Білім еліне саяхат сабақ жоспары

Топ: « Құлыншақ ».

Білім беру саласы: « Қатынас ».

Бөлімі: Сауат ашу.

Тақырыбы: Білім еліне саяхат .

Мақсаты: Балалардың жыл бойы алған білімдерін тексеру, сөйлем, сөз, буын, дыбыс туралы түсініктерін бекіту. Кітап сөзін оқу, қанша дыбыстан құралғанын ажырату, талдау. Балалардың ой-өрісін, сөздік қорын, тіл байлығын дамыту, сөйлем құрастыруға дағдыландыру. Өз бетімен жұмыс істеуге ұғымталдыққа тәрбиелеу.

Әдіс –тәсілдер: сұрақ –жауап, ойын.

Тілдің үштұғырлығы: Кітап-книга-book,

Қажетті құралдар: Слайд, жұмбақ, ребус, тарату материалы, указка, қызыл, көк, қара текшелер , магниттер Valeo жиынтығы.

Сәлеметсіңдер ме, балалар! Бүгін біздің оқу іс-әрекетімізге қонақтар келді. Бүгін қандай керемет күн! Бұл күнді жақсы, қуанышты көңіл күймен өткізу үшін сендерді «Шаттық шеңберіне» шақырамын.

Қайырлы күн достым,

Қайырлы күн болсын

Бүгінгі күн бізге

Сәттілікке толсын

Біздің алар бағамыз.

Жақсы баға болсын.

Балалар орындарына отырады.

Балалар бізге электронды хат келіпті. Қане тыңдап көрейікші.

Менің қымбатты достарым. Мен білім ханшайымымын. Бүгін мен сендерді білім еліне шақырамын. Сендердің жыл бойы Сауат ашудан не үйренгендеріңді білгім келеді. Білім елінде сендерді қызықты тапсырмалар күтуде Барлық тапсырмаларды орындағаннан кейін сендерді сыйлық күтіп тұр. Сендерге сәттілік тілеймін.

Балалар білім ханшайымының тапсырмаларын орындап, оған біздің алған білімімізді көрсетейік пе?

Жақсы балалар.

Ал олай болса осы сиқырлы сөзді айтсақ білім еліне жетеміз.

«Бір екі үш білім еліне бізді жеткіз»

Слайд Білім еліне жетеді.

1 тапсырма. Сұрақ жауап түрінде өтеді.

Не арқылы бір-бірімізге ойымызды айтамыз?

Сөйлем неден құралады?

Сөйлем не үшін қажет? Біреу туралы, не бір нәрсе туралы айту үшін қажет

Сөз неге бөлінеді?

Сөз неден құралады?

Дыбыс дегеніміз не? Естиміз, айтамыз.

Дыбыстар қандай болады?

Дауысты дыбыстар қалай айтылады?

Дауыссыз дыбыстар ше?

2 тапсырма.

Келесі слайдта «Буынға бөлу». Әр балаға карточкалар беріледі. Карточканың жоғарғы жағында суреттер, төменгі жағында буынның бөлінген сызбалары, ортасында жазу жолағы болады. Балалар заттардың атауын буынға бөледі және сөздегі буындардың санын білдіретін буындық схеманы сызықпен қосады.