Біз өнерлі баламыз сөйлем түрлері ашық сабағы

Жамбыл облысы, Жуалы ауданы №28 Амангелді атындағы орта мектептің мектепалды даярлық тобының тәрбиешісі Сейдалиева Динараның сауат ашу сабағына жасаған жоспары

Білім беру саласы: қатынас.

Білім бөлімдері: сауат ашу.

Тақырыбы: Біз- өнерлі баламыз. Сөйлем түрлері.

Мақсаты: балаларды сөйлем түрлерімен таныстыру, сөйлем құрату арқылы сөздік қорларын байыту. Сөйлемнің түрлерін ажырата білуге қалыптастыру. Ойын еркін жеткізуге машықтандыру. Ойын арқылы ойлау қабілетін дамыту.

Көрнекіліктері: суреттер, текшелер,сызбалар.

Әдіс –тәсілдері: Сұрақ –жауап, түсіндіру, әңгімелеу

Сабақ барысы.

Ұйымдастыру кезеңі:

Балалар, бір- бірлеріне жақсы тілектер айтады.(Балалар шаттық шеңберіне тұрып, бір-біріне жақсы тілектер мен жылы лебіздерін білдіреді.)

-Мына суреттен нені көріп отырсыңдар?

-Суреттен әтешті көріп отырмыз.

Әтешіміз «ақ» қанат,

Күзетшідей қырағы.

Таң азаннан қақпада,

Айғай салып тұрады.

-Балалар әтеш таңертең ерте неге айғайлайды шақырады?

Балалардың жауаптары тыңдалады.

-Дұрыс, балалар! Ал, кәнекей бастайық (Сергіту жаттығуын жасау).

-Әтеш тек қана бізді оятты ма?

-Әкең қайда кетті?

-Әпкең қайда кетті?

-Әжең ше? (Үйде қалды...)

-Балалар мен сендерге қандай сұрақтар қойдым?

Дұрыс бұл жауап алу мақсатында айтылған сөздер сұраулы сөйлем- деп аталады.

Сөйлемдерді дауыс мәнеріне келтіріп айт.

, ! Сен қайдан келдің

? Алақай, мен Дастанды жеңдім

.. Сен қайдан келдің

Сызба бойынша сөйлемдер құрату. Сәйкестендіру сызбасымен жұмыс жасау. Сызбаға сәйкес келетін сөйлемдерді қосу.

Сурет бойынша әңгіме жүргізу. Саған балалардың қай өнері ұнады? Мұндай өнерлі балалар араларыңда бар ма?

Сөйлемдерді толықтырып оқу.

(Әжем) ертегі айтты. Бақшада (алма)өсті. Балалар (асық) ойнады.

Осы сөйлемдерді сұраулы сөйлемге айналдыру.

Ойын: «Жалғасын тап»

Ойынның шарты: Тәрбиешінің айтқан сөйлемін сұраулы, хабарлы, лепті сөйлем етіп аяқтау.

Сен қалаға (бардың ба?, бардың) тағыда басқа мысалдар келтіру.

Сабақтың нәтижесі: сабаққа белсене қатысып отырған оқушыға мадақтау сөздер айтып, смайликтер үлестіру