Білімді ұрпақ заман талабы туралы мақала

Батыс Қазақстан облысы, Теректі ауданы, Подстепный ауылы, Подстепный жалпы қазақ орта білім беретін мектебінің бастауыш.сынып мұғалімі - Ажмуратова Саида Орынбасарқызы

Тақырыбы: «Білімді ұрпақ -заман талабы»

Батыс Қазақстан облысы, Теректі ауданы, Подстепный ауылы, Подстепный жалпы қазақ орта білім беретін мектебінің бастауыш.сынып мұғалімі - Ажмуратова Саида Орынбасарқызы

Тақырыбы: «Білімді ұрпақ -заман талабы»

«Ұлт болашағы -білімді ұрпақ қолында»,- деп ел тұғырын биік қылған Елбасымыз айтқандай, ұлттың ұлылығы ұрпақтың білімімен өлшенетін заман қазір... Санасы сан білімнің сауалына жауап іздеген білімпаз ұрпақ, саналы жеткіншек болашақта қай елдің болмасын қанатын қатайтатыны анық. Білім десе дес бермейтін білімнің дарабоздарын тәрбиелеу мәселесі кемел ұстаздың жауапкершілігінде... Қай елдің болмасын болашағы өскелең жастарға байланысты екені даусыз. Ал жастардың болашағы тәлімі мол тәлімгердің қанжығасында. Сондықтан білімнің сапалы түрде берілуі білімді ұрпақ үшін өте маңызды.

Арыстандай айбатты,

Жолбарыстай қайратты,

Қырандай күшті қанатты,

Мен жастарға сенемін!-деп сергелдең заманда ұрпағына сенім білдірген Мағжандай алпауыттың сөзінен болашақ сөзі мен жастар сөзі мағыналас па деп те ойлап қаласың! Себебі жарқын болашақтың жасампаздары, міне, осы жастар емес пе?! Лапылдап жанған оттай көздерді көргенде көз алдыңа кемел де керегесі кең келешек Қазақ елі елестейді. Алдыңғы қатарлы озық елдің межесін еңсерген, төрт терезесі теңескен Қазақстан қиялыңда орын тебеді. Бұл қиялдың қияға кетпей, мақсатқа айналдыратын да, мақсатты жүзеге асыратын да осы білімді жастар! Жастықтың жалынын жарқын істерге жұмсаған жастардың болашағы да жарқын екені рас. "100 жаңа есімнің" тізімінде ел үшін еткен еңбегі бағаланған жастарды көргенде соқпақ жолдың даңғыл жолға айналуына кәміл сенесің! "Жастар жылы" деп жарияланған 2019-жылдың жемісті де ел үшін жаңа бастама болғандығын анық көреміз. Бұл жыл кемел елдің келешек жастарына тың серпін бергендей. Білімнің биігіне шыққан қанша жас толқын "Болашақ" бағдарламасы арқылы шет елде тәжірибе алмасып, көкірек көзін кеңейтті десеңізші?! Болашаққа бастар "Болашақ" бағдарламасының атауы да келешек жастардың қолында екенін анық көрсетіп тұр.