Болашақ мамандарды жаңартылған біліммен даярлау

Болашақ мамандарды жаңартылған білім мазмұны аясында кәсіби даярлау

Қандай да болмасын ұлттың болашағы мен оның қауіпсіздігі, ең алдымен сол елдегі білім беру жүйесі мен оның сапасына байланысты екені белгілі. Жаңа жылдың қарсаңында қабылданған еліміздегі білім беру мен ғылымды дамытудың 2020-2025 жылдарға арналған мемлекеттік бағдарламасы бүкіл педагогтар қауымы тарапынан қолдау тауып, еліміздегі білім берудің сапасын сол жоғары деңгейге көтереді деген сенімдеміз.

Өздеріңізге белгілі, еліміздегі жалпы орта білім беру жүйесі 2016 жылдан бастап, кезең – кезеңімен жаңартылған білім мазмұнына көшіп, өзінің көздеген оң нәтижесін беріп келеді. Бүгінгі күнгі көкейтесті мәселе – педагогикалық колледж бен университеттерде даярланып жатқан болашақ ұстаздардың жаңа талаптарға сәйкес кәсіби даярлық сапасының деңгейі. Педагогика ғылымында өздеріңізге белгілі, болашақ педагогтарды даярлау алдағы 10-15 жылға бағытталуы тиіс делінген. Ал, бүгінгі колледждер мен жоғары оқу орындары даярланып жатқан мамандардыңғ сапалық деңгейі еліміздегі білім беру жүйесінің соңғы жылдары қарқынды түрде дамуы мен ондағы өзгерістердің талаптарына сәйкес келе ме?

Шынын айту керек, біздегі кәсіби – педагогикалық білім беру мен оны ғылыми – әдістемелік негіздеу бүгінгі мектепке енгізіліп жатқан жаңашыл үдерістерге толық жауап бере алмай келеді. Ендігі кезек күттірмейтін мәселе – осының себебін жан – жақты талдап, оны жетілдірудің тиімді жолдарын жедел қарастыруымыз керек. Біздің ойымызша, колледждердегі де, жоғары оқу орындарындағы да кәсіби даярлықтың педагогикалық, психологиялық, әдістемелік мазмұнын түбегейлі жетілдіріп, болашақ ұстаздардың даярлығын мектеп оқушыларының функционалдық сауаттылығын қалыптастырып, жаңартылған білім беру мазмұнын игеруіне бағыттауымыз керек.

Педагогикалық білім берудің мазмұнын, оның ішінде дидактика мен педагогикалық психологияның мазмұнын қайта қарап, оны мектеп оқушыларының функционалдық сауаттылығын қалыптастырудың психо-педагогикалық негіздемесімен, оқушылардың білімін критериалды бағалаудың дидактикалық негіздерімен толықтыру қажет. Осыған сәйкес колледж бен университет студенттеріне арналған қолданыстағы оқулықтардың да мазмұнын қайта қарап, жаңарту қажет. Бұған дейін жаңартылған білім беру мазмұнына көшуге байланысты мектеп мұғалімдерінің, тек соңғы жылдары ғана колледждер мен университет оқытушыларының арнайы біліктілік арттыру курстарынан өтуі қамтамасыз етіліп, ал, болашақ ұстаздарға кәсіби – педагогикалық білім берудің мазмұнын ғылыми –…