Білімді ел мәңгі ел тақырыбындағы 6 сынып тәрбие сағаты

«Қостанай қаласы әкімдігінің білім бөлімінің С.Мәуленов атындағы гимназиясы» ММ

«Білімді ел – мәңгі ел»

(әңгімелесу)

Жетекшісі: Мукашева Б.Ж.

Қостанай 2018 ж.

Күні: 27.04.18

Сыныбы: 6 «В»

Тақырыбы: «Білімді ел – мәңгі ел»

Мақсаты:

Сынып сағатының мақсаты:. Оқушыларға «Қазақстан -2050» стратегиясының маңызы мен мақсатын түсіндіру арқылы Мәңгілік Ел-идеясының маңызын түсіну, білімділіктің маңыздылығына тоқталу, Отанын сүюге, бірлікке, ел тарихын білуге, еліміздің мемлекеттік рәміздерін қастерлеуге, отанымыздың байлығын қорғауға, елімізді өркендетуге білімді ұрпақ болуға тәрбиелеу.

Міндеті: оқушының сөйлеу тілін дамыту арқылы сөздік қорларын молайту, ой-өрісін кеңейту, жас ұрпақтың патриоттық сезімін жандандыра түсіп, елін, жерін сүйіп, құрметтеуге жетелеу.

Сынып сағатының көрнекілігі: Кітаптар көрмесі, компьютер, Елбасының, Астананың суреті және слайд.

Түрі: әңгімелесу

Сынып сағатының барысы:

І.Ұйымдастыру (дайындық, гимн)

ІІ. Кіріспе сөз (ассоциация)

ІІІ. Білімді ұрпақ (бейнебаян)

ІV. Негізгі бөлім (сұрақ-жауап)

V. Полиглот

VІ. Мақал – сөздің мәйегі

VІІ. Қорытынды

І.Ұйымдастыру. Амандасу, сабаққа ынтасын аудару.Психологиялық ахуал орнату .- Әр оқушы шеңберде тұрып, бір-біріне жылы тілектерін білдіреді. Гимн орындалады.

ІІ Кіріспе сөз. Мұғалім: Оқушылар, білім деген не? Білімді ұрпақ – сендер. Ендеше, Мәңгілік елдің мәңгі бақытты ұрпағы – біз! Елбасы Нұрсұлтан Әбішұлы Назарбаев өз сөзінде бізге үлкен сенім артатынын айтып өтті. Демек, біздің алдымызда үлкен жауапкершіліктер жатыр. Біз – Мәңгілік елдің білімді де саналы, сауатты ұрпағы ретінде өз еліміздің, Қазақстанның гүлденуі мен әрі қарай дамуына, көркеюіне үлесімізді қосуға тиіспіз. Артылған үміт пен сенімнің жүгі қанша ауыр болмасын, сан қилы, сан қырлы соқпақты жолдар болса да қазаққа тән қайсар мінезбен тайсалмай көтеріп өтуге тиіспіз!

ІІІ. Білімді ұрпақ (бейнебаян).

2014 жылдың 17 қантарында Қазақстан Республикасының президенті Н.Ә.Назарбаевтың кезекті халыққа жолдауын: «Бір жыл бұрын мен еліміздің 2050 жылға дейінгі дамуының жаңа саяси бағдарын жария еттім. Басты мақсат-Қазақстанның ең дамыған 30 мемлекеттің қатарына қосылуы. Ол –«Мәңгілік Қазақстан» жобасы, ел тарихындағы біз аяқ басатын жаңа дәуірдің кемел келбеті», — деп бастады. Бұл орайда елең еткізген жаңалық –тұңғыш мемлекеттік ресми идеология , яғни «Мәңгілік Ел» идеясының жариялануы, бұл ҚР ұлттық идеясынан келген түйын –тұжырым . Мәңгілік Ел отандастардың бірегей тарихи мақсаты мен қаһармандық ұраны десек қателеспейміз. Аталған идея қазақ елінің ғасырлар бойы армандаған мақсаты ғана емес, Тәуелсіздік жолындағы жанқиярлық еңбегі мен тынымсыз шығармашылығының нәтижелері арқылы қол жеткен асу.

Бейнебаяннан не түсіндіңдер? Қазақстаның білім деңгейі қандай?

ІV. Негізгі бөлім (сұрақ-жауап)

2014 жылдың 17 қантарында Қазақстан Республикасының президенті Н.Ә.Назарбаевтың кезекті халыққа жолдауын: «Бір жыл бұрын мен еліміздің 2050 жылға дейінгі дамуының жаңа саяси бағдарын жария еттім. Басты мақсат-Қазақстанның ең дамыған 30 мемлекеттің қатарына қосылуы. Ол –«Мәңгілік Қазақстан» жобасы, ел тарихындағы біз аяқ басатын жаңа дәуірдің кемел келбеті», — деп бастады.…