Білім беру мазмұнын жаңарту туралы мектеп мақаласы

БІЛІМ БЕРУ МАЗМҰНЫН ЖАҢАРТУ – БҮГІНГІ КҮННІҢ БАСТЫ ТАЛАБЫ

Қазақстан Республикасының Білім және ғылым министрлігімен «100 нақты қадам» Ұлт жоспарын және Қазақстан Республикасында білім беруді және ғылымды дамытудың 2016 – 2019 жылдарға арналған мемлекеттік бағдарламасын енгізу аясында жаңартылған білім беру мазмұнына сатылай көшу орындалып жатыр. Ағымдағы жылдың 1 қыркүйегінен бастап елімізде барлық мектептердің 1-сыныптары жаңартылған мазмұндағы білім беру стандарты бойынша оқуда. Жамбыл аудандық білім бөлімінің әдістемелік кабинетінің ұйымдастырумен «Ақсеңгір ауылындағы орта мектеп Көкдала бастауыш мектебімен» коммуналды мемлекеттік мекемесінде 23 сәуір күні «Білім беру мазмұнын жаңарту аясында білім сапасын көтерудің тәсілдері» тақырыбында аудандық директорлар арасында семинар өткізілді. Семинарға мектеп директорлары, ұстаздар, аудандық білім беру бөлімдерінің әдіскерлері қатысты. Аталмыш семинар, жаңартылған білім беру жағдайында оқу үдерісін сапалы, әрі нәтижелі басқарудың жаңаша әдіс-тәсілдері бойынша тәжірибе алмасу, білім берудің жаңартылған мазмұны бойынша мектепішілік өзара әрекеттестігін дамытуға ықпал ету. мақсатында өткізілді. Іс-шара барысында білім беру мазмұнын жаңарту жағдайында педагогтердің кәсіби өсу мәселелері мен орта

Семинар барысында Ақсеңгір орта мектебінен Ж.Бесбаева, Е.Хабан, А.Сарсенова, Г.Исаева, А.Сансызбаева сияқты тәжірибелі ұстаздар сабақты зерттеу мен іс-әрекетті зерттеу мақсатында үлгі сабақтар көрсетіп,жаңа мазмұндағы бағыттармен жұмыс істеуге керекті нұсқаулықтар мен ұсыныстар алды. Осылайша, еліміздегі жаңа білім беру реформасы 21 ғасырдың – жоғары ақпараттық технологиялар ғасырының әрқилы және үйлесімді дамыған тұлғасын қалыптастыруға бағытталған жаңа ұлттық үлгіні жасауды мақсат етеді.