Біз бақытты баламыз мектепке дейінгі тәрбие сағаты

Тақырыбы: « Біз бақытты баламыз! »

Мақсаты:Балалардың жеке қасиеттерін дамыту,тақпақ,өлең,әндерді нақышына келтіре айтуды үйрету.Бір-бірін сыйлауға,адамгершілік қасиеттерін жоғалтпай ұстауға жетелеу.

Көрнекілігі: шар , гүлдер .

Өткізілетін орын: Топта.

Өтілу барысы: Сұрақ – жауап , түсіндіру , ойын , тақпақ айту , топ ішін безендіру, музыка ойнап тұрады.

Тәрбиеші: Армысыңдар балалар,бармысыңдар,

Жаз да келді, жайнаған гүлді шыңдар.

Алдымен алайық амандасып,

Армысыңдар бәрің де,армысыңдар!

Тәрбиеші: Сәлеметсіздер ме,мерекеге жиналған қонақтар,ата-аналар,балалар!

Баршамызды бала тілмен баурайтын,

Бала деген бір бақыт қой самғайтын

Ата-ананың арманы мен тілегін,

Бала емес пе бал бұлақтан жалғайтын,

Сүйкімді періштелер сендерсің .

Қандай бейне өздеріңе тең келсін!

Данышпан да,ғарышкер де,ғалым да,

Ең алдымен балалықты меңгерсің.

1-Маусым 1950 жылдан бастап Халықаралық балаларды қорғау күні болып келеді.Бүгін біз осы мерекені атап өтпекшіміз.

Сұрақ-жауап:

Тәрбиеші: Балалар біз бүгін қандай мерекені тойлатқалы жатырмыз ?

Балалар: 1-Маусым балалар күнін .

Тәрбиеші: Ақылды балапан бүгінгі,

Көркейтер күніңді ертеңгі,

Үйренген өнерін көрсетсін

Бүлдіршін балалар белсенді.

Ендігі кезекті бүлдіршіндердің тақпағына берейік.

Тақпақтар: Бала,бала, баламыз

Бақшамызға барамыз.

Күні-бойы қызыққа

Батамыз да қаламыз. ( Айсұлтан )

Бейбітшілік әніміз

Өнерліміз бәріміз.

Қазақстан даласында

Жарасады сәніміз

Балабақша аясында

Жадырайды жанымыз. ( Нұрдәулет )

Бізбен бірге бар әлем

Қуанады балаша

Қуанышқа бөленген

Өмір қандай тамаша. (Алдияр)

Гүлмен келсін келер күн,

Бала-бағы бар елдің

Балалардың күлкісі

Көркі,сәні әлемнің. (Арайлым)

Басты қоссақ бәріміз

Біздер елдің сәніміз.

Шаттық,бақыт,қуаныш

Елімізге сыйлаймыз. (Нуралы)

Біз бақытты баламыз,

Ақылдымыз,данамыз.

Ертеңгі күн еліміздің,

Батырлары боламыз. (Нұрсұлтан)

Дидактикалық ойын : «Күн мен түн»

Ойын шарты: Балалар жартылай шеңберде тұрып , күн деген де күлімсіреу,

Түн деген де ұйықтаған тәрізді болады.Осылайша балалар іс-қимыл арқылы әрекет етеді.

Би: «Айгөлек»

Ойын : « Достық ұшағы »

Ойын шарты: Кімнің ұшағы алысқа ұшады.

Тәрбиеші: Көк жиектен күлімдеп ,

Маусымның таңы атты

Тұра қойшы күнім-деп,

Анаң сені оятты-

Даналардың тілегі,

Балалардың тілегі

Ауырмасын ешқашан

Аналардың жүрегі.

Ән: «Әрқашан күн сөнбесін»

Балалар әрқашанда аспанымызда күннің шуағы төгіліп, күлімдеп тұрсын