Болашаққа бағдар: рухани жаңғыру, 4-сынып мақаласы

«Болашаққа бағдар: рухани жаңғыру» біліктілік арттыру курсы

Сағат саны: 36

Тыңдаушылар категориясы: Қазақстан Республикасы азаматтары

Курстың мақсаты – Қазақстан Республикасы азаматтарына Елбасының «Рухани жаңғыру: болашаққа бағдар» кешенді мақаласының негізгі міндеттерін нақты мысалдар негізінде түсіндіру және талдау. Курс барысында, әрбір сағаттың өзіндік тақырыптары және әрбір тақырып бойынша теориялық-практикалық, әдістемелік тапсырмалар болады.

Курс тақырыбының өзектілігіКурс мазмұны несімен өзекті? Бұған жауапты бағдарламалық мақаланың өзінен келтіруге болады. Мақалада Елбасы Н.Ә.Назарбаев: «Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс.<...>Өмір сүру үшін өзгере білу керек. Оған көнбегендер тарихтың шаңына көміліп қала береді». Осыған байланысты төмендегідей нақты тақырыптардың мән-мағынасы ашылып, міндеттер қойылады:

Бәсекеге қабілеттілік

Прагматизм

Ұлттық бірегейлікті сақтау

Білімнің салтанат құруы

Қазақстанның эволюциялық дамуы

Сананың ашықтығы

Латын әліпбиіне көшу

Қазақ тіліндегі 100 жаңа оқулық

«Туған жерге туыңды тік»

«Қазақстанның киелі жерлерінің географиясы»

«Жаһандағы заманауи қазақстандық мәдениет»

«Қазақстандағы 100 жаңа есім»

Курстың өзектілігі – бұрын-соңды оқу бағдарламасына қосылмаған жаңа пән туралы, оның мақсаты мен міндеті туралы жалпы түсінік қалыптастыруына, ЕлбасыН.Назарбаевтың «Болашаққа бағдар: рухани жаңғыру» ұлттық бағдарламасын жүзеге асыруына себепкер болуында. Модернизациялау процесі бір мезетте әр түрлі деңгейлерде жүруді қажет ететін, жүйелі өзгерістер енгізуді көздейтін кешенді құбылыс. Экономикалық, саяси, мәдени және құқықтық өзгерістер өз алдына жеке-жеке кеңірек тарқатыла түсуді, тереңірек тамыр жаюды көздеумен қатар, өзара тұжырымдамалық байланыстан ажырап қалмай, оны басты бағдар ретінде ұдайы назарда ұстап отыруды модернизацияның басты шарты ретінде қабылдаулары тиіс.

Күтілетін нәтижелер

Курс барысында тілдік жаттығулар жүргізіледі: жаңылтпаш, жұмбақ және мақал-мәтелдер;

Қазақ ұлтының тарихы, болмысы мен ерекшелігі, мәдениеті мен өнері туралы жалпы түсінік алады;

Бүгінгі Қазақстанның әлеммен байланысы, жаһандық мәдениет пен өнер, ғылым айналымы жайлы кешенді мағлұмат алады;

Сыни тұрғыдан ойлауға машықтанады.

Курс авторларынан

Ұлттық жаңғыру дегеніміз ұлттық санамен тығыз байланысты. Оның түпкі мақсаты – ұлттық бірегейлікті сақтап, ел ішінде бейбітшілік пен келісім үйлесе отырып, ұлттық береке, бірлік салтанат құрған бәсекеге қабілетті, табысты ел болу. Осы тұрғыда Елбасы, ҚР Тұңғыш…