Білім аралында интеллектуалды ойын 5-сыныпқа

Тақырыбы: « Білім аралында» атты интеллектуалды ойыны.

Мақсаты: Оқушылардың білімін саралау, сынау арқылы өзара бәсекелестікке жетелеу, логикалық қабілетін дамыту, қиыннан мүдірмей тез шешім тауып шыға білуге үйрету.Көрнекілігі: Интерактивті тақта.

Әдіс-тәсілі: миға шабуыл, ойындар. «Логикаң қалай», «Полиглот», «Креативті матрица», «Жұлдызды сағат»

Сайыстың барысы: Құрметті: оқушылар, қонақтарбүгінгі болғалы отырған «Білім аралы» атты интеллектуалды сайысымызға қош келдіңіздер! Балалар бұл сайыстың мақсаты алған білімдеріңнің нәтижесін көрсету, білімдеріңді сайыс барысында дұрыс пайдалану дағдыларыңды байқау.Мұғалімнің кіріспе сөзі: Президентіміз Н. Ә Назарбаевтың « Қазақстанды болашаққа білімді ұрпақ бастап барады», деген сөзін алға қоя отырып, «Әрбір бала бір жұлдыз» жарқырауына жәрдем ет демекші, әрбір жұлдыз өмірден лайықты өз орнын таба білуі тиіс. Ендеше көкте жұлдыз болып жарқырауларыңа және білім аралында еркіндік және батылдық көрсетулеріңе тілектеспін. Олай болса сайысымызды бастайық. Білім аралындағы Іске сәт! Сайысқа қатысатын оқушылармен танысып алайық.

Сонымен қарсы алыңыздар ең ақылды оқушылар! Балалар сендерді сайыс кезеңдерімен таныстырып өтейін.

Сайыс кезеңдері:І кезең «Бинго» ІІ кезең « Логикаң қалай?» ІІ кезең « Полиглот » ІV кезең «Креативті матрица»Vкезең «Жұлдызды сағат»

Бүгінгі сайыстың қорытындысы бойынша тек бір ғана жеңімпаз болады. Оған жету әрбір сайыс кезінде төменгі ұпай жинаған екі оқушы ойыннан шығарылып отырады.

І . Сиқырлы сандарға жасырылған сұрақтар. 1 минут ішінде жасырылған сұрақтарға шапшаң және нақты жауап беру керек.

І. Негізгі сөйлем мүшесін ата.( бастауыш)2. Судың неше күйі бар(3 қатты сұйық газ)3. Дауыссыз дыбыстар нешеге бөлінеді? (3)

4. Қабанбай батырдың шын аты кім? ( Ерасыл)5. Ең кіші төрт таңбалы санды ата.6. . Қандай зат есімді туынды зат есім дейміз?7. Қазақстандағы көмір өндіретін ең ірі қала?

8. Күй атасы кім?

9. . «Менің атым Қожа» – ны кім жазды?

10. Жер бетінің қағазға кішірейтілген бейнесі (карта.)

ІІ кезең «Логикаң қалай?» шарты берілген суреттерге қарап1 минут ішінде мақал құрастыру керек.

Білім инемен құдық қазғандай.

Қыз өссе елдің көркі,

Гүл өссе жердің көркі.

Өнер алды қызыл тіл.

Бір тал-орман болмас.