Біз стресске бой бермейміз психологиялық тренинг

Тақырыбы: «Біз стресске бой бермейміз»

Формасы: тренинг

Тренингтің мақсаты:

Стресс туралы түсінік беру арқылы позитивті ойлауды дамыту.

Стресстің адам денсаулығына кері әсерін ұғындыру және тренинг — жаттығулар арқылы стресстен шығу жолдарын көрсету.

Стресстен арылуға психологиялық кеңес беру.

Контингент: 1, 2, 3, 4 топ студенттері

Қолданылған көрнекілігі мен құрал-жабдықтар: компьютерге енгізілген слайдтар, қағаз, стикер; компьютер, проектор.

Жүру барысы:

Кіріспе сөз.

Стресс (ағылшын тілінен аударғанда stress – қатты күйзелу, қысым, абыржу, мөлшерден тыс ширақтылық) – түрлі жағымсыз әсерлерге ағзаның қорғаныш жауап реакциясы ретінде пайда болған эмоциялық күйі. Ғылымға ең алғаш осы ұғымды енгізген канадалық физиолог Ганс Селье. Г.Сельенің айтуынша адам өмірінде стрестің болмауы өліммен тең.

Стресс түрлері: Эустресс – «жағымды» стресс»; Дистресс –«жағымсыз» стресс

Стресстің белгілері:

Психологиялық белгілері: қорқыныш, үрей, депрессия

Физиологиялық белгілері: әлсіздік байқалады, сергектігі жоғалады, әрқашан шаршағандық сезімде болады;

Жүйке тұлғалық белгілері: еріксіздігі өзін-өзі ұстауының бұзылуы, әлжуаздылық, шығармашылық дамуға қабілетсіздік, қорқыныш, себепсіздік үрейленушілік.

Медициналық белгілері:

бастың, жүректің ауруы, ұйқысыздық, аффектілер, истерикалық реакциялар, жоғары нервтілікпен көрінеді;

Стресс кезеңдері

Үрейлену: Жағымсыз тітіркендіргіш әсеріне әсер еткен сәтте туатын жауаптың алғашқы кезеңі. Таңырқау іспетті сезім пайда болады. Бұндай кезде адам жүрегі қатты соғады, ішкі ағазы белгілі бір уақытқа тоқтайды. Адам шаршайтындықтан ,бұл жағдайда ұзақ уақыт бола алмайды.

Төзімділік: Жағымсыз тітіркендіргіш әсеріне беріліп кетпей, оған төзу реакциясы туады. Бұл кезең салыстыру арқылы ұзақ жүреді.

Әлсіреу: Бейімделу қорының мүмкіндігі азайып, таусылады, сондықтан психологияда дезадаптация пайда болады. Стресстің көпке созылған ауыр түрі адамды жүдетіп, қайғыға батырады. Эмоциялық көңіл-күйді реттеу әдістері алуан түрлі: психотерапиялық әдістері-тренинг, аутотренинг, медитация т.б.

Стрессорлар деген шыни әрекеттестіретін адамның физикалық және психикалық қозғышы болып табылады. Стрессор – жағымсыз фактор, ағзада қысым тудыратын стресс.

Психикалық стрессорлар болып табылады:

-ерекше жауапты шешім қабылдаудың қажеттілігі;

-әрекет стратегиясы тез ауысу кезінде жылдам қайта құрылудың қажеттілігі;

-белгіл бір іс-әрекеттегі қимыл-қозғалыста қанағаттанбайтын темптер;

-конфликтер;

Стресстің туындауы мүмкін жағдайлары:

-оқудағы алғашқы қиындықтар;

-жеке, жалпы үлгермеушілік;

-оқу әрекетінен бас тарту;

-оқу негізінде пайда болған, баланың мұғалім мен ата-аналар қатынасындағы қысым;

-мәндік кедергілер;

«Сіздің көңіл-күйіңіз қандай?» жаттығуы

Интерпретация:

Қызыл - қуанышты көңіл-күй

Алқызыл - ұнамды көңіл-күй

Сары - жағымды көңіл-күй

Көк - суық көңіл-күй

Қоңыр - қиналған көңіл-күй

Күлгін - алаңдаушы көңіл-күй

Қара - күш қуаттың төмендеуі

Ақ – анықталмаған көңіл-күй.

Психологиялық әдебиеттерде стресстен шығу тәсілдері:

Терең демалу, тынығуды ұмытпау

Психикалық жағынан өзін реттеу

Күлкі- ең маңызды дәрі-дәрмек

Күлкі стрессті жүйке жүйесіндегі қысымды және шаршауды түсіреді;

Жағымсыз ойлардан арылуға көмектеседі;

Қандай да болмасын аурудан тезірек айығуға;

Өз қызығушылықтарына көңіл бөліп және белсендігі жоғары адамдармен сөйлесу;

Табиғатта серуендеу, ән тыңдау және айту , кітап оқу

Күн тәртібін сақтау, уақытымен тамақтану;

Өмір рақатын сезіну;

Күлімдеңіз және көбірек күліңіз