Бірлігіміз жарасқан әдістемелік материалы, бастауыш сынып

Тақырыбы:Ынтымағы жарасқан Қазақстан.

Мақсаты: Оқушылардың көп ұлтты Қазақстан халқының татулықпен, бірлікпен өмір сүріп жатқаны жайлы танымдық ойларын дамытып, өзге ұлт өкілдерін құрметтей білуге тәрбиелеу.Оқушылардың елге, жерге деген патриоттық сезімдерін ояту, ұлттық мінез, ұлттық намыс қалыптастыру.

Көрнекілігі: слайд материалдары, сахналық безендіру

Барысы:

1-жүргізуші: Бүгінгінің биігінен көз салып көр еліме,

Бақыты мен шаттығы мол қазыналы жеріме,

Қазақстан-бүгін міне жеке отау салтанаты жарасқан!

Бір отбасы, бір туысқан бір-біріне қарасқан!

Тәуелсіздік асқарынан барласам,

Бір шынардың бұтағындай күн нұрына таласқан!

Ғасырлар тоғысында еркіндікті аңсаған ата-баба арманы жүзеге асып, тәуелсіздікке қолымыз жетті. Биыл, міне, тұғырлы тәуелсіздігімізге 26 жыл толғалы отыр.

2-жүргізуші:

Достықпейіл- татулықтың тірегі,

Біздің халық бейбіт өмір сүреді.

Бар әлемді бір өзіне қаратқан,

Елордамыз- Еуразия жүрегі.

(Бимен ашылады.)

Қазақстан Республикасыалуанұлттыбауырынақысқан,бейбітшілікпентатулықты әлемге үлгі еткен достықтың, ынтымақтың елі. Қазақстанда тұратын жүзден астам ұлт өкілдерінің тату-тәтті өмір сүруі де осының айғағы болса керек.

1 мамыр- Достық мерекесі. Бұл- еңбекшілердің халықтық мейрамы, бүкіл дүниежүзі жұмысшыларының ынтымақ күні. «Ырыс алды-ынтымақ», «Достық түбі-береке, береке түбі-мереке» деген халық даналығы да біздің елге айтылғандай.

Тілі бөлек болғанымен тілек бір,

Ұлы достық мәпелеген жүрек гүл,

Қазақстан бар ұлысқа шаңырақ,

Шайқалмастан шаттығымыз тіреп тұр.

«Қазақстан-Гүлстан» әні орындалады.

2-жүргізуші:

Халқымыздың тынымсыз еңбегінің арқасында ел еңсесі көтеріліп келеді. Сондықтан, достық мерекесі бәрімізге де қастерлі күн.Еліміздің барлық жерінде қазақтар, орыстар, ұйғырлар, өзбектер, кәрістер, татарлар, украиндар, шешендер, дүнгендер және басқа көптеген ұлттардың адамдары ынтымақ пен бірлікте еңбек етіп, тіршілік кешуде.

1- жүргізуші:Бұл халықтардың бәрі де түріне, нәсіліне қарамастан теңдей білім алып, Қазақстан Республикасының Ата заңы негізінде өздерінің отанына айналған қазақ еліне барынша қызмет етіп, ел бірлігінің негізін қалап келеді.

Отан ғой халықты сақтайтын бірлігін,

Отансыз адамның айтпашы тірлігін.

Құстар да іздейді әрқашан мекенін,

Осыдан біле бер Отанның не екенін.

«Испан биі» орындайтын «Балауса» бишілер тобы.

2- жүргізуші: Елбасымыз Н.Ә. Назарбаев Қазақстан халқы Ассамблеясының ХVІІ сессиясында сөйлеген сөзінде «Тату елде тыныштық орнайды, бейбіт елде ғана береке болады.Бауыры бүтін бірлігімізбен елдікті…