Біз бақытты отбасы байқауы мектепке дейінгі балаларға

«Біз бақытты отбасы»

(ата-аналар сайысы)

Мақсаты:Ата-ананың бала тәрбиесіне деген жауапкершілігін мейлінше арттыру, ата-анамен бірлесе отырып , бала тәрбиесіне байланысты мәселелерге көңіл аудару, жан-жақты дамыған тұлғаны адамгершілік , рухани жағынан тәрбиелеу.

Жүру барысы:

Құрметті ата-аналар қош келдіңіздер! Ортаңғы топ ата-аналары арасында өткізгелі отырған сайысты бастауға рұхсат етіңіздер. Сіздер үй тапсырмасына «Бақытты отбасы » бейнесін фотосуреттермен бейнелеп алып келіпсіздер.Біздер «Отбасы мүсіні атты тренингімен» сіздердің ішкі жан дүниеңіз фотосуреттегі бейнелеген көрініспен сай келе ме? Осыны байқайтын боламыз және іс –әрекетімен үлгі болатын отбасын таңдайтын боламыз. Ендеше іске сәт. Алдымен сіздермен таныс болу үшін ортаға шеңбер болып тұруға шақырамын.

Шеңбер болып тұрайық жылы жүзбен,

Бізге келсін қуаныш нұр іздеген.

Шаттыққа толсын жанымыз жүрегіміз,

Үлгі алсын көрген жан мыны бізден.

Сіздер танысу үшін өздеріңіздің жағымды жақтарыңызды есімдеріңіздің алдына сын есімді сөзді қосып айтып таныстырасыздар.

Құрметті ата-аналар біз тренингімізді шеңбер болып бастадық? Шеңбер арқылы бір-бірімізге күлімдеп жылылық ,қуаныш тілейміз. Шеңбер пішіні бұрышсыз пішін, яғни, біздің бір-бірімізге тілеген жақсы тілектеріміз қайта оралады деген сенімділік туады.

-Шеңбер қандай әріпке ұқсайды?(О –әрпіне)

-О-әрпінен басталатын сөз айтайық. (Отан,от,Отбасы)

От –жылулық,Отан-біздің біздің еліміз,Отбасы адм өміріндегі тұрақты ұжым.

Отбасы тұлғаның қалыптасуында басты роль атқарады. Отбасы қоғамның негізін құрайды.Отбасы сыйластық, жарастық орнаған орта .Отбасылық өміде сан қилы қиыны мен қызығы араласқан тағдыр бар. Бірақ «идеалды отбасы» деген ұғым бар.

Сол идеалды отбасын қазір таңдап көрелік.

«Отбасы фотокөрмесі»

1.Алдымен сіздердің дайындап әкелген «Бақытты отбасы» бейнелеген фотосуреттеріңізді сөйлетіп көрейік.Ендеше әр отбасы шығып өз жұмыстарын қорғап шықсын.

2. «Отбасы мүсіні»

Шарты: отбасы ортаға шығып өмірлік жағдайларды ойнау керек. Отбасы мүсіншіні өз мүшелерімен ақылдасып таңдайды да , мүсінші отбасының бақытты бір күнін бейнелейді. Отбасы мүшелерін қатысушылар арасынан таңдап бөлмелерге орналастырады. Мүсінші жұмысын аяқтағаннан кейін жұмысын қорғайды. Көрнекілікке бала бөлмесі ,ас үй, дүкен, жатын бөлмелері дайын тұрады.

3. «Отбасы оқиғалары»

Әр отбасы бір отбасында кездесетін жағымды қылық пен жағымсыз қылықтарды айта отырып, сол қылықтардың отбасы мүшелеріне тигізетін әсерін әңгімелеп береді. Өз отбасындағы кездескен қылықтарды да ортағы салып айтуға болады және сол қылықтарды шығу жолында қандай әрекеттерді пайдаланды. Тәжірибелерімен бөлісу.

4. «Бала қандай болады?»

Әр отбасына аяқталмаған сөйлемдер беріледі ,сол сөйлемдерді аяқтап бала тәрбиесіндегі жіберілетін қателіктерді тауып жазу керек.

-Баланы сынап отырса , ол .........(жек көруді) үйренеді.