Білім ғылым инновациялар туралы эссе

Мажитова Самал Сақтасынқызы

Мектеп директоры

Павлодар облысы

Баянауыл ауданы

№1 Майқайың жалпы орта білім беру мектебі

«Біз «білім-ғылым-инновациялар» үштігі билеген постиндустриялық әлемге қарай жылжып келеміз»

Н.Ә.Назарбаев

Жаңартылған білім беру мазмұны- жаңа бастама

Біз әлемдік мұхитта өз бағытымен аман-есен жүзіп келе жатқан қайығымызды ешкімнің шайқауына жол бермейтін ұлтпыз. Бәсекеге қабілетті білімді ұрпақ тәрбиелейміз. Бұл заман білекке сенетін емес, білімге сенетін заман. Заманауи әлемде елдің қуаты ең алдымен азаматтарының білімімен өлшенеді. Инемен құдық қазғандай, қиын да күрделі, орасан қажыр-қайрат пен ерік-жігерді талап ететін білімсіз- өмір тұл. Сол себепті жаңа Қазақстанды жаңалыққа бағыттайтын құрал-білім. Білімді тасымалдаушылар- ұстаздар, болашақтың ірге-тасын қалаушылар.

Елбасының тапсырмасы бойынша оқушылардың функционалдық сауаттылығын дамыту жөніндегі 2012-2016 жылдарға арналған Ұлттық жоспар қабылданды. Бұл- Елбасының білім саласын жаңарту туралы бастамаларын іске асыруда маңызды механизмдердің бірі.

Белгілі қытай пәлсапашысы Конфуцийдің: «Мен саған балық берсем, сен бір-ақ күн тоқ боласың, ал енді мен саған қармақпен қалай балық аулауды үйретсем, сен өмір бойы тоқ боласың» деген сөзі оқушыларды да, мұғалімдерді де әрекет етуге ынталандырады. Бүгінгі заман талабы да- осы. Мұғалімдер оқушыларды оқытпайды, білімді қалай меңгеру мен қалай оқу керектігін үйретеді. Сонда ғана білім сындарлы болмақ.

Неміс философы Зиммелль:«Білімді адам- ол өзі білмейтінді қайдан табуға болатынын білетін адам» деген екен. Бүгінгі қоғамда өмір сүретін ұстаздарға барлық жағдай жасалған. Жаңа форматтағы ұстаз атану үшін түрлі семинарлар, біліктілікті арттыру курстары, деңгейлік оқулар ұйымдастырылуда. Біліміңді толықтырып, тәжірибе жинақтауға шетелге шығарады немесе шетелден кадрларды жинақтайды. Білмейтінініңді іздеп табуға жол көрсетеді. Оқушыға білімді қалай үйрететінін білетін ұстаз бен білімді қалай оқу керектігін білетін оқушының іс-әрекеті- бәсекеге қабілетті 50 елдің қатарына елімізді қосатыны сөзсіз.