Білімді ұрпақ мемлекет болашағының кепілі туралы мақала

Білімді ұрпақ- мемлекет болашағының кепілі

“Елді түзетуді бала оқыту ісін түзетуден бастау керек”

Ахмет Байтұрсынов

Қазіргі заман талабының негізгі тірегі – білімді ұрпақ. Өйткені ол - мемлекет болашағының кепілі.

ҚР білім беру реформаларының негізгі мақсаты- білім беру жүйесін жаңа экономикалық ортаға бейімдеп,дамыған білім мен ғылымды арқау еткен білім жүйесін құру . Ал міндеті- әлемдегі бәсекеге қабілетті 50 елдің қатарынан табылып, соларға қосылу болып табылады.

Бұл үшін жастарға заман талабына сай білім берілу керек. Осындай себеппен орта мектептердегі бұрыннан қалыптасқан дәстүрлі білім жүйесіне жаңартылған білім беру бағдарламасы енгізілді. Осы стратегиялық бағдарламаны жүзеге асыру бағытында оған “ХХI ғасырдағы дамыған ел дегеніміз- белсенді,білімді және денсаулығы мықты азаматтар”деген нақты анықтама беріліп,соған сай буынды мектеп қабырғасынан тәрбиелеп шығаруды көздейтін бағдарлама жасалды. Бұл бағдарлама бойынша қазіргі кезде жетілдірілген ғылым мен техниканың қарқынды дамуына сәйкес,оның бәрін еркін меңгерген, барлық жаңалықтарын іске асырып қолдана білетін, білімі терең,жан-жақты ойлауға қабілетті,өздері іскер,үш тілді еркін меңгерген,білімдері әлемдік стандартқа сай ,шетелдерде еркін жүріп-тұрып жұмыс істей алатын құзырлы тұлғалар тәрбиеленіп шығарылуы тиіс.

Жаңартылған білім беру бағдарламасының ең негізгі мақсаты: оқушылардың оқу нәтижелерін жетілдіру,орта білім мазмұнын жаңарту,соған сәйкес мұғалімдердің біліктілігін арттыру болып табылады.

Бағдарламаның құрылымы туралы тоқталар болсақ:

1. Пәннің маңыздылығы

2. Пән бойынша оқу бағдарламасының мақсаты

3. Үштілділік саясатын іске асырылуы

4. Педагогикалық жаңа әдіс-тәсілдер мен оның сауатты қолданылуы

5.Түрлі мәдениет пен жеке және әр түрлі көзқарастарға құрмет көрсетілуі

6. Баланың өзін еркін ұстай білуі мен өз ой-пікірін еркін айта алуға бейімделуі

7.Түрлі ақпараттық-коммуникациялық технологияларды қолдана білу және еркін меңгеру

8. Оқу нәтижелерін бағалаудың жолдары

9. Оқу мазмұнын ұйымдастырудың бірізділігін сақтау.

Бағдарламаның міндеттеріне тоқталар болсақ:

1. Пән бойынша жаңартылған білім беру бағдарламасының құрылымы мен ондағы материалдардың күрделілігін түсіну,мақсаты мен міндетін толық меңгеру.Оны әрбір мұғалім толықтай меңгермейінше бұл бағдарлама іске аспайды

2. Пән бойынша жаңартылған білім беру бағдарламасының алдына қойған мақсатына жету үшін әрбір мұғалім - критериалды бағалау жүйесін толық түсініп,сауатты әрі дұрыс қолдана…