Біз жеңімпаз баламыз ойындар мен сценарийлер

Тақырыбы: « Біз жеңімпаз баламыз»

Мақаты: 1. Ойын кезінде өзін-өзі бақылау арқылы белсенділікке, сенімділікке, қайсарлыққа, батылдыққа, ұйымшылдыққа тәрбиелеу;

Ойын кезінде әділдікке, жолдастық сезімге, ойынды жетілдіруге тәрбиелеу;

Балаларға денсаулықтың қадірін, бағалы байлық екенін түсіндіру және оны сақтаудың жолдарын түсіндіру.

Қажетті құралдар: доп, кедергілер, кегли.

Барысы: 1. Кіріспе сөз;

Спорттық жарыс;

Қорытынды сөз. Марапаттау.

Жүргізуші: Құрметті жиналған қауым, ұстаздар және бүлдіршіндер! Бүгінгі «Біз жеңімпаз баламыз!» атты спорттық жарысымызға қош келіпсіздер! Сайыстың негізгі мақсаты – жас ұрпақты жаман әдеттерден аулақ, денінің сау болып, келешекте өз елінің, қоғамының салауатты, өркениетті, білімді азаматы етіп қалыптастыру. Осы мақсатта біз бүгін даярлық топтар арасында сайыс өткізгелі отырмыз.

Жүргізуші: Жарысқа қатысып, бақ сынамақшы болған үміткерлерді іріктеуден кейін 2 топ алдарыңызда өнер көрсетпекші. Сіздерге жеңіс тілей отырып, ортаға сайыскерлерді шақырамыз.

Бүгін бүлдіршіндер 2топқа бөлініп бақ сынайды. Ал ендеше сайысымыздың шарттарымен таныстырып өтейін.

Сайыс шарттары:

1.Допты ойын; 2. Ептілік; 3.Поезд; 4.Достық

Ал, балалар сайыс шарттарымен таныс болдық, енді әрі қарай ойынымызды бастаймыз.

Жүргізуші:

Денсаулық – шексіз бақыт,

Уа, халқым, назар аудар денсаулыққа.

Өмірде бақыттысың денің сауда,

«Денсаулық – терең бақыт» деген сөзді,

Құр айтпаған ұлы Абай данамыз да,-деп, келесі ойынымызға көшейік.

1.« Допты ойын».

Ойын шарты:Доппен жүгіріп барып, доппен жүгіріп келеді де, допты келесі оқушыға береді.Дәл осылай ойын қайталанады.

Жүргізуші:

Денің сауда күштісің бұл әлемде,

Денің сауда сұлусың жер бетінде.

Сол мықты денсаулықтың арқасында,

Жетерсің әлі талай бақыттарға.

Сайысымыздың келесі бөлімі «Ептілік» ойыны деп аталады.

Ойын шарты: доптың үстінде отырып секііріп барып, қайтып келу.

Құрметті сайыскерлер деніміз сау болсын десек спортпен шұғылданайық. Сонымен сайысымыздың келесі бөліміне көшейік.

Келесі ойынымыз «Поезд» деп аталады.

Ойын шарты: Әр топпен бірінің артынан бірі тіркесіп жүреді

Жүргізуші: Жатып ішер боп жалқау,

Бойкүйез болма, еріншек.

Айналысып спортпен,

Талаптан, жаттық еңбекпен.

4.«Достық».

Ойын шарты: Топ басшысы достарын бір бірлеп қолынан ұстап мәреге тасиды

Жүргізуші: Бүгінгі «Біз жеңімпаз баламыз» атты спорттық жарысымыз аяқталды. Көріп тамашалағандарыңызға рахмет.