Біз бақытты баламыз тақырыбындағы шығарма, 5 сынып

Шығарма

«Біз бақытты баламыз»

Қазіргі кезде әрбір баланың бақытты болуына толық хақысы бар.Өйткені,мына бейбіт заманда ,біз бейбіт өмір сүріп жатырмыз.Ата-анамыз аман-есен қасымызда,не керектің бәрі бар.Өз үйімізде жатып оқимыз.Балғын балалық шақты алаңсыз өткізіп жатырмыз. Мұның бәрі Елбасымыздың арқасы деп ойлаймын.Барлық бала бақытты болғысы келеді.Ата-анамыз біздің қамымыз үшін күні-түні еңбек етіп,бізді оқытып,жақсы тәрбие беріп келеді. Мен өз ата-анаммен мақтанамын.Олар ешқашан ауырмаса деп тілеймін.Олар қасымда болса,мен бақыттымын.

Әр бала бақытты болу үшін үлкенді сыйлап,ата-анасының тілін алса,жақсылыққа ұмтылып,алға талпынса бәрі жақсы болады.

Елімізде бала болашағы үшін бәрі жасалған. Тегін мектеп,тегін білім алып жатырмыз.Басқа шет елдерде балалар мектепке бара алмай қиналып жүр.Өйткені, оларда ақшасыз білім берілмейді. Біздің Елбасымыз «Ел болашағы жастардың қолында»,-деп тегін айтпаса керек.Сол үшін жастар білімді болуымыз керек.

Елімнің бас қаласы-Астанаға биыл -20 толып отыр.Осы 20 жылдың ішінде Астанамыз қарыштап дамып келеді.Елімінің Астанасында көрікті жерлер өте көп.Бас қаланың негізгі символы «Байтерек»көздің жауын алары сөзсіз.Келген туристер қызыға қарайды.Астанаға біз жылда барып,қыдырып қайтамыз.Былтырғы жазды «EXPO-2017 » халықаралық мамандандырылған көрмесі өтті.Көрмеге көп елдер келіп қатысты.Менде көрмені өз көзіммен барып тамашалап қайттым.Менің туған жерімде осындай елеулі іс-шаралар өткеніне мен қуаныштымын.

Биыл менің туған жерім, қасиетті мекен Қорғалжынға -90 жыл толып отыр.Қасиетті қара шаңырақ –Қорғалжын барша елге танылды деп айта аламын.Қорғалжынның символы Қоқиқаз.Қоқиқаз Қорғалжын қорығында кездесетін аса бағалы құс екенін бәрі біледі.Қорғалжын ән мен жырдың мекені.Күміс көмей әншілер мен сазгерлерді дүниеге әкелген қасиетті мекен.Кенжебек Күмісбеков,Рабиға Есімжанова,Қосымжан Бабақов,Үлебай ақындарды дүниеге әкелген ел.Осы туған жерімнің туған күні биыл тойланбақшы.

Туған жердің сағасында біз бақытты балалық шағымызды өткізіп жатырмыз.Елім аман болып,туған жерім көркейе берсе екен деп балалық тілегімді айтамын.

Қорғалжын-киелі өлкем!

Сенде туып, сенде өскем,

Жер барма екен сендей көркем?

Неткен әсем, ғажап мекен,-деп жүрек жарды жырымды туған жеріме арнаймын.

Барша бала аман болып,бақытты өмір сүрсе деймін.Біз бақытты баламыз.

Бақытты шағымызды дұрыс пайдалана білуіміз керек.Ол үшін аянбай оқып,елімді көркейтуге өз үлесімді қосамын.

Үшсарт негізгі мектебінің

5-сынып оқушысы

Балташ Айсана