Біз тапқыр баламыз зияткерлік сайысы

«Біз тапқыр баламыз» интелектуалдық ойыны

Мақсаты: Балалардың білімге деген қызығушылығын арттыру. Жалпы оқу бағдарламасымен қатар, дүниетанымы мен интеллектуалды ойлау қабілетін ұштау. Патриоттық сезімдерін ояту, тез және дұрыс шешім қабылдауға баулу.

Құрылымы: Ойынға 6 баладан құралған 2 топ қатысады. Қатысушылардың жалпы саны - 12. Ойын 4 кезеңнен тұрады. Топтар әр кезеңнің қорытындысы бойынша қазылар алқасы көп ұпай жинаған топты жеңімпаз деп анықтайды.

Ойын барысы:

Жүргізуші: - Армысыздар, қонақтар, қатысушылар! Бүгінгі «Біз тапқыр баламыз» атты интеллектуалды сайысқа хош келіпсіздер! Ойын шарты әрбір кезеңге байланысты тапсырмаларды орындау. Құрметті қонақтар, сайысқа қатысатын ұландар! Бүгін №3 «Гнездышко» балабақшасы мен №8 «Теремок» балабақшасының ересек топ тәрбиеленушілері аралығында өткізгелі отырған «Біз тапқыр баламыз» интеллектуалды ойын – сайысын көріп тамашалайсыздар.

-Енді әділ қазылармен танысайық. Әділ қазылар: _______________________________________________________________________________________________________________________________________________________________________________________________________________

Жүргізуші:

Жақсы болу өзіңнен,

Жаман болу өзіңнен.

Өзіңді өзің ая да,

Өзің үйрен өзіңнен.

Жақсылық көрсең біреуден,

«мен қандаймын?» деп ойла.

Жамандық көрсең біреуден,

«мен қандаймын?» деп ойла, – дей отырып, бүгінгі «Біз тапқыр баламыз» интеллектуалды сайысын бастаймыз!

Бүгінгі ойынымыз өте ерекше. Өйткені біз командамен жұмыс істеуіміз керек.

Ережелерді естен шығармайық. Ал сайысымызды бастайық.

1-ші кезең:Топтарды таныстыру

2-ші кезең: «Білгенге маржан». Cұрақтарға жауап беру

3-ші кезең: «Тіл өнері» («Үй тапсырмасы» ертегіні сахналау 5-7 мин. Және ағылшын тілінде ойын)

4-ші кезең: «Тапқырлар» (логикалық жұмбақтарды шешу)

Жүргізуші: - Олай болса, 1-ші кезеңді таныстырудан бастаймыз. Сайысқа қатысушы командаларды ортаға шақырамыз. Алдымен №3 «Гнездышко» балабақшаның тәрбиеленушілерін ортаға шақырамыз. Енді №8 «Теремок» балабақшасының командасын қарсы алыңыздар!

1-ші кезең: «Таныстыру»

Музыка әуенімен корреспондент кіреді.

Корреспондент. Сәлем достар! Мен сіздерде интеллектуалды сайыс болатынын біліп, арнайы сіздерден сұхбат алуға келдім. Сайысқа қатысушылармен сұхбаттасуға рұқсат етіңіздер. Здравствуйте! Добрый день! Разрешите взять интервью у ребят, участников турнира. Это будет очень интересно нашим читателям.

Жүргізуші: Олай болса, «Білгенге маржан» атты 2-ші кезеңімізді бастаймыз!

Сұрақтар:

Біз қай елде тұрамыз?

Біздің Отанымыз қалай аталады?

Еліміздің астанасы қай қала?

Еліміздің президенті кім?

Алғашқы Президент күні қашан атап өтіледі?

ҚР-ның рәміздерін білесің бе?

Еліміздің жүрегі-Астана қаласына неше жыл толды?

Біз қай қалада тұрамыз?

Екібастұз қаласының көрнекті жерлерін білесің бе?

Астана қаласының көрнекті жерлерін білесің бе?

Корреспондент: - Тамаша! Сендер өз еліміздің, қаламыздың кішкентай азаматтары екендігін таныттыңдар! Қазір барлығыңды газет үшін суретке түсіріп алайын! Газетке сіздер туралы мақала басуға кеттім! Сау болыңдар! До свидания! Гуд бай! (музыка әуенімен шығып кетеді!)

Музыкалық пауза : __________________________________________________________________

№3 «Гнездышко» балабақшасының атынан музыкалық сәлем!