Білімділер тақырыбындағы мектепке дейінгі ашық сабақ

«Жайна,жаса, Тәуелсіз елім менің »

Мақсаты: Оқушыларға тәуелсіздіктің мәні мен маңызын ұғындыра отырып,оңай жолмен түсіндіру.Еліміздің өткені мен болашағы,даму тарихы туралы түсінік беру.Желтоқсан оқиғасының құрбандарын еске алу арқылы олардың ерліктерін үлгі ету. Оқушыларды тәуелсіз елін мақтан тұтуға ,болашаққа сеніммен қарауға,Отанын,ұлтын сүйюге,патриоттыққа тәрбиелеу.

Көрнекіліктер: Қанатты сөздер жазылған плакаттар, Шарлар,суреттер.

Тәрбие сағат барысы:

Жүргізіуші: Армысыздар құрметті қонақтар,ұстаздар.Мектепалды даярлық сыныбының Жайна жаса,тәуелсіз елім менің атты ашық тәрбие сағатымызға хош келдіңіздер!

Көк туым көтерілді бағым жанып,

Елтаңбам күллі әлемге танылды анық.

Шырқадым әнұранды бар дауыспен,

Арманым – Ата заңым қабылданып.

Қ.Р.М.Г орындалады

Жүргізуші: Қазақ халқы еркіндікке жету үшін қаншама қиын - қыстау кезеңдерді бастан кешірді.Мыңдаған жылдық тарихы бар.Ал, 1986 жылғы оқиға халықтың есінде мәңгі сақталады.16- желтоқсанда қазақ жастары Орталық алаңға шығып,Қазақстан тәуелсіздігін талап етті. Желтоқсан оқиғасында ерен ерлігімен көзге түскендер өте көп.Солардың бірі Қайрат, Ербол,Сабира, Лаззат.Олар қыршын жасын қиды.Оларға үлкен айып тағылды.Балалар,біз осы тәуелсіздікке оңайлықпен

жеткен жоқпыз. Бұл күн – Қазақстан тарихында тәуелсіз Қазақстан Республикасының туған күні деп алтын әріппен жазылады. Сондықтан да желтоқсан бүкілхалықтық мереке.

Жүргізуші:

Ата – бабаларымыздың асқақ арманымен қаншама боздақтарымыздың қанымен келген тәуелсіздігімізге арналған балаларымыздың өлең шумақтарын тамашалаңыздар

Жұлдызай:

Желтоқсанның ызғары – ай

Кірпікке қатқан мұздары –ай

«Елім - ай» деп егілген

Қаһарман ұл қыздары ай

Айқын:

Тәуелсіздік бізге оңай келмеді,

Күрескерлер осы күнді көрмеді.

Қаны мен жанын берген ерлердің,

Есімдері биіктерге өрледі.

Жаннұр:

Желтоқсанның қанды суық ызғары,

Қалың әскер қазағымды қорлады.

Тәуелсіздікті қолдаған жастардың,

Отан үшін табандары тозбады.

Кәусәр:

Бабамның да арманы,

Осы еді ғой аңсаған.

Тәуелсіздік таңдары,

Бақ береді баршаға.

Көк туымда қолымда,

Бүгін берік ұстадым.

Түсті бақыт жолыма,

Менің Қазақстаным.

Махаббат:

Тәуелсіздік көптен күткен бақытым,

Әзер жеттім баға бермес жақұтым.

Өркендей бер пейілі кең қазағым,

Қалықтасын көк аспанда бақ құсым.

Ұлжан:

Аралаймын алаңды,

Тәуелсіздік күнімен.

Батыр Қайрат ағамның,

Суретіне үңілем.

Айару:

Әр қазақтың есінде сақталады,

Желтоқсандық өрендер ақталады.

Ел намасын қорғаған сарбаздарым,

Ерліктерің мәңгілік сақталады.

Асылнұр:

Жалғасып соғыс өрті сан ғасырға,

Біз көрдік қас дұшпанның балтасында

Еліме тәуелсіздік келіп жетті,

Мың жылдық күрестердің арқасында.

Ердәулет:

Тәуелсіздік мәңгілік сақталсын,

Алдымызда барлық үміт ақталсын.

Тату – тәтті бірлік болып қашанда,

Бейбіт өмір бар халықпен жасасын.