Білім кілті кітапхана сыныптан тыс жұмыс 1-сынып

Мақсаты:

Кітапхана өмірімен таныстыру, білімнің кітап арқылы берілетіндігін ұғындыру, кітапқа деген қызығушылықты арттыру,оны күтіп ұстауға үйрету.

Көрнекілігі: білім, кітап туралы жазылған нақыл сөздер, «Кітап деген бір әлем» балаларға арналған кітаптар көрмесі.

Барысы: Армысыздар оқушылар! Бүгін сіздермен ерекше сабақ. Бұл кітапхана мен сіздердің аға –апаларың дайындаған «Білім кілті – кітапхана » атты кітапхана сабағына қош келдіңіздер.

Кітапхана сағатын А.Байтұрсынов атамыздың сөзімен бастайын.

Балалар , бұл жол басы даналыққа,

Келіңдер,оқып,байқап қаралық та.

Даналық өшпес жарық, кетпес байлық,

Жүріңдер іздеп,тауып алалық та

Осы кезде үлкен кітап ұстаған оқушы кіпеді.

Кітап: - Балалар мен сәл кешігіп қалдым - ау, деймін, кешіріңдер! Сендермен дос болып, қайтатыныма сенімдімін.

Кітапханашы: Қош келдіңіз, қымбатты достарымыз, жоғары шығыңыздар.Балалар! «Кітап»деген сөз арапша «жазба», ал түрікше «дәптер»деген мағынаны білдіреді.

І. Кітап:

Мен кітап ханшайымымын,

Иесі рухани әлемнің.

Әкелдім кітап патшалағының,

Бәріңе жалынды сәлемін.

Білімнің атасы кітап. Сондықтан кітап, балаларға ақыл, кеңес береді.– Кітап – ел мен жерді сүю, талапты кішіпейіл болуға, төзімділікке баулиды.Кітапханашы: Балалар, кітап қалай жасалатынын сендер білесіңдер. Кітап жасаған кезде адам көп еңбектенеді: редактор, автор, жазушы, суретші, содан кейін кітап баспаханадан басылып шығады,Ал, балалар сендер оқырман болғандықтан, «Кітапты қолдану ережесін»есте сақтап жүріңдерБалалар, кітапты жыртпай, кірлетпей, бүлдірмей таза ұстау - бәріміздің міндетіміз.Кітаптың беттеріне сурет салмаймыз және суреттерін қиюға болмайды!Тамақ ішкен кезде кітапты оқуға болмайды!

Кітапханашы:

Кітапты біздің қоғамымыздың әрбір адамы күнделікті тұрмысында пайдаланады. Одан ақыл - кеңес, тәлім - тәрбие, үлгі - өнеге алады.

Кітапты оқымайды сыйламаған,Білімге жанын жанып қинамаған.Өсірген кімнің болсын ой - өрісін,Сол кітап бек ақылшы күнде маған.

Түлекті тәрбиелер кітап - мектеп,Өседі сол кітаптан бұтақ көктеп.Молайтып ақылыңды сан еселеп,Береді білім нәрін кітап көптеп.Сергіту сәті.Заманымыздың заңғар жазушысы Мұхтар Әуезовтің сөзімен айтқанда, «Кітап – әр адамның өмірлік досы». Сондықтан, балалар сендер кітаптарды оқып кітаптар мен дос боласыңдар деп ойлаймын. Осымен балалар енді кітапхана қай жерде орналасқан және осында көп кітаптар бар екенің енді білесіңдер. Біз сендерді күтеміз!