Білім биржасы зияткерлік ойынының сценарийі

Сабақтың тақырыбы:« Білім биржасы » зияткерлік ойыны

Сабақтың мақсаты: Оқушылардың білімге деген құштарлығын арттыру, қызықтыру арқылы білімін тереңдету, зияткерлік қабілетін дамыту.

Міндеттері: 1. Білімділік. Оқушылардың үш тілде меңгерген білімдерін қорытып, іс жүзінде пайдалану дағдыларын жетілдіру, білімдерін тиянақтау.

2. Дамытушылық. Оқушылардың ұшқыр ойлау қабілетін арттырып, тіл байлығын молайтып, өз ойын еркін, нақты және жүйелі түрде жеткізу қабілетін дамыту.

3. Тәрбиелік. Оқушыларды заман талабына сай алған білімдері арқылы зияткерлікке , жауапкершілікке,ұлтжандылыққа, ұқыптылыққа, өзгенің ойымен санасу арқылы ынтымақтыққа тәрбиелеу.

Сабақтың көрнекілігі: күміс қобдиша, «Ұлы тұлғалар галереясына» ұсынылған портрет, әр түрлі купюрадағы «эвролар» («эврика» сөзінен шыққан зияткерлік ақша бірлігі).

Тех.құрал:компьютер, проектор, микрофон,жылжымалы экран.

Бағдарламалық жабдық: MS PowerPoint-та жасалған слайдтар, бағалау парағы.

Сабақтың барысы:

- Қайырлы күн, құрметті қонақтар, ұстаздар мен білімге құштар жас өрендер! «Білім биржасы» атты зияткерлік ойынға хош келдіңіздер! Ойынымыздың алдында білім сайысының әділ эксперт мүшелерімен таныс болыңыздар. (Эксперт төрағасы мен мүшелерімен таныстыру).

Алдарыңызда өз білімімен, ақыл-ойымен, эрудициясымен ерекшеленген әр топтың білімді оқушылары.

Ендеше кезек оқушыларда (Әр топ өз аты мен ұранымен таныстырады).

1.«Болашақ» -дарындылар тобы:

Ұранымыз:

Болашақтың ұрпағымыз білімді,

Сайыста көрсетпекпіз мектепте алған білімді.

2.«Эврика»- тапқырлар тобы

Ұранымыз:

Тапқырлық таныту мақсатымыз,

Біліммен шықсын тек жақсы атымыз.

3.«Асыл тас» -білгірлер тобы:

Ұранымыз:

« Асыл тастан шығады ұранымыз,

Мектептің көкке шырқар қыранымыз».

-Балалар, бүгінгі ойынымыз экономикалық зияткерлік ойын болғандықтан, ойынымыздағы негізгі ұғымдармен танысып кетейік:

Биржа- (лат. bursa-әмиян)- сұраныс және ұсыныстың негізінде тауарларды көтерме бағамен сатуды ұйымдастыру түрі. Лот- (ағылш. lot -жеребе‚ үлес) - тауар топтамасы, немесе оның бір бөлігі, сондай-ақ сатуға ұсынылатын тауарлардың кез келген тобы.

Аукцион-(лат. auctіo -сауда)— көпшілік алдында кім артық төлем ұсынса, бұйым және т.б. зат соған сатылатын бәсекелес, жария сауда.

-Біздің елімізде қандай ақша бірлігі қолданылады ? (Теңге)

-Әлемдегі айналымда тағы қандай ақша бірлігі бар ? (Доллар, рубль, евро)

Эвро-Европа елдеріне ортақ ақша.

-Бүгінгі аукциондағы сауда бағалы валюталардың бірі «эвро» атты ақша бірлігімен жүргізіледі.

Олай болса, «Адам байлығының ішіндегі ең тамашасы- білім» деп шығыс ғұламасы Әбу-р-Райхан әл Бируни айтқанындай , білім байлығы саудаға түсер аукцион шартымен танысып алайық.

Аукцион шарттары:

Әр топтың қорында 50 эвродан бар, бұл – бастапқы капитал. Өз капиталыңызды көбейту - өз қолыңызда.

Аукционға оқу пәндері қойылады. Пән бойынша сұрақтың бастапқы бағасы-10 эвро. Топ капитаны бағаны 10 эвродан жоғарлата алады. Ең жоғары баға ұсынылған соң сұрақ оқылыды. Егер дұрыс жауап айтылса, баға құны сол топқа беріледі, ал қате жауап айтылса, онда топ өз капиталынан сол ақшаны қайтарады .

