Біз білімді баламыз сайыс жоспары, бастауыш сынып

Тақырыбы: Біз білімді баламыз

Сабақтың мақсаты: Оқушылардың әр пән бойынша алған білімдерін тексере отырып, білім – білік дағдыларын байқау, ақыл-ой өрісін жан-жақты дамыту.

Сабақтың түрі: Интеллектуалды сайыс.

Әдіс-тәсілдері: сұрақ- жауап, сөз құрастыру, шығармашылық жұмыс, полиглот

Сабақтың барысы:

І. Кіріспе.

- Армысыздар, ұстаздар, ата-аналар, оқушылар! «Біз білімді баламыз» атты 1 «а»-сыныбы оқушылары арасында өтетін білімділік сайысына қош келдіңіздер! Бұл сайыс білімділер сайысы болмақ.

Ал, енді сайысқа қатысатын 1 «а» сынып оқушыларын ортаға шақырайық.

Сайысты бастамас бұрын оқушылардың білім туралы жаттаған тақпақтарын тыңдайық.

1-оқушы Нәрқыз

Алақай - ау, Алақай!Алақай - ау, Алақай!Бұдан былай мен енді,Емеспін жай балақайОсыдан да көлемдіОқи алам өлеңдіБардым бүгін мектепкеОқушымын ен енді!2- оқушы Ғаділбек

Сауатыңды ашатын

Кітап-білім бұлағы.

Нұрын бізге шашатын

Ол-өмірдің шырағы

3-оқушы Айзере

Кітап та- алма ағашы,

Жемісін біздер теретін.

Тәтті алмаға балашы

Кітабыңның әр бетін

4-оқушы Балғынбек

Ойға толып санамыз,

Бестік болып бағамыз.

Баласындай бір үйдің,

Тату болсын арамыз

5-оқушы Нұрислам

Мектеп қамқор анамыз,Оқып білім аламызӨнерпаз боп өсетін,Біз оқушы боламыз

6-оқушы Анель

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер,

Сайыскерлерімізге сәттілік тілей отырып, сайысымыздың шарттарымен таныстырып өтейік:

Сайыс 5 айналымнан тұрады:

1-айналым. «Білекті бірді жығар, білімді мыңды жығар» - білім сайысы.

2-айналым. Көз зердесін дамытуға арналған тапсырма.

3-айналым «Ойланайық, табайық»

4-айналым. «Сөз ойла, тез ойла» берілген әріптерден сөздер құрап жазады. (2мин уақыт беріледі)

5-айналым «Полиглот» - жұмбақты шешіп шешуіндегі сөзді орысша, ағылшынша айту.

«Білекті бірді жығар, білімді мыңды жығар» - деп халық даналары айтқандай 1-айналым білім сайысын бастаймыз. Бұл сайыста әр топ сұрақтарға жылдам, әрі ойланып дұрыс жауап беру керек. Әр сұраққа 1 ұпайдан беріледі.

1-айналым. «Білекті бірді жығар, білімді мыңды жығар» - білім сайысы.

1-топ Алғырлар

Ең кіші бір таңбалы сан? (1)

Мен бір сан ойладым. Оған 20-ны қосқанда 50 болады. Қандай сан ойладым? (30)

Ұ – қандай дыбыс? (дауысты)

1ондық 2 бірлік нешеге тең? ( 12)

Қарындаш сөзінде неше буын бар? ( үш)

Өсімдіктердің қандай түрлері бар? ( мәдени және жабайы)

Өсімдік бөліктерін ата ( тамыр, сабақ, жапырақ, гүл, жеміс, және тұқым)

1 жұмыртқа 5 минутта піседі, 4 жұмыртқа неше минутта піседі? ( 5 минут)

Мен бір сан ойладым. Оған 50-ді қосқанда, 90 шықты. Мен қандай сан ойладым? ( 40)

13-пен 4-тің қосындысы нешеге тең? ( 17)

2-топ Тапқырлар