Бесік жыры мектепке дейінгі балаларға арналған музыка материалы

Алматы обл «Көксу ауданының Балпық ауылдық округі әкімінің аппараты» ММ «Жұлдыз бөбек жай-балабақшасы»КМҚК

«Бесік жыры»

(ұйымдастырылған ашық оқу қызметі)

«Айгөлек» мектеп алды тобы

Саз жетекші: А.Калиева

2019-2020 оқу жылы

Ұйымдастырылған оқу қызметінің жоспары

«Айгөлек» мектепалды даярлық тобы

Саз жетекшісі: КалиеваАлия Батырбековна

Білім беру саласы: ШығармашылықҰйымдастырылған оқу қызметі: МузыкаТақырыбы: «Бесік жыры»Мақсаты:Музыкалық шығарма арқылы қазақтың салт дәстүрі бесік жырын танып білуге үйрету, бесік туралы түсінік беру.

Міндеттері:әнді тыңдауды иллюстрация көрсетумен қатар жүргізу,

дауыс пен есту қабілетін дамытуға арналған жаттығуларды қысқа әндерайту арқылы жетілдіру, жоғары және төмен дауыспен ән салуды, қол қозғалысымен көрсету.Бесік жыры әнін жаттатқызу және хорменмузыкалық сүйемелдеумен айту дағдыларын қалыптастыру. Бесік жыры арқылы ұлттық сезімдерін ояту.

Көрнекіліктер: интербелсенді тақта,үлестірмелі карточкалар, мнемокесте

Сөздік жұмысы:Бесік -Колыбель

І. Кіріспе бөліміБалалар «марш» екпінімен залға кіреді, шеңбер бойымен жүріп, музыкалық фразаларға сәйкес қимылдарды өзгертеді. Шеңбер бойына тұрып, музыка жетекшісі балалармен үш тілдеамандасады.Балалар марш екпінімен жүріп, орындарына жайғасады.

ІІ. Негізгі бөлімі

Балалар, мен сендерге бір жұмбақ жасырамын, жұмбақтың жауабын тапсаңдар, бүгінгі оқу қызметінің тақырыбы шығады.

Тұрады ол әр үйде,

Жайлы орын сәбиге.

Шаңғы табан үйшік ол,

Тербететін әрине. Ол не, балалар?(Бесік)

Балалар, бесік деген не, бесікке кімді жатқызады?

Сендер бесікке жатып көрдіңдер ме?

Өте жақсы. Сәбиге арналған ағаш төсек. Нәресте бесікте жатқанда жылы және таза жатады.

Сәбиді ұйықтатарда, анасы қандай ән айтады? Бесік жыры әнін айтып сәбиін ұйықтатады екен. Олай болса бүгінгі өтетін тақырыбымыз «Бесік жыры» деп аталады.Шыр етіп дүние есігін ашқан нәрестеге өмірінің алғашқы күндерінен бастап-ақ музыка әсер етеді. Ең алғашқы анасының әлдиі, бесікке таянып айтқан ананың бесік жыры бөбектің жанын тыныштандырып тәтті ұйқыға кетуіне әсеретеді.

(Бейнефильмге балалардың назарын аудару).

Балалар мультфильм сендерге ұнады ма?

Мультфильмді көріп отырғанда қандай сезімде болдыңдар? Нені байқадыңдар?

Олай болса,біз бүгінЖазира Байырбекованың әніне жазылған «Бесік жыры» әнін үйренеміз.

Алдымен ән айтпас бұрын, дауысымызды жаттықтырып алайық.

Дауыс жаттығуы:«ля», «лё», «Төмен, жоғары»