Білімнің бастауы балабақшада ертеңгілік сценарийі

Бөлімі: Көркем әдебиет.

Тақырыбы: Білімнің бастауы – балабақшада.

Мақсаты:1 Қыркүйек – білім күні мерекесінің мағынасын түсіндіру, сезіндіру. Мәнерлеп оқуын дамыту, сөздік қорын байыту. Мерекелік көңіл күй сыйлау.

Көрнекілікте, қажетті құралдар: Білім күніне арналған слайдтар , жұмыс

дәптері, қарандаш, ойынға арналған қоржын.

Шаттық шеңбері:

Күнім күліп арайлы,

Тереземнен қарайды.

Маған « жылдам бол » дейді,

« Оқуыңа » бар дейді.

Қайырлы таң апайлар,

Мейірімді жарандар.

Біз бастаймыз оқуды,

Бақылаңдар қараңдар!

I - Кіріспе бөлім:

-Балалар, бүгінгі оқу іс – әрекетіміз ерекше болмақ. Өйткені, біз бүгінгі оқу іс – әрекетінде білім күнін атап өтпекпіз. Жаз өтті. Сендер бір жасқа есейдіңдер,

бүгін күздің алғашқы күні. Яғни , 1 Қыркүйек – Білім күні.

Бір жылдан кейін балар, сендер мектепке барасыңдар, қолға қалам ұстап, әліппені ашасыңдар.

( Дәл осы кезде қатты жылаған дауыс шығады)

Дымбілмес кіреді.

Дымбілмес: Мені мектепке алмады. Мұғалім « әлі кішкентайсың » -деді. Ал мен мектепке барғым келеді.

Тәрбиеші: Ренжіме, дымбілмес. Біз сені өзіміздің ортаңғы «Балдырған » атты тобымызға аламыз, біздермен бірге білім алып, келесі жылы балармен бірге мектепке баратын боласың.

( Балалармен бірге отыра ғой, олардың өнерін, білімін тамашала)

Тәрбиеші: Мектептегі оқушыларды сабақ күтіп тұрса, біздерді балабақшада

түрлі ойын – сауықпен қызықты оқу іс – әрекеттер күтіп тұр. Біз әлі бір жыл

бойы білім алатын боламыз.

Ал енді, балалар, біз орта тобындағы оқу іс – әрекеттерінде үйренген, білгендерімізді есімізге түсірейік.

Тәрбиеші: Балалар біз қай Республикада тұрамыз?

Балалар: Біз Қазақстан Республикасында тұрамыз.

Тәрбиеші: Қазақстан Республикасының Президенті кім?

Балалар: Қазақстан Республикасының Президенті Нұрсұлтан Әбішұлы

Назарбаев.

Тәрбиеші: Өте жақсы. Қазақстан Республикасының елордасы қай қала?

Балалар: Қазақстан Республикасының елордасы Астана қаласы.

Тәрбиеші: Балалар айтыңдаршы біздің балабақша қалай аталады?

Балалар: « Бөбек » балабақшасы деп.

Тәрбиеші: Өте жақсы балалар. Сендер өздерің Қазақстан Республикасы жайлы барлығын білдіңдер.

II – Негізгі бөлім:

Ал, енді мына суреттерге қараңдар.

Бұл ненің суреті? (қоңырау)

Балалар қайда бара жатыр?(мектепке)

Балаларды мектепке барғанда кім күтіп алады ? (мұғалім)