығады. Ойынды бірінші қыздар, сосын ұлдар ойнайды.

Жүргізуші: Ойын өте қызықты болды. Рақмет саған күнбағыс.

Күнбағыс: Оқасы жоқ. Балалар, Күз ханша да кешігіп жатыр. Найзағай болса жарқылдап тұр. Мен оның алдынан шығып қолшатыр апарып беріп, сендердің тосып отырғандарыңды жеткізейін.

Жүргізуші: Иә, Күнбағыс дұрыс айтасың. Күз ханша шынымен де кешігіп жатыр. Бірақ сен абайлап жүр.

Күнбағыс: Мен үшін енді уайымдамаңдар. Қарға енді менің сендердей досым барын біліп жаныма да жолауға қорқады.

Алғысым көп сендерге,

Ризамын бүгін бәріңе.

Амандық тілеп сендерге,

Қош сау бол айтамын бәріңе!

Амандықта кездескенше.Сау болыңдар!- деп музыка әуенімен залды бір айналып шығып кетеді.