Ескерту: егер топ қорында бар барлық сомаға сұрақ сатып алып қателессе, онда банкрот (қарызын төле алмай қалуы), ол топ аукционға қатыса алмайды.

Ойын 4 турдан тұрады:

І тур. Білім аукционы. Экономикалық ойынның шартымен оқушыларға 6 сұрақ қойылады. Дұрыс жауап беру арқылы топ өз ақша қорын жинайды.

ІІ тур . Эрудиттер сайысы. Топтар оқу бағдарламасынан негізгі ереже мен түсініктерді білу бойынша сайысады.

ІІІ тур. Таңдау-табыс. Әрбір топ таңдаған пәні бойынша берілген тапсырманы орындайды.

ІҮ тур. Сыйлықтар аукционы. Топтар жинаған ақша қорын сыйлықтарға айырбастайды.

Олай болса, ойынымызды бастаймыз.

І тур. Білім аукционы.

Аукциоңға қойылған

№1 лот. Дүниетану пәні бойынша сұрақ.

Сауданы бастаймыз. Бастапқы баға -10 эвро. Қай топ жоғары баға береді?

..... тобы бір, ..... тобы екі,...... тобы үш. Сатылды! (Дұрыс жауап берген жағдайда топ өз қорына..... эвро қосады).

Сұрақ. Суреттегі заттар қандай пайдалы қазбалардан жасалған ?

№2 лот. Әдебиеттік оқу пәні бойынша сұрақ. (Сауда жүргізіледі)

Ұлы тұлғалар галереясы

Сұрақ: Сіздердің назарларыңызға ұсынылып отырған « Ұлы тұлға- бала би» деген атақтан дана би деген атаққа ие болған, жоңғар шапқыншылық кезінде қазақ халқының атынан елшілікке жіберілген. Ол атақты адамның елшілікке барғандағы сөздері бізге жеткен . Яғни, «Біз қазақ деген мал баққан елміз,

Бірақ ешкімге соқтықпай жай жатқан елміз.

Елімізден құт- береке қашпасын деп,

Жеріміздің шетін жау баспасын деп,

Найзаға үкі таққан елміз.

Атадан ұл туса, құл болам деп тумайды,

Анадан қыз туса, күң болам деп тумайды.

Ұл мен қызды қаматып отыра алмайтын елміз.»

Бұл Ұлы адам кім? (Қазбек би)

№3 лот. Орыс тілі пәні бойынша сұрақ.(Сауда жүргізіледі)

Сұрақ: Прочитайте пословицы. Объясните их смысл.Переведите на казахский язык

Человек без родины- соловей без леса.Сильный победит одного — учёный тысячу.

№4 лот. Математика пәні бойынша сұрақ. (Сауда жүргізіледі)

Сұрақ. Бөрененің ұзындығы 120 см .Оның үштен бір бөлігін кесіп тастады. Қалған бөлігінің ұзындығы қанша?

Жауабы: 120:3=40см

120см-40см=80см

№5 лот. Ағылшын тілі пәні бойынша сұрақ.(Сауда жүргізіледі)

Сұрақ. Сөздерді көпше түрде жаз. Қазақ тіліне аудар

a pen- pens (қалам)

a dog- dogs (ит)

a pensil- pensils (қарындаш)

a brother- brothers (аға)

a teacher - teachers (мұғалім)

№6 лот. Қазақ тілі пәні бойынша.(Сауда жүргізіледі)

Сұрақ.Бірінші сөзі- көп сөзіне қарама-қарсы сөз, екінші сөзі- сөйлемнің бөлшегі, үшінші сөзі- қымбат металл аты болып келетін қай мақал? Мағынасын түсіндір.

-Осы І тур аяқталған соң эксперттерге сөз. Жоғары капитал жинаған топ.....

ІІ тур . Эрудиттер сайысы. Әр топқа берілген сұрақтар саны 20 . Әрбір дұрыс жауап құны -10 эвро.Сұрақтың жауабын білмеген жағдайда «келесі» деп айту сұралады.

1-топқа арналған сұрақтар:

1.ҚР Мемлекеттік Туының авторы кім? (Ш.Ниязбеков)

2.Қазақстан жер көлемі жағынан әлемде нешінші орын алады? (9)