Білім беру ортасындағы басқару психологиясы туралы мақала

БІЛІМ БЕРУ ОРТАСЫНДАҒЫ БАСҚАРУ ПСИХОЛОГИЯСЫ: БІЛІМДІ ЦИФРЛАНДЫРУ ДӘУІРІНДЕ КӨШБАСШЫ БОЛУ

Қазіргі заман – технологиялық дамудың шарықтау шегіне жетіп, білім беру саласын түбегейлі өзгертіп жатқан уақыт. Әсіресе нақты ғылымдарда, мысалы, физикада визуализация маңызды рөл атқарады. Себебі күрделі құбылыстарды түсіндіру үшін дәстүрлі әдістер жеткіліксіз. Мұндай жағдайда тек білім беру үдерісін ғана емес, сонымен қатар өз-өзіңді басқару да аса маңызды. Бұл жерде басқару психологиясы – табысты педагогикалық әрі ғылыми қызметтің кілтіне айналады.

Басқару – шабыттандыру өнері

Алғашқыда физик пен басқарушы екі бөлек мамандық болып көрінуі мүмкін. Бірақ қазіргі білім беру жүйесінде мұғалім – жоба менеджері, коммуникатор және шығармашыл көшбасшы. Мен Python тілінде Manim кітапханасын пайдаланып, ядролық физика бойынша визуалды материалдар әзірлегенде тек код жазып қана қоймаймын. Сонымен қатар материал ұсыну стратегиясын, аудиториямен байланыс жолдарын және кері байланысты сараптаймын. Бұл – білім алушылардың мінез-құлқын, мотивациясын түсінуді және жеке көшбасшылық қасиеттерді дамытуды талап етеді.

Цифрлық сыныптағы көшбасшы

Менің диссертациям 11-сынып оқушыларына арналған ядролық физика бойынша анимациялық оқыту платформасын құруға арналған. Бұл платформа тек ақпарат көзі емес, толыққанды білім беру кеңістігіне айналуы тиіс. Мұнда оқушылар физиканы визуалды түрде үйренсе, мұғалімдер пікір қалдырып, сабақ тиімділігін бағалай алады және тіпті жеке есептер құра алады. Мұндай платформа жасау көптеген үдерістерді – техникалық және педагогикалық жобалауды басқаруды қажет етеді. Осы тұста басқару психологиясы арқылы топпен жұмыс істеу, шешім қабылдау, өзгерістерге бейімделу секілді маңызды дағдылар дамиды.

Басқару – ойлау стилі

Педагогика ғылымдарының кандидаты Тленчиева Н.С. жетекшілігімен өтіп жатқан басқару психологиясы курсы білім беру үдерісіне кешенді қарауды үйретті. Анимация сценарийін жазудың өзі – ақпаратты қабылдау, мазмұн ырғағы мен эмоциялық әсерді ескеруді қажет ететін үрдіс. Басқару принциптерін қолдана отырып, мен өз уақытымды, жобаларым мен командалық жұмыстарымды тиімді ұйымдастыруды, эмоциялық тұрақтылық пен икемділікті дамытуды үйренудемін.

ҚазҰУ – даму алаңы

Әл-Фараби атындағы Қазақ ұлттық университетіндегі оқу үдерісі маған академиялық біліммен қатар, басқарушылық ойлауды дамытуға мүмкіндік беріп отыр. Тленчиева Н.С. жетекшілігімен жүргізілген басқару психологиясы курсы техникалық…