Болашаққа есік ашқан білім ордасы туралы мақала

БОЛАШАҚҚА ЕСІК АШҚАН БІЛІМ ОРДАСЫ

Сұлтамұратов Б.Ә.

Қазгзу колледж оқытушысы.

Біз қашаннан «Дүниенің кілті – оқу-білімде» деген ата сөзін ұстанған, табиғатынан жаны білуге, үйреніп-түюге құмар дана халықпыз. Сондықтан сөзімді «...Ел байлығы деген не? Ол – білім, ол – жаңа технология, ол – бәрінен бұрын отаншылдық сезім» деген сөзімен бастағым келіп отыр. Жылдармен жаңаланып, ақпараттар ағынына ілесіп, заман талабынан көрініп жүрген облыстағы техникалық және кәсіптік білім беретін оқу орындарының бірегейі – Қазақ гуманитарлық-заң университетінің колледжі. Тарихы да, тәжірибесі де бай білім шаңырағы жиырма жылға жуық уақыт бойы кәсіби сапалы мамандар даярлау ісімен айналысып отыр. Заң саласындағы дайындау – мемлекеттің алдыңғы қатарда дамуын қамтамасыз ететін негізгі ресурс, себебі, заңгерлер мемлекеттің зияткерлік капиталының іргетасын қалайды. Осы аксиоманы жете түсінетін Қазақ гуманитарлық-заң университетінің колледжінің ұжымы 20 жылдық тарихында еліміздің білім саласына мыңдаған жуық мамандар даярлап шығарды. Жыл өткен сайын білім мекемесінің оқытушылар құрамы ұлағатты ұстаздармен толығып, материалдық-техникалық және оқыту-әдістемелік мүмкіндіктері де арта түсуде. Білікті де білімді басшылық құрам, мемлекетіміз үшін қиын-қыстау кезең басталған кезде қажырл

«Заңгер мамандар ұстаханасы» атанған Қазақ гуманитарлық заң колледжі өзінің жиырма жылға жуық даму тарихында маңызды өзгерістерге қол жеткізді, жаңа тұрпатты білім ордасына айналды. Бүгінде білім ордасынан тәлім алып, еліміздің түкпір-түкпіріне қанат қаққан әрбір түлегіміз бар жиған білімдерін заң саласында, өз халқының игілігіне арнағаны ақиқат. Оқытушылар құрамы сандық әрі сапалық жағынан өсті. Болашақ мамандарға сапалы білім алуға жағдай туғызу мақсатында колледждің материалдық-техникалық базасы үнемі жетілдірілуде. Білімді ақпараттандыру бүгінгі таңда заң саласы жүйесін жаңартудың негізгі жолдарының бірі ретінде қарастырылады. Оқу кабинеттері жаңа технологиялық, ақпараттық құралдармен жабдықталған. Колледжде көптеген кабинет, криминалдық зертхана, әр мамандықтың қажетіне сай бөлінген компьютерлер, интернет класс, интерактивті тақтамен жабдықталған оқу және мультимедиа кабинеттері, интернетке қосылуға мүмкіндік беретін wi-fi нүктелерімен кеңінен пайдаланылуда. Сонымен қатар колледж асханасы, спорт залы бар. Оқу ғимаратының кіре берісі мен мәжіліс залында замануи LED экрандар орнатылған. Аталмыш құрылғылар тәрбие мен оқытуды ұйымдастырудың тиімділігін арттыруда.Колледж қабырғасын