Білімді болсаң бақ сына 4-сыныпқа тәрбие сағаты

Маңғыстау облысы, «Бейнеу ауданы, Ы.Алтынсарин атындағы орта мектебі» КММ-сі, бастауыш сынып мұғалімі Жылкыбекова Гулзада

Тақырыбы: «Білімді болсаң, бақ сына» Мақсаты: Оқушылардың жан - жақты білімдерін тексеру, логикалық ойлау, есте сақтау қабілеттерін шыңдау. Өз ойын жеткізе білуге тәрбиелеу. Көрнекілігі: нақыл сөздер, тапсырмалар, логикалық тапсырмалар, әр топқа даярлаған үстел, интерактивті тақта. Түрі: Топтық сайыс Барысы: 1. Ұйымдастыру кезеңі. (Оқушыларды берген тапсырманы дұрыс орындауға, нақты жауап беруге дайындау) 2. Кіріспе бөлім. Армысыздар қадірлі қонақтар, ұстаздар және оқушылар! Ұлы Абай атамыз айтқандай «Сүйер ұлың болса сен сүй, сүйінерге жарар ол»- деп келешек ұрпаққа берер тағылымы мол, іздер қалдырған. Олай болса бүгінгі сайысымызда, ойынымызда өзімізді жаңаша қырынан көрсетіп, жақсы атсалысайық. Ал келіңдер, келіңдер, Біріңе - бірің еріңдер. Біліміңді тексеріп, Ойынға қатысып көріңдер, Көңілді тапқыштар, алғырлар, Бар өнерін алдарыңа салады. Кім білімді, көп оқыған болса егер, Бүгінгі күн жеңімпазы болады. - дей отырып, « Білімді болсаң, бақ сына!» атты зияткерлік ойынымызды бастаймыз.

Түрлі түсті пішіндердіалу арқылы 3 топқа бөлінеді. Сол пішіндерден мозайка құрастыру арқылы сурет шығарып, сол суретке байланысты топ атын құрады. Топ басшысын сайлайды. (Әр топ ұранын айтып, топ атын таныстырып өтеді.)

1топ «Рухани жаңғыру»

Ұраны: Жарыс десе жанамыз

Бүгінгі күн жарыста алғырлықпен аламыз.

Сәлемдесуі:

Қиындықтан сірәда біз қашпаймыз

Алғырлық пен тапқырлықты ұштаймыз

Қияларға самғап ұшқан құстаймыз

Шегінбейміз жеңістерге бастаймыз

2-топ. «Алаң»

Ұраны: Білікті бірді жығады

Білімді мыңды жығады

Сәлемдесуі:

Біз дайынбыз бұл сайысқа достарым

Көрсетеміз бізде қандай күш барын

Алға қойған мақсатымыз бір екен

Сәтті болсын сапарымыз әрдайым.

3-топ. «Ақ олимпиада»

Ұраны: Қалың қауым амансыз ба? «Ақ олимпиада» тобы алдыңызда. Білімімізді көрсетеміз, бүгінгі білім жарысында.

Көрген, білген түйгенін.

Көкірегінде сақтайтын, «Ақ олимпиада» тобы біздерміз.

Білім сайысында қалыспайтын. Бөлімдермен таныстырып өтейін:1 кезең -"Әріптер сөйлейді." 2 кезең -"Тіл-өнер" 3 кезең -"Тапқыр болсаң, тауып көр"4 кезең- -"Құрастырма сурет" 1 кезең «Әріптер сөйлейді.» Білген сайын келеді біле бергім, Біле беру емес пе тілегі елдің. Бүгін осы сайыста жеңіске жет, Білімді, әрі білікті жас жеткіншек - деп сайысымыздың 1 - бөлімін бастаймыз. І – кезең: «Әріптер сөйлейді.?». Өз ойыңды ашық айтып, Түйіндейміз білімді. Әр нәрсенің жауабын тез Айтайықшы ұғымды. Әр топқа берілген 9 әріпке сөз жазады.