Білім бастауы балабақшада тәрбие сағатының жоспары

Білім бастауы – балабақшада

Мақсаты: 1 қыркүйек - Білім күні мерекесінің маңызын түсіндіру. Ата заң күнін атап өту. Көңілді орта қалыптастыру. Сахна мәдениетіне баулу.

Тәрбиеші: Қош келдіңіздер, құрметті ата-аналар балалар, барша қонақтар! Бүгін – 1 қыркүйек білім күні. Мерекелеріңіз құтты болсын!

Бүгінгі күн осында отырған бәріміз үшін ерекше күн. Оның ерекшелігі сол осы балабақшаға келген әрбір бүлдіршін білімнің негізі болатын балабақшада оқып, білім алып, қанаттарын қатайтып мектеп табалдырығына жол салады. Білімдерін толықтырып, мектеп табалдырығына жол салуға дайындалып жүрген «Болашақ» тобының бүлдіршіндерін ортаға шақырайық.

Толқимыз, толқып тұрмыз баршаңыз да,

Мұндай күй болған сірә қаншаңызда.

Қол соғып, қошеметпен шақырайық,

«Болашақ» тобының бүлдіршіндерін ортамызға!

Сіздердің алдарыңызда Қазақстан Республикасының болашақ президенті, министрлері, академиктері, профессорлары және бизнесмендері.

«Талаптарыңа нұр жаусын!» деп «Білім бастауы балабақшада» атты ертеңгілігімізді ашық деп жариялаймыз!

Биіктерге бастайтын асқарлы

Әр жүректің сүйікті, асқақ әні

Мерекеде бәріміз бір дауыспен

Шырқайық еліміздің әнұранын

ҚР мемлекеттік әнұраны

Тәрбиеші: Балалар, бүгін бізде ерекше күн, бүгінгі кездесуіміз біздің білім күніне арналған. Бұл күні барлық балабақшаларда, мектептерде басқа да білім беру мекемелерінде сабақтар басталады. Бұл күн сендер үшін, ұстаздар үшін үлкен мереке күні болып саналады. Әрбір білім беру мекемелерінде тұңғыш қоңырау соғылады. Осы тұңғыш қоңыраудан бастап күнделікті оқу басталады. Балалар, жақсы; білімді, тәрбиелі азамат болу үшін, ерінбей оқу оқып, білім алу керек. Ол үшін сендер балабақшаға күнде келіп, сабақ оқып, тәрбие алу керексіңдер.

Бүгінгі білім күні мерекесімен құттықтау құрметті «Зере» балабақшасының директоры Мұқымгереева Фариза Мұқымгерейқызына ұсынылады. Құттықтау сөз.

Тәрбиеші: Тойымызды бастаймыз,

Салт дәстүрден аспаймыз.

Тойға келген қонаққа

Неге шашу шашпаймыз?

Бүгінгі ертеңгілігімізді,

Шашу биімен бастаймыз.

Би: Шашу

Тәрбиеші: Біз 30 тамызда Ата заң күнін атап өтеміз. Заң дегеніміз– қоғамның негізгі тірегі. Қоғам деп отырғанымыз- мына біздер. Биыл Ата заңымызға 23 жыл толады. Өздеріңіз білесіздер, ол адамның, қоғамның, елдің құқығын қорғауға арналған. Әрбір елдің өз Ата заңы болады. Заң болмаса, адам құқығы қорғалмайды, дүниеге келген бірінші күннен бастап сендер мемлекеттің қамқорлығындасыңдар.

Ата заң туралы тақпақтарын арнасын.

Абылхайр: Қоғамның сан саласын реттейтін

Әрбір заң Ата заңнан туындаған

Аяулым: Өмірден әділдік пен бақ табатын

Құқығым қорғалды деп шаттанатын

Өзімдей жас өрендер келеді өсіп,

Бұл біздің – Ата заң деп мақтанатын.

Асылназ: Праздник этот всем знаком

Конституция – закон

Много мы о ней слыхали

Но не многие узнали